Skip to content

Skip to secondary menu

Skip to table of contents

Testemuña ba Jeová

Fataluku

Luku-lukun rauni it Ocava naen mau

 LISAUN 4

Jesus Kristu it umani?

Jesus Kristu it umani?

1. Jesus tenaen maʼu?

Jesus ina fai-fainim mesene hinta maar tava karu pelaʼa mafehe i?MATEUS 11:29; MARCOS 10:13-16.

Ratan Jesus aka ono maʼu mua micapemaʼu tava anju unit nel hai hia lauhe, ivihinta tava ia akam maʼarlauhana itouri vaʼane. (João 8:23) Jesus it Ocava i kriasaun ali itanavahun i hemeranani, nauvara tava Ocava tolunen apur ina-inai uku fai. Ihemerana Ocava Jeová, Jesus naum emerpai, ivihin afita em Jesus naceru Ocava “Imoco-nami nauni”. (João 1:14) Jesus, Ocava acanaten i luku-lukun ocavani, ivihin afiro afita uhulen em tava naceru “luku-lukuni”.Provérbios (Amsal) 8:22, 23, 30; Koloso 1:15, 16 lere.

2. Tevaʼane hin Jesus ta maʼu muamica pemaʼu?

Ocava hin Moco-Nami haret hin lauhanat nelu nae helupain maʼun, tupur fanar Judeu mocor unit ine Maria neren maʼu muamica pemaʼu. Jesus ipal un akam muamicane. (Lucas 1:30-35) Jesus maʼu muamica pemaʼu nu (1) Ocava i luku-lukun maisina memaʼu toru fanave, (2) maʼun em Ocava i hini nerepaim afi fanave, tevaʼan laʼat afita Ocava i heluhana nerepaim afi nacaʼa, aitana afa on susarana aci, nauvara (3) jen “hin lauhanat kail pali nim maʼar tour utucenen laʼa umu”.Mateus 20:28 lere.

3. Afa eluhen uhulen ina nacone?

Tarut Ocava maʼarlauhana fai, tava i heluhana akam maʼarlauhana har laʼan laite, katuasin laʼa umu. Laʼan e nanate afa em tevaʼan navare? Ocava em maʼarlauhana ihemerana Adão, acitaʼa har inait Bíblia taʼat “kail” ivi fai ia tava laʼa umu. Aitan Adão akam kail fai inar tava akam umu. (Gênesis [Kejadian] 2:16, 17; 5:5) Bíblia taʼa har umunia maʼarlauhana ukani neren maʼu iviʼit Adão ni, hinta umun ta “maʼu” muamica pemaʼu. Ivihinta, maʼarlauhanat  umunoro ia Adão i kaili hintaua. Afa uhulen eluhen kail ho umunit Adão naen maʼu nacone.Roma 5:12; 6:23 lere.

Aitana tarut afa umu afa uhulen ni haim jen hin kail hiare, mais afa maʼarlauhana unit afa kail coria afakam uhulen nim maʼar i kaili utucene. Ivaʼane ia umanit uhulen fait afa kail ho umuni nacone?Salmo (Mazmur) 49:7-9 lere.

4. Tevaʼane hinta Jesus ta umu?

Jesus ia kail pali, akam afi vaʼane. I mai-maisina tava ia kail pali hinta akam uhulen umun jen nim hin kail hiare. Mais, Jesus umun laʼan nim maʼarlauhana tour i kaili utucene. Ocava hin icatutun lafai nim afi inan hin Moco-Nami haret maʼu afi hin umu. Jesus hin ica-tutunim mesenen, ipali ihini nerepain jen hin lauhanam afi kaili utucene.João 3:16; Roma 5:18, 19 lere.

5. Inait Jesus kar tempu e mucu fai?

Tarut Jesus on muamicane tava maʼarlauhana eret poʼoterem humeren pai, umunoro nim uralauh pai nauvara maʼarlauhana itahananam vakah pai. Tava efai ia, tava inait nop-tatun fai ivim maʼarlauhana eret Ocava hini nerepai mesene. (Mateus 15:30, 31; João 5:28) Depois Jesus umu, Ocava tavam uralauhpait ali fulehen laʼan anju. (1 Pedro 3:18) Tarut Jesus fulehen laʼa nelumara, tava laʼan Ocava Jeová itana tenen hicimiren ihiret ta nau laʼa, ipal a forsa nit mua ukunen Liuraim ina. (Ebreu 10:12, 13) Kar tempu emucune, Jesus nel hianen Liurai haini, nauvara karue nae tavarit em Ocava hini nerepai, luku-lukun ere ehai melaʼan muacauvele aufu pelaʼan em toru acitaʼa.Daniel 7:13, 14; Mateus 24:14 lere.

Akam hai rata, Jesus hin forsa nit Liurai uzan tahanana ho maʼarlauhanat toru halam tahanana pai ukum saipai. Laʼan tempu ivinaʼe, tavarit ele Jesus fiaren em ihini nerepai, tavar kois laʼan alivana unit jardín Eden vaʼane ali mica lauhen ta nau laʼan nohorata mara.Salmo (Mazmur) 37:9-11 lere.