Skip to content

Skip to table of contents

 ABALU HAWLAEPANGAW

Ame Te Pachia Beihnaw Langpi

Ame Te Pachia Beihnaw Langpi

1. Pachia beih lang amepaw langpi yn ho pah kho paw tuh a hungmou?

BEIHNAW alunghua nynh Pachia kong ame te nynh kae ccangpyaku a ci hae. Thuasalama tuh-e tuh thua khyh, pawccecize beihnaw hae nynh Pachia kha pawtemou beih lang cipaw a phuinphuin te a ccangpyaku hae keiccu nynh thua. Pachia beih lang amepaw langpi tuh pawtemou ny kho lang? Pawtemou beih lang cipaw yn ccang pah kho paw tuh Zahova rou nynh thua.

2. Pachia beih lang amepaw langpi hynh pawtemou ccangku kho lang?

2 Baebu tuh Zahova nynh a zei sah hae paw thua zah tuh-e kyate amaw beih lang amepaw langpi kha ccangku kho a thua. Tukeiccuze Baebu kha ccang kuh, te Zahova nynh eih ae sungsah keiccuze na ccangkupaw kyate thanenaw mue kho nawlang ae bung cih.—Isaiah 48:17.

3. Pachia nynh pawmou cyi sah yn ry?

3 Beihnaw miakaw hynh Pachia anaw pung accah cite ccungccaw abang nynh a ho hae, thuasalama tuh-e tuh me khyh cite Zisu nynh a ho. Zisu nynh hynhte a ho: “Bawipaw, Bawipaw oun cipaw miakaw nynh vawlang Penaw lungkhu lang teelang khyh hae, thuasalama vawlang ungpaw ka Paw rynaw a raepaw rou nynh a tee ci.” Tukeiccuze Pachia nynh pawmou a ry cipaw te pawmou yn cyi sah ry cipaw kha ccangku lang ahoo. Zisu nynh seinaw rae te Pachia bya a ngae lei hae paw kha, “ccungccah thyahae” cite yn tousuin pya keiccuze e-tuh huataw paw piahccahnaa thua khyh.—Matthai 7:21-23.

4. Pachia rynaw ryalawnaw kong Zisu nynh pawtemou a ho?

4 Zisu nynh aening kha Pachia rynaw rya na law ry oh ze tuh rawsenaw na tung cih oh cite raeringnaw yn pya.  Hynhte a ho: ‘Abypaw sakoih kyate tee oh, pawccecize ronaw kalang a cceihpaw sakoih tuh koza a langpi zema a zoy, te ccungccaw patae nynh a zui hae. Thuasalama hingnaw kalang teenawpaw sakoih tuh byza ccianaw langpi mah aru, tukeiccuze a zui hae paw ccungccaw mah zyatari nynh ah cih hae’. (Matthai 7:13, 14) Pachia beihnaw amepaw langpi tuh zungzae hingnaw hanglang langpi ccangkheih nynh thua. A kopaw langpi, tukhyhze Pachia beihnaw ame leipaw langpi tuh chiinaw lang yn cciakhaetupaw nynh thua. Thuasalama Zahova nynh hunghung sang mah yn chii sah ry khyh. Ccungccaw miakaw nynh amaw kong kha ccangku kho a thua.—2 Piter 3:9.

PACHIA BEIHNAW AMEPAW LANGPI

5. Pachia kha merarih te a hung hae mou a beih hae cipaw pawtemou nythya lang?

5 Zisu nynh amepaw langpi te a hung hae mou Pachia kha a beih hae cipaw ccaerarih phiathya nawlang yn ho pya. A zyn hae paw, mih ryalaw hae te miming kha ny kho a thua. Zisu nynh, “Miming kha mih thae’ae liate nae nyh cih oh.” Te hynhte bua a ho: “Ahoypaw thingku miakaw nynh ahoypaw thingthae kha a thae.” (Matthai 7:16, 17BI) E nynh Pachia a beih hae paw tuh a ccing hae cite a ho rynaw paw thua khyh. Thuasalama Pachia see hae nynh amepaw rae lang zungzae azuaku hae. Pachia kha merarihte a hung hae mou a beih hae cipaw nythyanaw lang kha-e nynh yn bung cih.

