Yaba nanaid daggega

¿Igi nabir neguyagi yeer iddodi gudigulesale?

¿Igi nabir neguyagi yeer iddodi gudigulesale?

¿Be sogsale...

  • ... na sabgudii gumalad abeleye?

  • ... mani abeleye?

  • ... ibmar baid abeleye?

 BIBLIAGI SOGLENAID

“Dulemar Babdummad gaya burba [...] sogedba nanadimalad” yeer iddodi gumaloed (Lucas 11:28, Bab Dummad Jesucristoba Igar Mesisad Garda, e narmagleged wis ogwalesad.)

¿IBIGALA BE WE IBMAR WISGUED ABELEGE?

Bemar na sabgudii gumalaga (Efesios 5:28, 29).

Mer na bemar ibgwensur imagdii gumalaga (Efesios 5:33).

Mer bemar buggib binsadi gumalaga (Marcos 10:6-9).

 BIBLIAGI IBMAR SOGLENANAID ¿BULE NABIRDIBE?

Bibliagi ibmar soglenanaid gaggansur nanaed, ibmar sogbo anmar daggoena:

  • Babdummad, abirgin niggued igar mesisad. Bibliagi soglenaid gebe negsagla unni, Babdummadi, Adánga ome ugsaye (Génesis 2:18-24). Degsoggua Babdummad sogedba neguyagi dulemar bugguded. ¿Ibigala we ibmar ieged abelesuli?

    Be binsaena, be mas yeer gulleged gudsale, be wisgubi guarsundibe igi we mas imaglege, ¿doasega be egissale? Dule baidse be egissasuliled, e imasadse be egissaled.

    Deyobi, dule neguyagi yeer iddodi gubimogale, Babdummadse idagmogar gebed, ar Babdummadi, abirgin niggued igar mesisadid (Génesis 2:18-24).

  • Babdummad dulemargi binsamaid. Babdummad, e gardagine anmarga binsaed nuegan ugmaid, degsoggu anmar Jehováse idagbiele, Biblia durdagger gebed. ¿Ibigala Bab anmarga binsaed dagmai? Ar ‘Babdummad nue anmar aggwemaidʼ (1 Pedro 5:6, 7). Jehová abeged anmar nued gudigued; e igarmar mamaidi bela nueganbiid (Proverbios 3:5, 6; Isaías 48:17, 18).

 WE IBMARGI BINSAO

Dule, abirgin niggale, geb mimmigan nigbardibe ¿igi nued neguya sedii gusale?

EFESIOS 5:1, 2 gi, geb COLOSENSES 3:18-21 gine we igargi sunmaglenaid.