Yaba nanaid daggega

Menú baid daggega

Índice daggega

Jehovági sunmagmalad

dule

Emi ibagi ¿doamar Jehovága arbadidii?

 Lección 22

¿Ibu Sucursalmargi imaglege?

¿Ibu Sucursalmargi imaglege?

Islas Salomón

Canadá

Sudáfrica

Bab igargi nabir sunmaglenai guega Betelgi unnila ibmar soggwenna imaglesulid. Abar baid gaggaba gardamar ogwaedgi arbabugmalad, abar libromar onigedgine, libromar ugga nasiggedgine, libromar nueggwa urbedgine, ibmar grabar samaladgine, video imaggedgine, geb buggidar ibmar bamalad imaglebalid.

Sucursalgi Gwenaganga Igar Amibuggwad, sucursalgi arbalesiid dagbugmalad. Mergi neggi Gwenagan Anmar Idubuggwad gwenagan bamalad onugsasmarmogad, e baadibe, e baggedibe, sucursalgi gwenagan idubuggwa gumalaga, wemala nue odurdaggar bugmalad. Sucursalgi Gwenaganga Igar Amibuggwadi, mergi neggi Gwenagan Anmar Idubuggwad owisobuggwad igi ibmar imaglenai, geb igi gwenagan gudidimarbali; aaga mergi neggi Gwenagan Anmar Idubuggwad wisdamalad ibu igargi gardamar sunmagged onilegoe, igar iddogedgi ibu ibmar durdaglegoe, geb igar iddoged bulaled gualir ibu igargi sunmaglebaloe. Gwenagan Anmar Idubuggwad sucursal daggega bamalad barmisimogad, wemardi sucursalmarse addagmaladye nugmalad. Wemar Sucursalgi Gwenaganga Igar Amibuggwadga igar ugnonidamarmogad nabir nueggwa ibmar imagbuggwa gumalaga (Proverbios 11:14). Gwenad sucursalse addagged sucursal gwagwense gudiile, aa neggweburgi gwenagan bugmaladga Bab igargi sunmasdaed.

Congregaciónmar bendaggega arbabuggwad. Sucursalgi sogleged ibu neggweburgi congregación sigoe; aagi, idudimalad, geb gwenagan bendagdimalad onugsalesibalid; aagi, igar mayemaladga, misioneromarga, circuitogi, geb distritogi arbamaladga igar uglesibalid; aagi, igar amilesibalid bia igar iddoged bulaled gunanaoe, bia Igar Iddoged Negmar soblegoe geb aagine gwenaganga libromar barmilesibalid. Bela sucursalgi ibmar imaglegedba nabir igar nigga Bab igargi sunmaglenaid (1 Corintios 14:33, 40).

  • Sucursalgi Gwenadganga Igar Amibuggwad, ¿igi mergi neggi Gwenagan Anmar Idubuggwad bendagbuggwa?

  • ¿Sucursalgi ibu ibmar imaglege?