Skip to content

secondary menukhah lue

Zahova Ccaeccei Hae

Chin (Zotung)

Baebu Ccawhynh Nang Pawcihte Mou Natua?

Baebu Ccawhynh Nang Pawcihte Mou Natua?

Nang So Pawte Mou Naho ci?

  • Ccungccaw hawnawte zeipaw ccah-uh

  • Phungpaw huataw ccah-uh

  • Pachia abya

 BAEBU NYNH

‘Baebuccaw blyng hynh pachia thyamuisaw liate zeipaw nynh thua.’—2 Timote 3:16.

BAEBU CCAW LIATE NAMUE LANGPAW HYTHUANAW HAE

Ahing lungkhu hanglang azicipaw bakhianaw blyng lungccing phe unglang aphi.—Phungthlukbia 2:1-5.

Nintakyh ahingnaw hanglang ccungkiapaw hopyapaw bya.—sam 119:105.

Malang hanglang amepaw ngaehoinaw.—Rom 15:4.

 BAEBU BYAHYNH ZYN NGANG UNG CIH TOU?

Zynngangnaw akong azyahua Ccang (3) a ung.

  • Nuhlang malang e bya alo kukia ccuze ngaeang naw. Baebu hynh akum 1600 lae rote ccungccaw 40 hangte lazei hae. Alunghuatu lukheih te lukheih muihkuh boikhyh hae. Thuasalazema pachia a minte accozah ccangkheih kongkhah lazeihae kiaccuze nuhlang malang e bya phelokuh.

  • Merarih lang Baebu zeihaepaw. Phungpaw lazeitu haepaw hynh acikho haepaw kongrou nynh lazeihae. Thuasalazema baebu zeituhaepaw nynhtu acikho leihaepaw te asunghaepaw kongmah pheileite lazeihae. —2 Serianaw 36:15,16; Sam 51:1-4.

  • Zynlang ungpaw bya hotoupaw. Langmawlya e Babulon kholapi ynrohcih cite Baebu nynh akum 200 hangte lahotou vae. (Isaiah 13:17-22) Pawcihte nynh aro ngaw cipaw laelang ze arohtu langpaw ccungccah min blyng phe lahotou vae. —Isaiah 45:1-3.

Hotoupaw baebu hynh adihpaw te alepaw kyacia phe alahccing kou. Tuhkiaccuze baebuccaw tuh pachia thyamuisaw te zeipaw ccah-uh cite zynkho athua. —2 Pite 1:21.

 TUA TUA

Baebuccaw nynh nahinglung khu pawhoinaw mou ae bungkho?

E byakhia naw hynh baebu nynh ynphi pya. ISAIAH 48:17, 18 te 2 TIMOTE 3:16,17 kya riatua.