Yaba nanaid daggega

Menú baid daggega

Índice daggega

Jehovági sunmagmalad

dule

Bibliagine ¿nue igi soglenai?

 APÉNDICE

Jesús burgwisad iba onoleged, Bab nug odummogega

Jesús burgwisad iba onoleged, Bab nug odummogega

CRISTO sordaganga soglesad, Cristo burgwisad iba onodii samaloye (1 Corintios 11:20). ¿Ibigala nue abelege we iba onoleged? ¿Sanawa geb igi we iba onoledaoe?

Judíomar, Pascua iba onobuggwa, aa muddiggi Jesús e burgoed iba onosii gusmogad. Nisán 14 gine Pascua iba onoledaed unnila birgagi irgwen  onoledaed. Marzogi nii yolenoniggir, Judíomar ibanbe gagga bagge ebidsa damalad, aa ibagi dad argwadsad sorba Pascua iba onogega.

Aa muddiggi Jesús e sordaganmar Pascua iba onosmogad. Judas Iscariote naded sorbali Jesús e burgwed iba ebinsalegega e sordaganmar madu gudsad geb vino gobsabalid. We iba Pascua iba anar dognoniggid, ar Pascua iba birgagi irgwen onoledasoggua, aaga we iba birgagi irgwen onoledamogad.

Mateogi soglenaid ibu imaglesa: “Jesús madu susgua, Bab Dummadga dog nuedye sogsa gusad. Geb aa sorba, Jesús madu bisge bisge imagsad, e sabbinganga ugded, sogded: Be[mar] sumar, be[mar] gunmar, we madu an san [obared]. Jesús e sabbinganmala we madu gudsamarsunnad. A sorba, Jesús nog susbalid. Bab Dummadga dog nuedye sogsabargu, e sabbinganga ugdebalid, sogdebalid: [...] gobmar. We an abe [obared]. An abe Bab Dummad dulemarbo igar bini mesnaid wilubganad, degi, an abe, isgued eliega, dulemar buggidar ular milegoed” (Mateo 26:26-28).

Abar dulemar binsamalad, Jesús na e san maduga obinyisye, geb e abe vinoga obinyisbarye. Degsoggu, ¿soglesunde apóstolmar Jesús e san sunnad gudsamarye geb e abe sunnad gobsamarbarye? Suli, deyob imasmalana dule san gunnedga gumaloenad, ar Bab igargi yolemaloendolle (Génesis 9:3, 4; Levítico 17:10). Lucas 22:20 (TNM) gine sogmogad: “We noga an abe aryogoedba igar gwabbid megoed oyogegalad, an abe bemar ular aryogoedid”. Ar, ¿noga “igar gwabbid megoed” gala binyissunde? Suli, ar igar gwabbiddina ibmarsulid, geg nogga gued.

Madu, vinobo ebulesad ibmar soggwengi dulemar odurdaggega. Madu ebulesad dulemar wisgumalaga, Jesús dule isguedsulidye. Jesús e sordaganmar Pascua ibagi madu gudsadi, Pascua ibagi madu obidsad gussamalad we madu e inaba garsulinad. Degsoggu, madu inaba garsulidi,  ebulesad dulemar wisguega, Jesús dule isguedsulidye, we dule anmar anar burgwisad (Éxodo 12:8). Bibliagi madu inagi sunmaglealir bur ibmar isganagi sunmagnadaed. Degsoggu, madu inaba garsulid ebulesadi, ebulesad dulemar wisguega, Jesús dule isguedsulidi, anmar anar burgwisye (Mateo 16:11, 12; 1 Corintios 5:6, 7; 1 Pedro 2:22; 1 Juan 2:1, 2).

Vino ibmarba oburarsuliddi oyogegalad Jesús abe aryogoedi, we abe aryogoedba nabir igar gwabbid megoye. Jesús sogsad e abe aryogoye dulemarga “isgued eliega”. