Yaba nanaid daggega

Menú baid daggega

Índice daggega

Jehovági sunmagmalad

dule

Emi ibagi ¿doamar Jehovága arbadidii?

 Lección 7

¿Ibu ibmar igar iddollealir durdaglege?

¿Ibu ibmar igar iddollealir durdaglege?

Nueva Zelanda

Japón

Uganda

Lituania

Siglo primerogi gwenagan Igar Iddoged Neggi buggusmalale ¿ibu imasdamala? Namasdamalad, Babse godsadamarbalid, Bab garda absosdamarbalid geb nueggwa durdasdamarbalid, oimagbuggussurdamalad (1 Corintios 14:26). Be anmar igar iddogedse noniggile, be dagdagoed anba anmar deyob ibmar imagmoga.

Biblia igargi dulemar odurdagleged. Sábadogi, domingo gindibe bela neg dirbimaggar anmar sordagan ubobuggwad Biblia igargi sunmagleged iddogega, we 30 minutos gued; aagine sogleardaed igi anmar daed abelege, geb igi emi ibagi neg gudagoye Bibliagi soglenai. Sunmaggwissid soggalile Bibliagi amimaloye, nuediled iddobugmalad eba Bibliagi absobuggwa gumogad. Sorba La Atalaya durdagleged, wedi wadsi irgwen gued. Aagi gwenagangse ibmar egisleardaed, nabir abin sogmarmogaga; La Atalaya gine durdagleged igi anmar Biblia sogedba igar imagdii gusale. Negdirbimaggar 100.000 congregacionmar buggwadgine, anmar emarbi ibmar durdagbuggwad.

Anmar odurdaglesiid nueggwa dulemar odurdaggega. Iddogedgi muddig irgwen anmar ubobalid, aagi anmar ibmar sogbaa durdagsiid. Gebbe noder Biblia Igar Durdagleged, 30 minutos; aagi anmar durdagbuggwad Bibliagi igi igarmar mamai, geb igi neg gudagoye Bibliagi soglenabali; durdaglenaile ibmar egisleardaed, iddobugmalad abin sogmarmogaga. Sorba 30 minutos Babga Arbaed Igar Durdagleged, bad iduaggwa Biblia absolesdaedgi sunmaglesdaed. Sorbali durdagnanaid burwi burwi sunmasdamalad, geb e odurdaggwissidi binsaed daggoed, anmar odurdaggega igi nueggwa garda absolege, geb igi nueggwa dulemarga sunmaglebali (1 Timoteo 4:13). We sorba nabbi 30 minutos Babga Arbaed Igar Iddolleged. Anmar odurdaggega gwenagan sunmasdaed, oyoleardabalid igi Bibliagi emar odurdaglege, geb gwenaganse egisledabalid igi Bibliagi emar odurdagdidimoga.

Be anmar igar iddogedse nadmogale be dagdagoed, nueggwa Bibliagi dulemar odurdaglebuggwa (Isaías 54:13).

  • Jehovági sunmagmalad igar iddogedgi ¿ibu ibmar imaglege?

  • ¿Biddi igar iddoged inso be anmarba iddonabimoga?

NABBI WISGUEGA

IGAR IDDOGED

¿Igi anmar igar iddoged neggi Bab igar durdagbuggwa?

Daggena, igi anmar igar iddoged neg daglenanae, dagbalo, ibu anmar aagine imagdae