Skip to content

Skip to table of contents

 Lesson 9

Innbyng Hoikhonawlang Pawte Ci lang?

Innbyng Hoikhonawlang Pawte Ci lang?

1. Innbyng hoinaw elang tazavuin kuihkyngku Pawcce azi ci?

Pachia kyate ynthuapaw thungpang hoipaw ccangkheih tuh Innbyng takyhte bebe hoisah haesah ci ary. (1 Timote 1:11) Innbyng araetu pawtuh Pachia nynh thua. Innbyng hynh hoisah ci zetuh tazavuin kuihkyngku aho. Pawcce cize nungpaw ry ccaw hae ryte sungsahku khonawlang nynh thua. Khrihccaw nynh tuh khuarang uhpadi thyhte tazavuin kuihkyngku lang a ccang.Luka 2:1, 4, 5 kha ria tua.

Pachia nynh Innbyng hynh pawte ungmou ary? Chii makhia ungkheih haesah lah mih lungzi sah ci a ry. (Hebru 13:4) Myaku ry khyh. (Malakhi 2:16) Ohhuaku ze rou nynh myakukho thuaza zuhccang vawccang hoykho a thua.Matthai 19:3-6, 9 kha ria tua.

2. Zu te vaw hynh lukheih te lukheih pawtemou hokheih ungkheih lang?

Zahova Pachia nynh nohpi te pise hynh bungkuh kalang haesah cite eenaw tenynh ynla rae. (Genesis 2:18) Innlungkhu ze Paw nynh aelang nialang paw khua akhangcih apiaze. Pachia konglang khamah accang pyabia cih hae. Zuh vaw hae nynh lukheih te lukheih asungsahkuh kalang cih haeza sawtuakunaw ahoi kalang cih hae. Mihccinglei hae athua oh keiccuze seinaw kha ngaethyaku kalang lang aho, teze nynh innbyng hynh ahoi cih.Efesa 4:31, 32; 5:22-25, 33; 1 Piter 3:7 haekha ria tua.

3. A Innbyng ahoikhyh keiccuze innbyng hynh dae vualang ccang tou?

Innbyng hynh piahccahnaa yn ungseivaeze sungsahkunaw te phishing khonaw zuakulang a ccang. (1 Korin 13:4, 5) Innbyng piahccahnaa keiccuze myaku paw tuh Baebu nynh thoh khang khyh.1 Korin 7:10-13 kha ria tua.

4. Ccaw hae Pachia nynh pawtemou unghaesah ci aery oh?

Pachia nynh ccaw haemah hoisahnaw mue haesah ci a ry. Tukeiccuze mi ngawphue lya khe hoisahnaw amue khonawlang hae tuanaw apya hae. Apiaze nungpaw hae kya e hawnaw muihnaw liate hoinaw amuesah bua ry hae. (Kolosa 3:20) Tuhpiaze Aeraetu paw te accahpaw Zisu rynaw ryalawnaw liate mihlung pawsah ci a ry.Phunghotu 11:9-12:1; Matthai 19:13-15; 21:15-16 haekha ria tua.

5. Nungpaw hae, Ccaw hae mipui ahoi khonawlang pawtemou ci lang?

Ccaw hae aenaw ungnaw hanglang nungpaw nynh zuapyaku lang hae. (1 Timote 5:8) Ccaw hae mihpui hoisah cize tuh Pachia asungsah khonawlang hae te Pachia konglang kha ccangpya lang hae. (Efesa 6:4) Pachia kasungsah ccahccing cipaw kha cisahnaw te na langsah zetuh na ccaw hae nynhmah mihlungthing ccahccingte asungsah buakho cih hae. Na ccaw hae kha Baebu kya e hawte tuanaw roihnaw ahoykho nawlang hae Baebu bya khah ccangpah hae.Deuteronomi 6:4-7; Phungtangbya 22:6 haekha ria tua.

Imua hae kha polang haeza thaw pyalang hae zetuh mihanglang a hoi cih. Thuasalama thuilang haeza ccangpyalang hae tuh a ho cih. Hynhte cizetuh imua hae mipui hoinaw arohtupaw ziazae hoilei paw kyate khungpaw nynh thua. (Phungtangbya 22:15) Thuasalama rerih rerolangte thangnynh cilei lang hae.Kolosa 3:21 kha ria tua.

Nungpaw hae te ccaw hae hanglang abahpi yn bungtu paw Baebu kya e ccaw tararaw hae kha Zahova Ccaeccei hae nynh atho hae.Sam19:7, 11 kha ria tua.