Skip to content

secondary menukhah lue

Skip to table of contents

Zahova Ccaeccei Hae

Chin (Zotung)

Pachia Kyate Ynthuapaw Thehoipaw!

 Lesson 1

Thehoipaw Cipaw Tuh Pawmou?

Thehoipaw Cipaw Tuh Pawmou?

1. Pachia kyate ynthuapaw thungpang tuh pawmou?

Pachia nynh ccungccaw hynh e laevaw langhing hoisahnaw te ung hae sah ci a ry. Laephi te a tyng a re a rae hae paw hynh ccungccaw yn sungsah keiccu nynh thua. Aromawze ccungccaw hanglang houh hoilang te malang ccyh kya tuh yn rae pathui vae cih. Riathae vawsaw naw miakaw balyng yn ropah cih za, thawdang naw yn mue sah vae cih.Jeremiah 29:11 kha ria tua.

Ahung uhnaw nynhmah ziaku dykunaw, cciihawnaw, chiinaw hae kha yn ropah kho lang khyh hae. Thuasalazema aromawze Pachia nynh ccungccaw hae ccoza hynh amaw ccoza lang yn tangsah vae cih. Pachia uhnaw ary paw ccungccaw tuh daenaw te ngedangnaw solei a mue cih.Isaiah 25:8; 33:24; Daniel 2:44, 45 haekha ria tua.

2. Atu ccyh kya thehoipaw hynh pawcce peki lang accang?

Laephi vaw ccungccah hoilei paw miakaw hynh Pachia nynh marya a ro ze thang nynh vawsaw riathaenaw hynh a thang ngaw. (Zefaniah 2:3) Hotuhmou yn thang ci? Atu ccyh ccungccaw ovang hoi khyh naw langpaw hynh Baebu nynh phe la hoty vae. Laevaw ungtu ziazae hoi lei naw nynh laephi ro naw a nae vae cipaw a lang sa.2 Timote 3:1-5 kha ria tua.

3. Aening hynh paw cilang mou a ccang?

Baebu kya e Pachia kong ccangku lang a ho. Baebu tuh sungsa kunaw hoi paw Paw lukheih nynh apya paw ccaw te nynh a lo ku. Ozia hoi kho nawlang pawte malang zungzae hing kho naw langpaw kong khamah Baebu nynh yn ho pya. Baebu bya houh thaethya nawlang ccangku paw hynh ccungccaw a bang tuh ry khyh hae. Thuasalama malang ccyh tuh hoinaw na mue cih oh cite bya ynking pyaku keiccuze Baebu ccangku leite ungtaw lang ccang khyh.Phungtangbya 29:25; Byaphy 14:6, 7 haekha ria tua.