Skip to content

Skip to secondary menu

Skip to table of contents

Testemuña ba Jeová

Fataluku

Luku-lukun rauni it Ocava naen mau

 LISAUN 8

Ina hin Ocava ta ikaparana ho tahanana ete kauret mesene?

Ina hin Ocava ta ikaparana ho tahanana ete kauret mesene?

1. Tevaʼan laʼa hin ikaparana ta mesene?

Ocava tempu maʼarlauhana inat jen hin ukune navar em mesenet har tavar i forsa akam tapi uhulen maʼarlauhana i problemam saipai

Tarut Satanás maʼarlauhana ihemerana ete piri naet ikaparana en ta mesene. Ratan Satanás akam anju ikaparana. Ocava tava fai nae tava anju unit kail pali, mais inere maun nae, “tava akam i maisina hai mucu lauhe”. (João 8:44) Tava iheluhana ia maʼarlauhana har tava loluep akam Ocava. Satanás tupur ihemerana Eva etepiri, nauvara acitaʼat har tapa Ocava ihini nere po tava ihini nere. Adão nio eluhen Eva ihini neren akam em Ocava hini hai nerepai. Fai-fain ere inemana it tahanana ho umun memaʼu.Gênesis (Kejadian) 3:1-6, 19 lere.

Tarut Satanás Eva orinet akam Ocava hini nerepai nae, Satanás a Ocava i ukunana kontra ali i direitu ukunana fai valin pai. Maʼarlaunana lafanen Satanás hini nerepain akam Ocava i ukunana hai semu. Ivihin Satanás ata “muacauvele hai ukune”.João 14:30; 1 João 5:19 lere.

2. Tarut Ocava anju ho maʼarlauhana fai, tavar i forsa anet Ocava hini nerepai ana upe?

Ina-inait Ocava fai naunuku rau nauvara un akam falta. Tarut Ocava maʼarlauhana ho anju ere fai, tava forsa nit eluhen em Ocava hini nerepaim tavar nae. (Deuteronômio [Ulangan] 32:4, 5) Ocava afi fai liverdadem afi ina, afita mamin acue eluhen irauni ali ikaparana fai. Liverdade en tempu raunim afi inat afi har hin icatutunim Ocava mesene.Tiago 1:13-15; 1 João 5:3 lere.

3. Ina hin Ocava ta tahanana ere etekauret karue mucu vari mesene?

Laʼa tempu Adão ho Eva hin Ocava hini valim pai nae, Ocava Jeová akam maʼarlauhanat eluhen em Ocava i direitu ukunana fai valin pai har kapare. Tevaʼane hintaua? En em afi mesenet har maʼarlanhana i ukunanat em Ocava hini valim pai, akam nacun iraun unu nau memaʼu em  maʼarlauhana ere haupai. (Eclesiastes [Pengkhotbah] 7:29; 8:9) Laʼan ajaera 6.000 mucune, maʼarlauhana i lauhana em afi mesenet har, maʼarlauhana akam navar jen hin ukune. Maʼarlauhana i ukunana akam uhulen justisa, hali, krime, nauvara poʼotina molupai.Jeremias (Yeremia) 10:23; 2 Pedro 3:7-9 lere.

Mais, tavar eluhet Ocava tavar ukune, tavar lauhana irauni aci. (Isaías [Yesaya] 48:17, 18) Akam hai rata, Ocava Jeová on maʼarlauhana i ukunana ukum molurpai. Maʼar afurit Ocava i ukanana hala neluhe it, non laʼa muacauvele micanen nau laʼa nohorata mara.Isaías (Yesaya) 11:9.Daniel 2:44 lere.

4. Ocava i pasiensia ina tempu raun nim afi ina?

Satanás em Jeová hiamoi har maʼarlauhana eluhen i raun aci hinta acanate, akam icatutuni hinua. Afa eluhen Satanás i luku-lukun pirinim mesene ana upe? Afa eluhe! Ocava i pasiensia vacim afi inat afi har uhulen e fai. Afiro afa uhulen acue, Ocava i ukunana nerepai ana maʼarlauhana i ukunana nerepai. Afi fai-fainit muahara-muahara hinio, afa em mesenet ukunana tenit afa acue.(Ayub) 1:8-12; Provérbios (Amsal) 27:11 lere.

5. Afa em tevaʼan navare hin afita Ocava nacuʼet afi ukune?

Afi desizaun ere ia afa em mesenet afa Ocava nacuet afi ukune

Afa eluhen Ocava nacuet afi ukune nara, inait laʼan loluana ali adorasaun i maisina nanatet Bíblia em afi fanave istudan nauvara em nerepai. (João 4:23) Tarut afa kam hal ho polítiku fai mucune, ia afa em mesenet har afa kam Satanás i ukunana semu nauvar Jesus vaʼane.João 17:14 lere.

Satanás hin forsa ni uza nem maʼarlauhana fait i fai-fain a fanavana haipali, nauvara nita ua-uapai na hai nau tavane. Tarut afa fai-fain ere nacone, icaen afi parenti ere afi haim ura-ura caʼa ali ica afi hai nananekule. (1 Pedro 4:3, 4) Ivihin afita uhulen desizaun unume. Afa ono maʼarlauhanat Ocava eceremu ere horu-horupe ana upe? Afa ono tava i leit afi eceremun em afi ina nerepai ana upe? Tarut afa e nerepai nae, afa em Satanás mesenet, i luku-lukunit taʼat afa maʼarlauhana tarut afa susarana aci afa kam Ocava hini hai nerepai en piri.1 Korinto 6:9, 10; 15:33 lere.

Ocava maʼarlauhana eceremu hinta, tava kois laʼan inait ikaparana ho susarana ukum molurpai. Maʼarlauhana eret Ocava fiare nauvara nim i ukunana uane it, kois laʼan lauhen nau laʼan nohorata mara aci.João 3:16 lere.