6, 7. Amepaw beihnaw nynh pawccemou Baebu kha a bapi lang a naung hae? Zisu kyate aening pawmou dosuinku lang?

6 Ah beihnaw oh kya Baebu hynh a bapi lang naung lang a ccang. Baebu nynh hynhte a ho: “Ccathyaa balyng tuh Pachia hysawnua paw nynh thua. Tuh-e ccathyaa tuh ccangpyakunaw hanglang, seimuihsakunaw hanglang, raethuinaw hanglang, dingnaw kya thuiheikunaw hanglang athanepaw nynh thua. Ou tuhte Pachia ccungccahpaw tuh accing nawlang, ahoypaw ryalaw balyng hanglang khaleipaccyngpaw athua nawlang nynh thua.”  (2 Timote 3:16, 17, BI) Zuitu Paul nynh Khrihccaw hae kha, “Pachia bya kha nangning nynh he na lawkuh oh te, ccungccaw’ae bya hawte na lawkuh khyh oh, thuasalama baccing thua zah a zyn hae paw nangning kya mah amawccih langte ryalah paw Pachia bya hawte na lawku oh,” cite a la zei. (1 Thesalonhae‛ae 2:13, BI) Amepaw beihnaw tuh Pachia Bya, Baebu kyalya nynh a bapi lang a naung hae. Miming nynh ccungccaw tuanaw, thokeinaw, te a ccangpaw tuanaw hae kha a bapi lang naung khyh hae.

7 Zisu ccangpyanaw miakaw tuh Pachia Bya kya-e nynh thua. (Johan 17:17 ria.) Baebu kya-e nynh a law. (Matthai 4:4, 7, 10) Amepaw Pachia rya lahtu hae mah Zisu kha dosuinkuh hae zah Baebu kya-e nynh a ccangpyaku hae.

8. Zisu nynh Zahova beihnaw kong pawtemou yn ccangpya?

8 Zahova Pachia rou nynh beihlang a ccang. Sam 83:18 nynh, “Namaw rou nynh Zahova cite min hoipaw na thua zah laephi pyngpi uhtu Ahang huapaw na thuanawpaw kha ccungccaw hae nynh nyh hae sah,” a ci. Zisu nynh ccungccaw hae kha amepaw Pachia tuh hungmou cipaw merarihte nyh hae sah ci la ry zah, te Pachia min kha a la ho pya hae. (Johan 17:6 ria.) Zisu nynh, “[Zahova, NW] na Pachia kha na beih cih zah amaw rya kyalya kha na lawpah cih,” a la ci. (Matthai 4:10, BI) Tukeiccuze, Pachia see hae hawte, aening mah Zisu kha dosuinku lang. Zahova rou kha beih lang, amaw min rou nynh mang lang, te minccangpaw hae kha Pachia min ccangpya lang hae zah Pachia nynh aening hanglang yn cyi pya lang paw kong mah hopya lang hae.

9, 10. Lukheih te lukheih sungsakunaw pawtemou langsaku lang?

9 Ccungccaw hae kha sungsah ccahccing lang hae ahoo. Zisu nynh a zuitu hae kha lukheih te lukheih la sungsah kuh oh cite a la ccangpya hae. (Johan 13:35 ria.) Ah ryachi cci ze mah, ah hoirung oh ze mah, pawpaw kyate ah thokei oh ze mah lukheih te lukheih sungsaku kho a  thua. Uno nung unopaw hae te lungloku te ung kho nawlang lukheih te lukheih sungsaku ahoo. (Kolosehae 3:14) Tukeiccuze rawtuh leilang zah ccungccaw chia leilang. Baebu nynh, “Pachia ccaw te Setan ccaw alaenawpaw tuh: dingnaw rya a lah leipaw te a uno a sungsah leipaw tuh Pachia ccaw thuakhyh hae,” a ci. Tukoute, “lukheih te lukheih sungsakuh oh yn ci. Aening tuh Setan ccaw athuapaw a neitaw a theihtu Kain ah lolang ohpaw thuakhyh,” a ci.—1 Johan 3:10-12; 4:20, 21.

10 Lukheih te lukheih bungkunaw lang te thawzung pyakunaw lang ah ccyh, ah thawzung te ah hoi oh paw uhccaw hae kha mang oh sih. (Hebruhae 10:24, 25) Aening nynh “ccungccaw balyng hanglang ahoypaw cyi pah oh sih.”—Galatihae 6:10.

