Тӗп матералсем патне куҫӑр

Хушса панӑ меню патне куҫӑр

Иегова Свидетелӗсем

чӑвашла

Мӗн вӑл Турӑ Патшалӑхӗ?

Мӗн вӑл Турӑ Патшалӑхӗ?

Вӑл...

  • ҫын чӗринче вырнаҫнӑскер-и?

  • тӳпери пӗр-пӗр вырӑн-и?

  • пӗлӗтри правительство-и?

 БИБЛИ МӖН КАЛАТЬ

«Тӳпери Турӑ нихӑҫан арканми патшалӑх туса лартӗ» (Даниил 2:44, Раҫҫей Библи пӗрлӗхӗн куҫарӑвӗ).

«Пире Ывӑл панӑ; Унӑн хулпуҫҫийӗ ҫинче — патшалӑх» (Исаия 9:6).

ҪАКӐ СИРЕ МӖНЛЕ УСӐ ПАМА ПУЛТАРАТЬ

  •  Тӗрӗслӗхе юратакан правительство сирӗн пурнӑҫа лайӑхлатӗ (Исаия 48:17, 18).

  •  Пулас ҫӗнӗ тӗнчере ҫирӗп сывлӑх тата телей пулӗ (Ӳлӗмхине 21:3, 4).

 БИБЛИРЕ МӖН КАЛАНИНЕ ӖНЕНМЕ ПУЛАТЬ-ШИ?

Пулать, ҫавна валли сахалтан та икӗ сӑлтав пур:

  • Турӑ Патшалӑхӗ ҫынсем валли мӗн туса парассине Иисус кӑтартса панӑ. Иисус хӑйӗн вӗренекенӗсене Турӑ Патшалӑхӗ килтӗр тата Туррӑн ирӗкӗ ҫӗр ҫинче те пултӑр тесе кӗлтума вӗрентнӗ (Матфей 6:9, 10). Иисус, Турӑ Патшалӑхӗн пулас Патши пулнӑ май, ҫак кӗлӗри сӑмахсем мӗнле пурнӑҫланассине хӑй кӑтартнӑ.

    Иисус ҫӗр ҫинче пурӑннӑ чухне выҫӑ ҫынсене тӑрантарнӑ, чирлисене сыватнӑ тата вилнисене чӗртсе тӑратнӑ! (Матфей 15:29—38; Иоанн 11:38—44.) Иисус ҫаксене тунипе ҫав Патшалӑх хӑйӗн ҫыннисем валли мӗнле чаплӑ пурнӑҫ туса парассине кӑтартса панӑ (Ӳлӗмхине 11:15).

  • Тӗнчере пулса пыракан ӗҫсем Турӑ Патшалӑхӗ кӗҫех килессине ҫирӗплетсе параҫҫӗ. Ҫав Патшалӑх ҫӗр ҫинче мирлӗ пурнӑҫ туса хурас умӗн этемлӗх вӑрҫӑсене, выҫлӑха тата ҫӗр чӗтреннине пула асапланӗ тесе Иисус малтанах каласа хунӑ (Матфей 24:3, 7).

    Хальхи вӑхӑтра шӑп ҫапла пулса пырать те. Ҫавӑнпа та эпир Турӑ Патшалӑхӗ ҫав йывӑрлӑхсене пурне те кӗҫех татса парасса шанма пултаратпӑр.

 ШУХӐШЛАСА ПӐХӐР-ХА

Турӑ Патшалӑхӗ ертсе пынӑ чухне пурнӑҫ мӗнлерех пулӗ?

Библи ҫак ыйту ҫине мӗнле хурав панине пӗлес тесе ПСАЛОМ 36:29 тата ИСАИЯ 65:21—23 пӑхӑр.

Ытларах пӗлӗр

ТУРРӐН ЫРӐ ХЫПАРӖ

Ҫӗрпе мӗн пулӗ?

Турӑ ҫӗре мӗншӗн тунине, хӗн-асап хӑҫан яланлӑхах пӗтессине тата ҫӗрпе ун ҫинче пурӑнакансене пуласлӑхра мӗн кӗтнине Библи ӑнлантарса парать.