Skip to content

secondary menukhah lue

Skip to table of contents

Zahova Ccaeccei Hae

Chin (Zotung)

Pachia Kyate Ynthuapaw Thehoipaw!

 Lesson 12

Pachia te Sahngangku kho Nawlang Pawtemou Ci Lang?

Pachia te Sahngangku kho Nawlang Pawtemou Ci Lang?

1. Sawsangnaw balyng hynh Pachia nynh ynthae pah tou?

Pachia nynh amawte sahngangku lang saw ynsang oh cite minphuin miakaw yn ko. (Sam 65:2) Thuasalama sawsang miakaw Pachia nynh ynthae pah khyh. Tousenaw langze azu tungvaw hoileinaw arae paw ccungccahpaw sawsangnaw kha thaepah lang khyh. (1 Piter 3:7) Hoileinaw vaeleih vaeleih arae hae paw isarel hae sawsangnaw khamah thaepah khyh hae. Seinaw lepaw raesah lazema a ngaesikuh paw sawsangnaw kha tuh athae pya. Sawsang hynh abahpi nynh thua.Isaiah 1:15; 55:7 kha ria tua.

2. Pawcih temou sawsang lang?

Zahova tuh raetu te ame paw Pachia athua keiccuze amaw kalang khe rou nynh ngia lang. (Matthai 4:10; 6:9) Mihccinglei hae athua oh za, Zisu nynh aseinaw hanglang ynchi pya keiccuze Zisu min te nynh ngia lang a ccang. (Johan 14:6) Ccawte phe zeikuty te homaepaw vaeleih vaeleih hopaw sawsangnaw khatuh Pachia nynh ry khyh. Amawbyate lungthing ccahccingte sangpaw khah nynh a ry.Matthai 6:7; Filipi 4:6, 7 haekha ria tua.

Pachia tuh lungkawte sangpaw khamah phe a thae. (1 Samuel 1:12, 13) Pawpaw ccyh kya mah sang kho a thua. Thaethyanaw langze, thotakaw, aedyng, iidyng, vawsaw atung ccyh ohkya balyng sang kho a thua.Sam 55:22; Matthai 15:36 haekha ria tua.

3. Ame paw khrihccaw haenynh pawcce a pungku hae?

Pachia te sahngangku cipaw tuh zoi khyh. Pawcce cize Pachia azynlei haepaw kya, Laephi daenaw kaerae pahcih oh yncihpaw a bakingnaw a sahrya haepaw lakukya a ung oh  keiccu. (2 Timote 3:1, 4; 2 Piter 3:3, 13) Tukeiccuze zyntu hae nynh pungku langza, lukheih te lukheih thawzung pyaku a ho.Hebru 10:24, 25 kha ria tua.

Pachia a sungsah hae paw ryte vaeccawku lang zetuh, amaw te sahngangku kho a thua. Zahova Ccaeccei hae civuipi atuanaw hae kya lukheih te lukheih mizynnaw muihpyaku liate hoinaw mue kho a thua.Rom 1:11, 12 kha ria tua.

4. Pachia te sahngangku kho nawlang Pawtemou cilang?

Baebu ccaw kya e athae ohpaw tuanaw roihnaw liate Pachia te a sahngangkuh kho oh. Pachia ryalawnaw te a bakingnaw hae khah hoi rahrih te tua. Sawsang kute tualang roihlang zetuh Pachia sungsahnaw te hawnaw kha aphutesah thya lang vae.Joshua 1:8; Sam 1:1-3 haekha ria tua.

Pachia kha na zyngza na doliakuze rou nynh na sahngangku kho cih .Thuasalama zynnaw cipaw hynh meiawza thungpya ahopaw thingku te nynh alo ku. Na zynnaw kha zungzae atyng kho nawlang zungzae do oih aho cih.Matthai 4:4; Hebru 11:1, 6 haekha ria tua.

5. Pachia te sahngangku naw nynh paw thanenaw mou mue lang?

Zahova Pachia tuh amaw a sungsah hae paw ccungccaw kha pe a ki. Mih zynnaw te zungzae hingnaw ngaehoinaw arohtu hae paw kyate a thungkhaw hae. (Sam 91:1, 2, 7-8) Ngedangnaw a rohtupaw te,hoisanaw a rohtupaw langpi zuikhyh nawlang raering naw yn pya. Ahoi huapaw langpi kha zuilang ynccang pya.Sam 73:27, 28; James 4:4, 8 haekha ria tua.

 

HOUH CCANGKUH

Alah Kaw te Baebu Ccang Kulang Ngianaw

Baebu Hynh Pawkiaccu Mou Ccangku lang Accang?

Laephi pyngpi e riataelei ccungccaw patae hae tuh, hingnaw te asekuh paw bakhianaw aphi hae kha, Baebu kya te amuih vae hae. Nangso, e aphi hae hynh na nyh ry khyh tou?