Skip to content

Skip to table of contents

 Lesson 6

Michi hae Hanglang Paw Ngaehoinaw mou A ung?

Michi hae Hanglang Paw Ngaehoinaw mou A ung?

‘Pachia nynh Adam kha hynhte aci: nang tuh laenoi na thua zah laenoi lang nynh bua na kithui cih.’”GENESIS 3:19.

1. Michi hae hanglang Paw thungpang hoipaw mou a ung?

Zerusalem khua pe Bethlehem khua khe Zisu he lathua tuh a vaeccahpaw Lazaruh achiinaw nin pali he la cihvae. Tukoute Zisu tuh achihpaw a uh-nung hae Maccah te Merih ryte sawkuh lang khe ala cceih hae. Mingccangpaw haemah patae lathua bua hae. Zisu nynh Lazaruh he la tho sathui tuh Maccah te Meri pawcihmou milungtua cih cipaw kha na mihmae vaw ungsahku tua.Johan 11:21-24; 38-44 kha ria tua.

Achih haepaw kong te asekupaw ahoipaw thungpang kha Maccah nynh phe lany ty vae. Zahova Pachia nynh michi hae hynh laevaw lang bua yn tho sahthui cih hae cipaw mah phe lany ty vae.Job 14:14, 15 kha ria tua.

2. Achih haepaw hynh pawtemou a ung hae?

Ccungccaw hynh laenoite nynh yn lah rae. (Genesis 2:7, 3:19) Apyng lungkhu hing muih kho leipaw muihsaw cipaw ung khyh. Chii vaeze mah achih kho leipaw muihsaw cipaw ung khyh. Chii vaeze tuanaw roihnaw cikhonaw mah phe zo vae. Tukeiccuze Lazaruh chihza a thothui lyakha pawpaw bya a holangpaw ung khyh. Pawcce cize achihpaw tuh khahrouh nyhkuh vae khyh za te.Sam 146:4; Phunghotu 9:5, 6, 10 haekha ria tua.

Ccungccaw hynh achih koute hellmae kya vawrih vawsawnaw mue ung tou? Achihpaw tuh pawpaw mah nyhkuh vaekhyh Baebu nynh aci keiccuze hellmae kya vawrih vawsawnaw  amue ung oh cite ccangpyakunaw tuh Pachia thethya sahpaw nynh thua. Hell kya vawrih vawsawnaw amue ung oh cite zynnaw tuh Pachia nynh mahzi ry khyh.Jeremiah 7:31 kha ria tua.

3. Achih vaepaw nynh bya ho kho ung tou?

Achih vaepaw nynh bya aho kho vaekhyh hawte thaema thaevae khyh. (Sam 115:17) Athuazema vaw ccungccah hoileihae paw abang nynh achihpaw muihsaw o langte ccungccaw haekya bya aho kho hae. (2 Piter 2:4) Chihhing leihnang oh cite Zahova Pachia nynh yn khe.Deuteronomi 18:10-11 kha ria tua.

4. A hung haemou yn thothui ung cih hae?

Michi hae hynh laevaw lang riataelei solei yn thothui cih hae. Pachia kong anyhlohlei haepaw, hoileinaw a rae haepaw michi abang khamah yn thothui ung cih hae.Luka 23:43; Locceihtu 24:15 haekha ria tua.

Thothuinaw amue haepaw nynh Pachia te asekuhpaw ame paw phungkha a ccangkuh cih hae za, Zisu bya ngaenaw liate Zisu kazyn cinawpaw kha a langsah cih hae. (Byaphy 20:11-13) Pachia rynaw a rae haeze laephi vaw zungzae hingnaw bua amue cih hae.Johan 5:28, 29 kha ria tua.

5. Thothuinaw ngaehoinaw liate Zahova Pachia konglang pawmou any oh?

Pachia nynh a ccahpaw kha chiilang ynsawpyanaw liate, michi hae hynh yn thothui ung cih hae cite ngaehoi kho a thua. Tukeiccuze Pachia nynh ccungccaw hynh myarya ynsungsahza, thaw myarya ynccih cipaw any kho oh. Michi haehynh yn thothui vaehaeze nang a hung khamou kou na muih ry hua? Johan 3:16; Rom 6:23 haekha ria tua.