Skip to content

Skip to secondary menu

Skip to table of contents

Testemuña ba Jeová

Fataluku

Luku-lukun rauni it Ocava naen mau

 LISAUN 15

Tevaʼane hin afita tali eluhen Ocava Jeová ihinim rau-raun istuda?

Tevaʼane hin afita tali eluhen Ocava Jeová ihinim rau-raun istuda?

1. Tevaʼan laʼat Bíblia melaʼan em rau-raun istuda ta uhulen afi tolune?

Inait laʼan Bíblia nanatet afa haim eulan istuda ia, afi icatutun it laʼan Ocava Jeová nanatem piheten pai. Mais afa eluhen varim nerepai ta afi icatutun o ta vari pihete. (1 Pedro 2:2) Afi lauhana raunit kois laʼan lauhen nau laʼa nohorata mara ia, afa nim Ocava karunen i luku-lukun vari istuda hala nanate.João 17:3; Judas 21 lere.

Karu afa Ocava nanate istuda, ia fait afi fiarana vari pihete. Fiarana en afi tolunet afa fait Ocava icarau-rau. (Ebreu 11:1, 6) Eno em afi tarapait afa hin kail ere keluhe ali mulare, nauvara iʼat afa nere lauhem ranupai.Apóstolu 3:19 lere.

2. Tevaʼan laʼat afita uhulen inait laʼan Ocava nanatet afa hai navare melaʼa toru tolune?

Orasaun ni neret afita uhulen nim Ocava na dedikan karune

Tarut afa luku-lukun iraun unu vari ia, afa eluhen em toru acitaʼa, maise ana upe? Afiro afa eluhen inait afa Bíblia naen hai istuda melaʼan em toru acitaʼa. Afa Bíblia istuda varim emerpelaʼa, afa kois on tevaʼan laʼat afita Bíblia uza aprende, navar afa uhulen hin fiaranam toru aci nerecaʼa nauvara luku-lukun i maisina nanatem tavar aci nerecaʼa.Roma 10:13-15 lere.

Maʼarlauhana lafanen luku-lukun raune hai melaʼan em hin lanura ho lemocor ere acitaʼa. Mais tarut afa efai nae, afa uhulen jen hin navarana uzan afita fai. Naceana, afa tavar i relijiaun har akam i maisina ia aka vasi maise, mais itali raun ia afit inait Ocava hai taʼat non kois fai ivim tavar acitaʼa it talirau. Nauvara, tapa e malufe po afi fai-fain ere o afi luku-lukun ali talirau, i forsa anet maʼarlauhana i uani oco.2 Timóteo 2:24, 25 lere.

3. Afa uhulen icarau-raun Ocava apur nita aʼaverire it inai?

Afa Bíblia istuda naet, afita uhulen Ocava melaʼan rau-raun nerenavare, nauvara inere maʼun nae, afiro afa uhulen tava apur  nita hai karune. Afiro afa uhulen i familia, nauvara ihini unu haini.2 Korinto 6:18 lere.

4. Tevaʼan laʼat afita luku-lukun i maisina vari mucunen fanu vari melaʼa?

Afa Ocava i luku-lukun vari istuda nae, afa kois tevaʼan laʼat afita afi lauhana mucu Bíblia i hiʼa raun nere istudan nerepai. (Ebreu 5:13, 14) Testemuña ba Jeová unu acitaʼat maun livru unit Tuir Loloos, Saida mak Bíblia Hanorin? ivi uzan enapur Bíblia istuda, se afa eluhen Ocava i lukun-lukun vari istuda afi lauhana kois laʼan tali nica rau-rau.Salmo (Mazmur) 1:1-3; 73:27, 28 lere.

Bíblia mucune ia afa uhulen luku-lukun raun it icarau-raun Ocava naen maʼu aci. (1 Timóteo 1:11) Afa uhulen nim Ocava karunen i povu ere apur nita horu lau-laune. (Ebreu 10:24, 25) Afa nivarim piheten pai Ocava varim icarau-raun pai nae, afita uhulen lauhana i maisinat nau laʼa nohorata mara aci. Tapi, nivarim Ocava karune it nacun italiraun unit afa uhulen fai.1 Timóteo 6:19 lere.

 

TAWA ISTUDA

REUNIAUN ERE I

Ina ini reuniaun erem tea pai?

Jen ma’u ini reuniaun alivana nape maʼu.

BIBLIA ISTUDA

Teva’ane hinta afita Biblia istuda?

Teva’ane hinta afita Biblia istuda? Biblia it maʼarluhana rihun rahe mundue micane i natanana importante ere hainaunuku liare. Afiro afa eluhen nerenaware ana upe?