Yaba nanaid daggega

Menú baid daggega

Índice daggega

Jehovági sunmagmalad

dule

Bibliagine ¿nue igi soglenai?

 APÉNDICE

Jesucristo, Mesías noniggoye soglesadid

Jesucristo, Mesías noniggoye soglesadid

JEHOVÁ profetamargala sogsad Mesías noniggoye dulemar bendaggega. Profetamar sogsamalad, igi Mesías gwalulesar guoe, igi arbadii guoe geb igi burgwebaloe. Bela we ibmar soglesadi ginelle gusad. Anmar daggega bule deyob ibmar gusa, anmar sunmaggoena Mesías gwalulesgu igi ibmar gusa geb anba bibbigwa unni igi neg gusbali.

 Profeta Isaías sogsad, Mesías David wagwaga guoye (Isaías 9:7). Deyob gunoniggid, ar Jesús Rey David wagwanad (Mateo 1:1, 6-17).

Profeta Miqueas sogsad, “Belén Efrata” neggweburgi Mesías gwalulegoye, dule dummadga guoye (Miqueas 5:2). Jesús  gwalulesgua, Israel neggweburgi neggwebur gwabo Belénye nugmalanad, gwena Nazaret nagaba nainad geb baiddi Judá yargi, Jerusalén nagaba. Belén neggwebur Jerusaléngi iddagga nainadi iduar Efrataye nuganad. Jesús we neggweburgi gwalulenoniggid, profeta sogsayobi (Mateo 2:1).

Bibliagi soglesbalid, Jehová na e massise goloye Egiptogi noega. Deyob gunoniggid, Jesús bibbigwa unni Egiptose selesad, geb Herodes burgwisad sorba, gannar na e neggweburse noniggid. Weyobi profeta ibmar sogsadi gunoniggid (Oseas 11:1; Mateo 2:15).

Recuadro nugad “ Igi Mesías guoye soglesa” aagine be dagge naid “Igi guoena”, aa urba soglenaid igi Mesías guoye Bibliagi soglesa. Geb nagaba nabalid, “Igi gusa”, nibalidbo be dagge wisguega bule deyob gusa. Deyob be imaggele be sunnad be daggoed Bab Gaya Burba gaggan ibmar sogsurdae.

We ibmar Bibliagi be absodele mer iego we diggasurgus Jesús gwaluleged idu narmaglesnanaed. Jesús sogsad: “Moisés Igargi angi narmaggar maidi, bela angi guer gebye. Degi, Bab gaya burba barsogmalad angi narmagsamaladba, degine, Salmosgi angi narmaggar maidba bela angi guergebye” (Lucas 24:44). Be Bibliagi be absosmogale, be sunnad be dagsad we ibmar soglesad bela gusnanaed.