Skip to content

secondary menukhah lue

Skip to table of contents

Zahova Ccaeccei Hae

Chin (Zotung)

Pachia Kyate Ynthuapaw Thehoipaw!

 Lesson 4

Zisu Khrih Tuh A Hungmou?

Zisu Khrih Tuh A Hungmou?

Paw ozia nynhmou Zisu kalang naekury a ung sa.MATTHAI 11:29; MARKA 10:13-16.

1. Zisu laevaw ynthuamaw pawkyamou la ung?

Zisu laevaw ynpuimawze vawlang khua muihsaw pyngte phe la ung vaepaw nynh thua. Tukeiccuze Zisu tuh ccungccaw huataw te lokuh khyh. (Johan 8:23) Zisu kha Pachia nynh kou arae ty. Uccaw raenaw kya Zisu tuh Pachia bungtu nynh ala thua. Zisu tuh Pachia ccahccei maw nynh arae paw a thua keiccuze ‘Lukheih kyalya paw’ ccahpaw cite ko a thua. (Johan 1:14) Zisu tuh Pachia bya hotu lukheih a thua keiccuze “Bya” cite ma ko a thua.Phungtangbya 8:22, 23, 30; Kolosa 1:15 haekha ria tua.

2. Zisu hynh laevaw lang pawccemou yn rung?

Pachia nynh Zisu kha zudah liaccahdyh Meri kyate laevaw lang ynpuisa. Tukeiccuze Zisu tuh laevaw ccungccaw Paw hoy khyh. (Luka 1:30-35) Zisu laevaw lang yn rung thenawpaw a kong 3 a ung. (1) Pachia te asekuhpaw ame paw bya hokhy lang. (2) Ruunaw tungzema Pachia rynaw raehualang cite dosuinku khy lang. (3) Accingpaw ahingnaw kha ‘Sawnawme’ lang pyakhy lang.Matthai 20:28 kha ria tua.

3. Pawcce sawnawme a ho?

Sawnawme cipaw tuh ccungccaw lukheih chinaw kyate alue kho nawlang pyapaw ame aphu nynh thua. (Exodus 21:29, 30) Pachia nynh ccungccaw ynraenaw kyaze tawhae sahla chih haesah cite yn ee pyapaw thua khyh. Tuh e tuh pawtemou any kho o? ‘Seinaw’ na raeze na chih cih cite Pachia nynh Adam kha a ci. Seinaw kha Adam nynh arae khyhze tuh chihlang khyh cinawpaw nynh thua. (Genesis 2:16, 17; 5:5) Baebu thyhte Adam keiccuze ccungccaw miakaw chinaw “ynthua” khae pya. Adam nynh a ci hanghae miakaw  balyng seinaw te seinawme chinaw kha ynroo pya vae. Adam kyate amue ohpaw ro chinaw vawsawnaw kyate luekhy lang ame aphu alokuhpaw sawnawme aho vae.Rom 5:12; 6:23 kha ria tua.

Athua langze a hung nynhmou sawnawme tuh apya kho cih? Achii ohpaw hynh seinawme asang ohpaw hawte nynh a thua. Tukeiccuze ccungccaw seinawme hanglang khah a hung ccungccaw nynhmah ame aphu pya kho thua khyh.Sam 49:7-9 kha ria tua.

4. Zisu hynh pawccemou ala chi?

Zisu tuh accingpaw thuaza aening te alokuh khyh oh. Seinaw vaekheih sang araeboi khyh keiccuze a seinawme lang chii ho khyh. Ccungccaw miakaw seinaw hanglang nynh ala chi. E liate aening hanglang chiipya khylang accahpaw kha ynsawpya keiccuze Pachia nynh pawcih ciatemou ynsungsa cipaw ny kho a thua. Zisu nynhmah a Paw bya kha ngaeza aening seinaw hanglang ahingnaw apya kho naw liate paw cihcia temou ynsungsa cipaw alang sa.Johan 3:16; Rom 5:18, 19 haekha ria tua.

5. Zisu atulya pawryamou a law?

Zisu laevaw a unglyaze ngeccih dangsah zah, achihpaw kha athosah thui. Riathae vawsawnaw amuehaepaw kha thawdangnaw apya hae. E haenynh malang ccyh kyaze abya ngaepaw hae hanglang yncipya langpaw muihsahnaw nynh thua. (Matthai 15:30, 31; Johan 5:28) Zisu tuh achih koute Pachia nynh muihsaw pyngte bua atho sah thui. (1 Piter 3:18) Tukoute Zisu tuh Pachia ranglangkhe ha ung zah, Laephi Siapharang lang tangte uhnaw amuelangpaw ccyh khah ala ngaw. (Hebru 10:12, 13) Atu vaetuh vawlang khua Siapharang lang tangvaeza uhnaw amue vae keiccuze azuitu hae takua nynh tuh e kong tuh laephi pyngpi kya aho vae hae.Daniel 7:13-14; Matthai 24:14 haekha ria tua.

Aromawze Zisu nynh Aanaa te laephi vaw e riathae vawsawnaw te vawsawnaw athuasatu paw balyng pung ynro pahvae cih. Zisu zyn zah cisahnawte alangsah kho paw ccungccaw tuh myarya puithyapaw laephi paradise kya zungzae hingnaw amue vae cih.Sam 37:9-11 kha ria tua.