Skip to content

secondary menukhah lue

Skip to table of contents

Zahova Ccaeccei Hae

Chin (Zotung)

Pachia Kyate Ynthuapaw Thehoipaw!

 Lesson 14

Pachia kya bu ccangkheih pawccemou a ung

Pachia kya bu ccangkheih pawccemou a ung

1. Langmaw Isarel minphuin hae kha pawccemou Pachia nynh abu lang a rae hae?

Pachia nynh langmaw Abraham ci-hang hae kha minphuin phuinkheih lang rae haeza kawbya apya hae. Isarel a cihkuh haepaw kele rou nynh ame paw beihnaw kya ung haeza, Pachia bya kha lazui hae. (Sam 147:19, 20) Hynhcihte nynh minphuin miakaw hynh Isarel hae minphuin liate nynh hythua naw a mue kho oh.Genesis 22:18 kha ria tua.

Pachia nynh Isarel minphuin kha a Ccaeccei lang apo hae. Pachia kawbya a zui pawtuh pawcihcia temou hoinaw a muecih cipaw kha Isarel phung dolangze ny kho a thua. (Deuteronomi 4:6) Isarel minphuin hae liate ame paw Pachia kha ccungccaw nynh ny kho a thua.Isaiah 43:10, 12 kha ria tua.

2. Ame paw khrihccaw bu kha pawcce a rae?

Nyalang tuh Isarel minphuin hae kha Pachia maehoinaw mue vae khyh hae. Tukeiccuze Pachia nynh ame paw khrihccaw bu bukheih ahnung ru vae. (Matthai 21:43; 23:37, 38) Langmaw tuh Isarel minphuin kha Pachia Ccaeccei cihkuh hae salazema, atuvae tuh ame paw khrihccaw bu hynh nynh Pachia Ccaeccei cihkuh ru vae hae.Locceihtu 15:14, 17 kha ria tua.

Minphuin miakaw kya phung holangza zuitu lang tangsa lang a zuitu hae kha a bu lang a rae hae. (Matthai 10:7, 11; 24:14; 28:19, 20) Laephi seethangnaw ccyh atu ccyh kya e ryalaw hynh adungdianaw athua vae. Pachia nynh minphuin takyh kya e riataelei ccungccaw hae kha ame paw beihnaw lungkhulang khe a ccahkhung vae hae. (Byaphy 7:9, 10) Lukheih te lukheih bungku kho nawlang ame paw khrihccaw bu kha a nung. Laephi pyngpi apungkunaw hae kya a ccangku hae paw Baebu tuh phe lo kuh.Hebru 10:24, 25 kha ria tua.

 3. Atu see Zahova Ccaeccei hae bu hynh pawcihte mou yn tho?

1,870 kum kya khe Baebu siaimua cihkuh hae paw butaraw nynh akum hynhsepi laekaw lah ung vaepaw Baebu phungding kha ynlei kho vae hae. Ccungccaw takyh kya phungho lang Zisu nynh khrihccaw bu ala rae cipaw kha ynny vae hae. Tukeiccuze miming nynh laephi pyngpi phunghonaw kha alatho hae. 1,931 kum khe tuh Zahova Ccaeccei hae cite min laphuku hae. Locceihtu 1:8; 2:1, 4; 5:42 kha ria tua.

4. Zahova Ccaeccei hae bu hynh pawcihte mou rae a thua?

Seekheih naw kya, khotakyh khrihccaw bu cciakhaetu hae Uhtu bu bukheih a la ung hae. Tuh e haetuh mimuihnaw lungvae haepaw mikum tangvae haepaw thuahae za khrihccaw bu Lu tuh Zisu nynhthua cite lany hae. (Locceihtu 16:4, 5) Atu ccyh mah mimuih naw lunghae paw mihkum tangvae haepaw khrihccaw piccang hae te Uhtu bu hae cciakhae naw liate Zahova Ccaeccei haetuh hoinaw a mue hae. Baebu kong ny kho nawlang ynbungtupaw ccaw tararaw hae kha bya 600 laete ynleihpah haeza, ynthopah haepaw Zahova Ccaeccei hae mihzungtaw (branch) kha Uhtu bu hae nynh ado oih hae. Hynhcihte nynh Uhtu bu hae nynh laephi pyngpi khrihccaw bu 100,000 laekha Baebu te thawpya haeza a ccangpya hae. Khrihccaw bu takkyh kya ccangpahtu haepaw pise hae kha piccang lang a nung hae. Mihming nynh Pachia tuu hae kha sungsahkunaw te aring hae.1 Piter 5:2, 3 kha ria tua.

Zahova Ccaeccei haetuh phungho langte Zuitu lang tangsahnaw rya kha a law hae. Zisu zuitu hae hawte, miming nynh inntakyh phung aho hae. (Locceihtu 20:20) Apiaze ame paw phung kha lungthing ccahccing te arypaw ccungccaw kha Baebu ccangpya lang ahy hae. Zahova Ccaeccei hae tuh bu bukheih huataw thua khyh. A sungsah kuh haepaw innbyng byngkheih nynh athua hae. Lukheihte lukheih pe aki kuh hae paw unonung unopaw hae nynh thua hae. (2 Thesalon 1:3) Pachia lung tung kho nawlang, lukheih te lukheih thawpyakuh hae zah abungkuh hae paw bu athuahae keiccuze miming tuh milungtua huahae paw innbyng nynh thua hae.Sam 33:12; Locceihtu 20:35 haekha ria tua.