11. Zisu tuh khungtu nynh thua cipaw pawccemou zyn kho a thua?

11 Zisu liate rou nynh khungnaw mue kho a thua. Baebu nynh, “Khungnaw tuh amaw kyalyate rou nynh muih kho a thua; laephi pyngpi kya Pachia nynh ounpyapaw accangpaw khungnaw te mingccangpaw khung khotu hungsangma ung khyh,” a ci. (Zuituhae 4:12) E ccah-uh Abalu 5 kya kaw ngaepaw ccungccaw hae hanglang Zisu kha sawnawme lang Zahova nynh yn sawpya cipaw ah ccangku vae oh. (Matthai 20:28) Zahova nynh Zisu kha laephipi uhtu Siapharang lang a po vae. Zungzae hingnaw ah mue ry oh ze Zisu kaw kha ngae hahe lang ahoo cite Baebu nynh yn ccangpya.—Johan 3:36 ria.

12. Nainganzi rya pawccemou law bua leilang?

12 Nainganzi rya law bua lang ccang khyh. Zisu mah nainganzi rya lah khyh. Romhae uhtu bawi Pilat malang khe hynhte a ho: “Ka penaw tuh hynh-e laephi kya thuakhyh.” (Johan 18:36 ria.) Zisu hawte, pawpaw kya ah ung oh ze mah Pachia Penaw kya zyntyng lang zah aening mah nainganzi rya law leilang. Thuasalama, Baebu nynh, “uktuhae kaw kha ngae hahe oh,” cite kawbya yn pya. (Romhae 13:1) Pawpaw kya ah ung oh ze mah rang upadi  hae kha ah zui oh. Pachia kawbya hae te a rawsekuh paw upadi yn ung vae lang thua ze thang nynh, “Ccungccaw kaw laeze Pachia kaw nynh kaee ngaehua hahe cih,” cite a ho hae paw zuitu hae kha dosuinku lang.—Zuituhae 5:29; Marka 12:17.

13. Pachia Penaw kong pawmou ah ho oh?

13 Pachia Penaw rou nynh e laevaw ruunaw hae kha yn ro pah kho cih cite ah zyng oh. Zisu nynh “Penaw Thehoypaw Bya” kha laephi vaw lang balyng khe yng ho cih hae a ci. (Matthai 24:14 ria.) Ccungccaw uhkunaw nynh yn cyi pya kho leipaw kha Pachia Penaw nynh yn cyi pah vae cih. (Sam 146:3) Zisu nynh Pachia Penaw hanglang saw sanglang yn ccangpya lya ze, “Na Penaw thua ccavae sa; vawlangze na rynaw rae athua hawte laevaw lang ma rae bua thua sa” cite yn ccangpya. (Matthai 6:10) Pachia Penaw nynh ccungccaw accozah miakaw kha yng roh cih zah “tuh-e Penaw kha tuh zungzae te a tyng cih” cite Baebu nynh yn ccangpya.—Daniel 2:44.

14. Pachia kha amete a hung hae mou a beih hae?

14 E kong na ccangkuh koute namaw te namaw kha hynhte khiaku tua: ‘Hung hae ccangpyanaw mou Baebu kya-e thyhte a ccang pah kuh hae? Pachia min kha a hung hae mou a ho hae? Hung hae mou lukheih te lukheih sungsakuh hae zah Zisu tuh aening khungnaw hanglang Pachia nynh yn pya paw cite a zyn hae? Hung hae mou nainganzi rya lah khyh hae? Pachia Penaw rou nynh ah tung oh paw ruunaw vawsawnaw hae hynh yn ro pah kho cih cite a hung hae mou a ho hae?’ E kong hynh Zahova Ccaeccei hae rou nynh a ho hae.—Isaiah 43:10-12.

NANG PAWMOU NA CYIH CIH?

15. Pachia nynh ah beihnaw oh hynh lehkhang sah ci ah ry oh ze pawmou cyi lang?

15 Pachia a ung cite zyn kyalya te zaw khyh. Muihsaw hoylei hae paw nynh mah Pachia a ung cite a zyn hae, thuasalama Pachia bya kha ngae khyh hae. (James 2:19)  Pachia nynh ah beihnaw oh paw hynh lehkhang sah ci ah ry oh ze Pachia a ung cite zyn kyalya te zaw khyh, thuasalama ah beihnaw oh paw kha leh a khang kho nawlang pawmou cyi ahoo cipaw kha yn ho pya.

