Skip to content

Skip to secondary menu

Testemuña ba Jeová

Fataluku

A Eluhen Luku-lukun Imai-maisina Navare ana upe?

A Eluhen Luku-lukun Imai-maisina Navare ana upe?

Maʼar lauhanan lafanen ilauhana mucunen eluhen natanana e iliarana imaisina navare. Icaen afiro afa kar natanana ere e eceremu:

  • Ocava afi tapi neceremu ana upe?
  • Non tempu ununaʼe maʼar akam muacauvele mica hal ho tahanana fai ana upe?
  • Maʼarlauhanat hainumunoro ia i situasaun tevaʼan laʼa?
  • Maʼarlauhanat hainumunoro ali uralauhe ana upe?
  • Ana tevaʼan reza Ocava taʼa vari?
  • Tevaʼan laʼat anta icarau-raun imaisina aci?

Afa tenaen afi taʼa natanana ere ivi iliarana aci? Afa maʼar lafan natane, maʼar akam imaisina taʼa. Afa laʼan relijiaun lafan natane, ivio akam inait imaisina laʼan natanana ivitaʼa. Afa laʼan livru lafan lere no livru imiri ere lereo, afa akam natanana mecen naʼe iliarana ivi aci.

Mais, livru ukani hai nautali rata hai naʼum ehirohe akam helu-helupai iviʼit afa mucunen natanana i liarana imaisina ivi aci iviʼit Biblia. Jesus reza naen em Ocava acitaʼa: “E luku-lukuni it imaisina.” (Yohanes 17:17) Kar tempu e mucune afa navare ahar e luku-lukun Biblia naʼe it imaisina. Sorot ineremaunit, natanana em mecen nakere-kere ivi iliarana imaisinat iviʼit Biblia.

Ocava afi tapi neceremu ana upe?

Mane ida iha ema barak nia leet

TEANE HINTA NATANANA TAʼA ANE: Afakar muacauvele mica fai-fain ikaparana e micalauhe. Ciʼir u num unu hicimore, relijiaun lafanen taʼa har icakaparana kar afa kar aci har naunuku Ocava i heluhana.

INAIT BIBLIA EM AFI FANAVE: Fai-fain ikaparana akam Ocava i heluhana. Biblia naʼe taʼa: “Ocava imaisina akam fai-fain ikaparana unu naʼu fai. Ocava Nautali Forite akam ciʼir unu naʼum unu hicimore!” (Ayub 34:10) Afi Ocava i heluhana laʼan maʼarlauhana naʼe afihar icarau-rau. Ivihinta Jesus a em afi fanavet afihar em nerepain em e vaʼan reza: “Ocava nelu naʼe,…E ukunana eme mau em muacauvele ukune. E heluhana nelu naʼe, nauvara em muacauvele napemau.” (Matius 6:9, 10) Afi Ocava i heluhana, har afirit muacauvele naʼe naunuku talineceremu, ivihinta tava a sakrifisiu ilafai-fai tu inait tava eluhen nauvara i heceremun vaʼane.—Yohanes 3:16.

Nauvara eskritura e ali toto: Kejadian 1:26-28; Yakobus 1:13; no 1 Petrus 5:6, 7.

Non tempu ununaʼe maʼar akam muacauvele mica hal ho tahanana fai ana upe?

Soldadu sira

TEANE HINTA NATANANA TAʼA ANE: Ajaira-ajaira kesih, maʼarlauhana lafanen hal hainaunasai. Afiro afa naunuku tahanana fai.

INAIT BIBLIA EM AFI FANAVE: Ocava taʼa i ukunana non ono mau muacauvele masupai. No afa i ukunana mucu lauhe, non “tavar hin hit hai helu cute haim insada fai em muaʼatare.…Tava ro akam hal hai neceremu halu fai”. (Yesaya 2:4) Tahanana kar afa muacauvele micane nop-tatun naunuku molure. Biblia naen taʼa: “Tava on kois afi inavaia naunuku fere, maʼar akam hainumu, maʼar akam hai nicakapare, maʼar akam hai kukule, panakana hainupe, inait ratan afa tahane hainupe.”—Penyingkapan 21:3, 4.

Nauvara eskritura e ali toto: Mazmur 37:10, 11; 46:9; no Mikha 4:1-4.

Maʼar lauhanat hainumunoro ia i situasaun tevaʼan laʼa?

Rate

TEANE HINTA NATANANA TAʼA ANE: Relijiaun lafanen muacauvele micanenen em tour fanave a har tarut afa umu afi humara vari lauhe. Maʼar lafanen fiare ahar maʼarlauhanat hainumu ono mau on afirit afa lauhe ivi kaparpai, har nauvara afi Ocava maʼar ikaparana ere kastigu laʼan em acahulu-huluni ali infernu mucukafale.

INAIT BIBLIA EM AFI FANAVE: Tarut maʼar umu maʼar hainupe. Biblia naen taʼa: “Maʼariit hai…numu akam nacun hainavare.” (Pengkhotbah 9:5) Akam nacun hai senti, nauvara tavar akam afirit afa lauhe hai kaparpai, no tavar akam tulunana haim afirit lauhe tulune.—Mazmur 146:3, 4.

Nauvara eskritura e ali toto: Kejadian 3:19 no Pengkhotbah 9:6, 10.

Maʼar lauhanat hainumunoro ali nura lauhe ana upe?

Labarik triste tanba ema ne’ebé nia hadomi mate

TEANE HINTA NATANANA TAʼA ANE: Afa eluhen lauhe, afa eluhen muamicanen maʼarlauhana afa eceremu horu muamica lauhen icarau-rau. Se afa tavar eceremu, eluhen tavar ali fanuhene, nauvara afa eluhen maʼar afa eceremu hainumu ali fanuhene.

