Yaba nanaid daggega

Menú baid daggega

Índice daggega

Jehovági sunmagmalad

dule

Emi ibagi ¿doamar Jehovága arbadidii?

 Lección 28

¿Anmar sitiowebgi ibu ibmar nanai?

¿Anmar sitiowebgi ibu ibmar nanai?

Francia

Polonia

Rusia

Jesús e sordaganga sogsad: “Gwallu gaeyobi, bemar dulemar asabin damarmo, adi dule baigan be dagmalagar, bemar ibmar nuegan imagdiid, degine, adi be Babdummad nibneggi maid e nug ogannomalagar” (Mateo 5:16). Aaga anmar emi ibagi Internetba dulemar odurdagbalid. Anmar sitioweb www.jw.org/cuk gine soglenaid, Jehovági sunmagmalad ibu ibmargi dulemar odurdagge, geb igi arbabugmarbali. ¿Ibu ibmar sitiowebgi nanai?

Dulemar ibmar wisgubimalad soglenanaid. Aagi be dagdagoed dulemar ibmar wisgubi gudidiid, narmaggar nai. Sognergwa mergu garda, ¿Igar nabbiragwad be wisgubie? gine naid; we garda 400 mergu gayamarba imaggaled. Biblia, Traducción del Nuevo Mundo nabalid. Libro ¿Biblia gine nue igi soglenai? nabalid, geb La Atalaya geb ¡Despertad! nanamogad. We gardamar nabir be Internetba absoged, nabir iddollebalid, nabir iddogega odelebalid, anba nabir PDF gine, geb EPUB gine odelebalid. Dule baid Bab Reino igar wisgubimogale, we gardamar nabir be ega imprimir samogad. Sordomar gayaba videomar nanabalid, Biblia dramatizar garmalad, drama Biblia igargi sunmagmalad, geb músicamala be na neggi iddogega nabir be na odebalid.

Jehovági sunmagmalad ibmar imagbuggwadgi sunmaglenaid. Anmar sitiowebgi sunmagnaid igi Jehovági sunmagmaladga neg gunai; videomar oyoleardabalid. Aamargi soglenaid Jehovági sunmagmalad igi na gwenagan bendagbuggwa. Soglenabalid sanawa anmar igar iddoged bulaled guoe, geb igi anmar oficinamarse nabir gorlesale.

We ibmarba nabir bela Bab igargi dulemarga sunmaglenaid, Antártidase baggale dulemarga Bab igargi sunmaglenaid. Aaga anmar, Jehovága soged ‘bela be gaya burba gwae gwae nasgumai gusan gadinye’, bela dulemar Jehová nug odummomalaga (2 Tesalonicenses 3:1).

  • ¿Igi sitioweb www.jw.org/cuk dulemar bendagge nabir Bab igar sunsoged durdagmarmogaga?

  • ¿Ibu igar be anmar sitiowebgi durdagbimoga?