1. Relijiaun naunuku rau ana upe?

Relijiaun lafane mucune maʼarlauhana ica itana varese. Ocava tavar aci nauvara tavar eceremu, eniʼit luku-lukun irauni. Mais, afa muha nica kapare, maʼarlauhana ica relijiaun ere ivi mucune, ikaparana hala fai. (2 Korinto 4:3, 4; 11:13-15) Relatóriu ere naen taʼa ia, har relijiaun ica terrorizmu ere apur nita aʼaverire, halu fai, nauvara moko-mokor kau kisare tavapelaʼan seilen i lauhana kaparpai. Fai-fain ere en fait maʼarlauhanat eluhen Ocava fiare icakapare.Mateus 24:3-5, 11, 12 lere.

Relijiaun i maisina ere ia Ocava loluʼe-suare, mais relijiaun i falsu ere ia fait Ocava ica kapare. Relijiaun i falsu ere lafanen akam eceremun it Bíblia mucunem fanavana fai, nauvara fanavana i falsut laʼan Ocava nanate ho umun nanatem fanavana fai. Nanipo, Ocava Jeová eluhet maʼarlauhana luku-lukun i maisina laʼan tava nanate nerenavare.Ezequiel (Yehezkiel) 18:4; 1 Timóteo 2:3-5 lere.

2. Inait kois laʼan relijiaun ere naen mesene?

Aitana relijiaun lafanen har Ocava eceremu, mais tavar ifai-fain lafanen em afi mesene ia tavar Satanás i mundu e tali neceremu. Relijiaun ere en akam uhulen navar Ocava orine. (Tiago 4:4) Depois Noé i tempu naen ira-muafate, relijiaun i falsu lafanen sidade Babilónia rata naen hai mesene. Ivihinta, Ocava i luku-lukun naen taʼa har “Babilónia lafait”, em relijiaun i falsu naunuku naceru. Akam siarata, Ocava kois on relijiaun eret maʼarlauhana orine nauvara em tahanana pai ukum saipai.Apokalipse 17:1, 2, 5, 16, 17; 18:8 lere.

Nanipo, Ocava Jeová akam tavarit uan varesen relijiaun i falsu lotune nau malufe. Jeová ait tavar haim horupe-pemaun luku-lukun i maisinam fanave.Miquéias (Mikha) 4:2, 5 lere.

 3. Maʼarlauhanat uan varese ere eluhen ina fai ta rau?

Relijiaun i maisina maʼarlauhanam uan ukani pai

Ocava Jeová maʼarlauhanat eluhen luku-lukun i maisina ho fai-fain i maisina fai eceremu. Tava em tavar acitaʼat har i relijiaun falsu ere mucu malupelaʼa. Maʼarlauhanat Ocava eceremu ere ia, prontun eluhen jen hin fai-faini helupain fait Ocava icarau-rau.Apokalipse 18:4 lere.

Tarut tavarit uan varese eren apóstolu i tempu nae, luku-lukun rauni vari nae tavar jen hin fai-fain uku helupain, Ocava i hiʼa raun ali nere lauhe. Nauvara tavar e tapi fai hinta, i lauhana tali nica rau-rau ere, tavar i lauhana nemana vale, nauvara lauhana laʼan nop-tatun hini aci. Tarut tavar luku-lukun rauni vari nae, tavar Jeová i heluhana naum hin lauhana tali neceremu ivihin tavar ta hin fai-fain erem afi mesene.1 Tesalónika 1:8, 9; 2:13 lere.

Ocava Jeová, tavarit relijiaun i falsu mucu malupemaʼu ali semut, maʼu i povu alini. Se afa Jeová afi acitaʼa semu, afa nim tava karune, afa lanura iraun it Jeová eceremu aci, nauvara afa kois laʼan vari lauhen naulaʼa nohorata mara aci.Marcos 10:29, 30; 2 Korinto 6:17, 18 lere.

4. Tevaʼan laʼat Ocava ta kois muacauvele eaufu icarau-rau memaʼu?

Tarut Ocava relijiaun i falsu ere uku molurpai nae, Ocava i povu eret muacauvele eaufune ta maʼarlauhana eret toru halam susar pai nacone, eniʼit luku-lukun irauni. Laʼa tempu ivi nae, relijiaun i falsu ere akam maʼarlauhana ere hai pati-pati nauvara akam hai ori-orine. Maʼarlauhana naunuku hai uan ukani Ocava i maisina hai halam je loluʼe.Apokalipse 18:20, 21; 21:3, 4 lere.