INAIT BIBLIA EM AFI FANAVE: Maʼarlauhana tourit hainumunoro ere kois ono uralauhere. Jesus a taʼa ahar inait tava em afi acitaʼa “maʼarlauhana hainumunoro lutur…mucune on ali uralauhe”. (Yohanes 5:28, 29) Nauvara inait Ocava i heluhana ratane on ivarivaʼane, maʼarlauhana em muralauhepai muacauvele imiri acin micalauhe. (Lukas 23:43) Muacauvele imirit tava em afi acitaʼa, umanit em Ocava i hini nerepai, tavaron icarau-rau. Biblia em afi acitaʼa: “Umani fai-fain irauni fai em afi Ocava i hini nerepai, afi Ocava muacauvele emina tava micalauhe naʼum emerpelaʼa.”—Mazmur 37:29.

Nauvara eskritura e ali toto: Ayub 14:14, 15; Lukas 7:11-17; no Kisah 24:15.

Ana tevaʼan reza Ocava taʼa vari?

Mane ida halo orasaun

TEANE HINTA NATANANA TAʼA ANE: Relijiaun lafanen reza vari fai, mais maʼar lafanen eceremun ahar i reza a Ocava akam vari.

INAIT BIBLIA EM AFI FANAVE: Jesus em afi fanave ahar afa tapa luku-lukunit afa reza naen haitaʼa ivi ali nei-neicaʼa. Jesus taʼa: “Tarut afa reza fai tapa luku-lukuni nei-neicaʼa.” (Matius 6:7) Se afa eluhen Ocava afi reza vari, afa tenki rezam i heluhana Tava eluhen nerepai. Ivihinta, afa eluhen Ocava i heluhana nere navare no rezam ivi nerepai. Biblia naen taʼa: “Inait afa eluhen em i heluhanan nerenucutu, tava [Ocava] afi hinivari.”—1 Yohanes 5:14.

Nauvara eskritura e ali toto: Mazmur 65:2; Yohanes 14:6, 14; no 1 Yohanes 3:22.

Tevaʼanlaʼat anta icarau-raun imaisina aci?

Feto ida buka atu sai kontente hodi lee Bíblia

TEANE HINTA NATANANA TAʼA ANE: Maʼarlauhana lafanen eceremu ahar lavani, ne lafai no tahinana iviʼit fai tavar ahar icarau-rau. Ivihinta tavar ta ivarinanahe, mais tavar iʼica a akam rau-rau.

INAIT BIBLIA EM AFI FANAVE: Jesus a savi icarau-raunim afi acitaʼa: “Umanit navare talieluhen afi Ocava adora tava ica vari rau-rau.” (Matius 5:3) Se a eluhen icarau-raun, afa tenki Ocava adora no laʼan Ocava i luku-lukun imaisina Biblia naʼe nere navare. Se afa eluhen i luku-lukun imaisina ere nere navare, iviʼit afi ajudat afa laʼa inait talirau no kapare navare. Se afa eluhen fai-fain iraunim ikaparana helupai, afi lauhana talirau.—Lukas 11:28.

Nauvara eskritura e ali toto: Amsal 3:5, 6, 13-18 no 1 Timotius 6:9, 10.

E hai evene, afa luku-lukun serika Biblia mucune hai aci laʼa natanana neme ihini. A eluhen nere navare ana upe? Aitana a tali eluhen afi Ocava adora, tapi eluhen icaen natanana itelira on ane. Aitana: ‘Se Ocava afi tapi neceremu, tevane hinta tava ta susarana no tahanana e etekaure? Ana em teapai a lauhana familia mucune vari icarau-rau?’ Biblia a natanana mecen naʼe ivi iliaranam afi acitaʼa no natanana itelira.

Nauvara, maʼar lafanen mucu eʼeneceremu tarut tava Biblia istuda. Tavar a eceremu Biblia sorot uni taliucuete no afakam uhule navar komprende. A eluhe ana upe, aitana a tulunana eluhen ina e tulune kar Biblia imucunana navare? Ocava Jeova i maʼarlauhana (tavar it Ocava Jeova i ne melaʼan em tour acitaʼa) elehun e tulune a Biblia nere navare.

Ihemerana, livru, A Eluhen Ocava i Lani! Livru enia fait maʼarlauhana ere tempu upe akam Biblia lere fai tavar a Biblia inait imaisina nere navare. I heci, ina tempu anahen ehoru le naen Biblia istuda. Akam hiaʼare, Ocava Jeova i maʼarlauhana ere ipasarana-ipasarana mau ihalivana na peu no alivana itelirat, a eluhen ivi naen livre Biblia istuda. Maʼarlauhana juta-juta muacauvele taʼa-taʼane lafanen mican irauni hai aci. Maʼarlauhana ilafani hai navare: “Ana luku-lukun imai-maisina hai aci!”

Jesus taʼa: “Non a ono imaisina nere navare, imaisinait fait a livre.” (Yohanes 8:32) Luku-lukun imaisina iviʼit fai afa livre inait ikaparana muacauvele micane, ori-ori na-na, eʼeneceremu no ara-arahana. Lukun-lukun imaisina iviʼit afi fai nop-tatun afa irauni aci, a heluhana non icarau-raun. Eniʼit rikun irauni!

1. Mane ida aprende saida mak Bíblia hanorin; 2. Feto ida aprende saida mak Bíblia hanorin

TAWA ISTUDA

BIBLIA ISTUDA

Teva’ane hinta afita Biblia istuda?

Teva’ane hinta afita Biblia istuda? Biblia it maʼarluhana rihun rahe mundue micane i natanana importante ere hainaunuku liare. Afiro afa eluhen nerenaware ana upe?