Skip to content

secondary menukhah lue

Zahova Ccaeccei Hae

Chin (Zotung)

E Laephi A uh Ccahccing Paw tuh Ahung Mou?

E Laephi A uh Ccahccing Paw tuh Ahung Mou?

Nang Pawte Mou Natua?

  • Pachia tou?

  • Setan tou?

  • Ccungccaw tou?

 BAEBU NYNH

‘E laephi tuh Setan kuihkya nynh a ung’.—1 Zan 5:19.

‘Pachia ccahpaw Zisu tuh Setan ryalaw naw rokhylang nynh ynrung’.—1 Zan 3:8.

A LUHKI EE BYALIA TE NAMUE LANGPAW HYTHUA NAW HAE

Laephii vaw piahccahnaa kong nythya nawlang ccae sah naw.—Biathlam 12:12.

Laephii ungtu zia hynh houh houh ynhoi vae cih ciite zynkho athua.—1 Zan 2:17.

 BAEBU BYAHYNH ZYN NGANG UNG CIH TOU?

Zyn Ngang Naw A Kong Ccang (3) A Ung:

  • Setan uh naw hynh vyavya a roh vae. Zahova pachia nynh Setan accozah hynh rolang bya a pae ku vae. Setan khah karoh cihza, Setan kiaccuze alangku paw hoilei naw miakaw marya karoh vaecih ciite bya ynking pyaku.—Hebaru 2:14.

  • Pachia nynh laephi uhtu lang Zisu khrih khah a povae. Zisu tuh amaw hanglang kyalya ahtua kupaw laephi uhtu haete mazii lokuh khyh. Siapharang athua paw Zisu te a se kute, pachia nynh hynhte aho. ‘A nya haepaw te ryachihae khah thaw a ccihcih hae zah, kia reih naw kyate a khungcih hae.’—Sam 72:13-14.

  • Pachia tuh hyngboi khyh. Pachia tuh a hyng kholei paw ciite baebu nynh ccaete ccaelang aho. Hebru 6:18. Pachia nynh uhccaw hang khakheih kae ciipacihoh ynciivae ze phe yncii pyavae pawhawte nynh aloku.—Isaiah 55:11. E laephi uhtu Setan hynh atolang de athua vae cih.—Zan 12:31.

 TUA TUA

Laephi uhtu a roh kou te soh e laephi hynh pawte mou ah ungci?

E byakhia naw hynh baebu kya ria tua.—SAM 37:10-11 te BIATHLAM 21:3-4.

HOUH CCANGKUH

PACHIA KYATE YNTHUAPAW THEHOIPAW!

Laephi hynh Pachia nynh Paw Eenaw Temou A rae?

Laephi hynh Pachia nynh pawcce a rae, hotuhmou ryachiccinaw yn thang ngaw, laephi hynh pawlangmou yn tang ci, paradise kya a hung haemou a ung cihhae cipaw kha Baebu nynh yn ccaesa pya.