Skip to content

Skip to secondary menu

Skip to table of contents

Testemuña ba Jeová

Fataluku

Luku-lukun rauni it Ocava naen mau

 LISAUN 9

Tevaʼan laʼat afi família i lauhana ta icarau-rau?

Tevaʼan laʼat afi família i lauhana ta icarau-rau?

1. Tevaʼane hinta kaven it em lei nere ia importantet afi família i lauhana icarau-rau?

Ocava Jeová it icarau-raun Ocava ni, tava it luku-lukun raun iara, nauvara tava eluhet família ere naunuku icarau-rau. (1 Timóteo 1:11) Ocava it emer kaven e fain em maʼarlauhana ina. Jeu ho eleh kaven i mai-maisinat em lei nere pai fai ia, tali importante navar mocor tolunet tapa ara-arahe po icarau-rau ere. Kristaun i maʼarlauhana ere o uhulen em lei istadu hinit laʼan kaven nanate nerepai.Lucas 2:1, 4, 5 lere.

Ocava i heluhanat laʼan lauhana kaven ihini nanate ia inai? Tava eluhet jeu ho eleh vari horu lauhe tanau laʼa nohorata mara. (Ebreu 13:4) Tava maʼar nita keluhe nau mulare. (Malaquias [Maleakhi] 2:16) Mais, tarut kristaun i maʼarlauhana un i jeu ali i eleh un nita tava pelaʼa fai, Ocava eluhen tavar etekauret nita kelun ali nei kave.Mateus 19:3-6, 9 lere.

2. Jeu ho eleh uhulen ina fai-fain nim nitanacaʼa?

Jeová a tupur ho nami har lauhana kaven hini mucu em nita hini nere. (Gênesis [Kejadian] 2:18) Família icautapun unia, eleh it família mucu inait lemucunana eluhe anahe, nauvara inait laʼan Ocava Jeová hini nanatem hin família fanave. Eleh uhulen hin fai-fain it, Jeu i heluhanam Jen hin tali neceremum Jeu mesene tarau. Jeu ho eleh uhulen icatutu nim nita ina nauvara nita respeitu. Mais Jeu ho eleho kailcori, ivihinta importante ia tavar uhulen nita perecua navar tavar i lauhanat lemucunana ihini vari nica rau-rau.Éfeso 4:31, 32; 5:22-25, 33; 1 Pedro 3:7 lere.

3. Afi lauhana kaven hini mucune akam hai nicarau-rau afa nita pati ia rau ana kapare?

Tarut afa afi lauhanat kaven hini mucunen susarana aci, jeu ho eleh afa uhulen icatutuni varim nita ina. (1 Korinto 13:4, 5)  Ocava i luku-lukun aka em afi acitaʼat har, nita keluhanan it iʼa unit afi problema ailaci lemucunana ere hinim saipai.1 Korinto 7:10-13 lere.

4. Ocava i heluhanat laʼan mocor nanate it inai?

Ocava Jeová eluhet mocor ere icarau-rau. Ocava it iʼat tevaʼan laʼat mocor it on hia-hiamoi ere ata icarau-raum ina. Ocava eluhet mocor hin nal ho pal i lauhana rauni ho i navarana nerepai. (Koloso 3:20) Jeová, tafi fai, io eluhet mocor icarau-rau nim ihini ho i Moco-Nami hini nerepai.Eclesiastes (Pengkhotbah11:9–12:1; Mateus 19:13-15; 21:15, 16 lere.

5. Tevaʼan laʼat nal-pal ta hin mocor i lauhana fait uhulen icarau-rau?

Nal-pal uhulen sirivisi navar inait i mocor a eluhe iviʼit laʼan mace-macen ere, lee ho vari, nauvara lalaveren anahen em mocor ina. (1 Timóteo 5:8) Mais mocor uhulen icarau-raun aci ia, nal-pal o uhulen tavar fait Ocava eceremu nauvara em Ocava hini nerepaim fanave. (Éfeso 6:4) Tarut nal-pal hin icatutunit Ocava naem mocor mesene, en uhulen tavar i uani oco. Tarut nal-pal Ocava luku-luku nim mocor fanave, eniʼit non kois tavar tolunet laʼan nacun iraun aci.Deuteronômio (Ulangan) 6:4-7; Provérbios (Amsal) 22:6 lere.

Tarut nal-pal hin mocorim hiacaʼa nauvara i fiaranam piheten pai, en kois mocor tolune. Nal-pal o eluhen mocor nerecotot tapa akare nauvara tavar sala fai anekule. Tarut tavar laʼan em enerepai nae, nal-pal uhulen hin mocor puhucotot fai-fain ikaparanat akam fait tavar icarau-rau molupai. (Provérbios [Amsal] 22:15) Aitana ivaʼane o tapa mocor vasi tali nananekule.Koloso 3:21 lere.

Testemuña ba Jeová i livru ica uhulen nal-pal ho mocor tolune. Iʼa iraun it livru ere mucune ia naunuku Bíblia naen maʼu.Salmo (Mazmur) 19:7, 11 lere.