16. Ame leipaw beihnaw kyate pawccemou toiku ahoo?

16 Pachia nynh ah beihnaw oh hynh leh a khang nawlang ame leipaw beihnaw kyate toiku ahoo. Profeh Isaiah nynh, ‘amaw nung kyate toikuh oh lah thya rarih te ung oh,’ cite a la zei. (Isaiah 52:11; 2 Korinhae 6:17) Ame leipaw beihnaw kya-e cyisanaw miakaw kha marya vua ahoo.

17, 18. ‘A lesaepaw Babilon’ tuh pawmou, tuin kyate pawccemou a rang mawte toiku lang ahoo?

17 Ame leipaw beihnaw tuh pawmou? Pachia bya te arawsekuh lang te ccangpyakunaw miakaw tuh ame leipaw beihnaw nynh thua. Baebu nynh ame leipaw beihnaw miakaw kha “A lesaepaw Babilon” a ci. (Byaphy 17:5) Pawccemou? Noah tuipa-yng koute, Babilon kholapi kyate nynh ame leipaw beihnaw ccangpyakunaw hae hynh yng lang ku. Tuh-e ame leipaw ccangpyakunaw hae tuh laephi pyngpi kya pung a le kuh. Tousenawze, Babilon kya a ung hae paw ccungccaw hae nynh luthungpy Pachia chiakheih cite a beih hae. Atushe mah, beihnaw patae hae nynh tuhawte Luthungpy Pachia Chiakheih cite a ccang pya hae. Thuasalama Baebu nynh amepaw Zahova Pachia lukheih rou nynh a ung, te Zisu tuh a Ccahpaw nynh thua cite ccae te ccae lang yn ccangpya. (Johan 17:3) Babilon kya ung hae paw ccungccaw abang nynh ccungccaw lukhakheih a chii vae ze a muihsaw kha pou hing zah hellmae kya vawrih vawsaw te nynh a ung hae cite a zyn hae. Tuh-e tuh me khyh.—Piachihpaw 14, 17, te 18 kya do.

18 Pachia nynh a romaw ame leipaw beihnaw miakaw ro a thua vae cih cite a la hoty. (Byaphy 18:8) Ame leipaw beihnaw kyate a rang mawte pawccemou toiku lang ahoo cipaw na nyh tou? Zahova Pachia nynh ame leipaw beihnaw kyate a rang mawte toikuh sah ci ae ry.—Byaphy 18:4.

Zahova ccungccaw hae ryte rya na lawkheihnaw liate laephi pyngpi innbyng lukheih lang nae tang bua vae cih

19. Zahova rya lawlang bya na paeku vae ze, pawtemou ae bung cih?

 19 Ame leipaw beihnaw kyate na toikuh zah Zahova ryalaw lang bya na paeku vae ze na bang hae te na innbyng hae toulou nynh ry lang khyh hae zah ae rawse cih hae. Thuasalama Zahova nynh ae vua lang khyh. Lukheih te lukheih a sungsakuh hae paw ccungccaw ccaang patae hae ryte laephi pyngpi innbyng lukheih lang nae thua bua cih zah Pachia laephi thawpaw kya zungzae hingnaw ngaehoinaw nae hoibua vae cih. (Marka 10:28-30) Zahova ryalaw lang bya na bapaekunaw a rawse hae paw nynh mah nyalang tuh Baebu ccangku lang bya yng pae kuh bua kho vae cih hae.

20. Amepaw langpi te Pachia beih lang pawccemou azici?

20 Pachia nynh hoyleinaw miakaw hynh pung a ro lang paw te a Penaw nynh laephi pyngpi a uh lang paw ccyh myarya a nae vae. (2 Piter 3:9, 13) Tetuh myarya yng hoy vae cih! Lukheih raveih nynh Zahova a rynaw hawte Zahova kha beih lang vae. Tukeiccuze atulya ame leipaw beihnaw kyate toiku lang zah Pachia kha amepaw langpi te beih lang azi myarya ci.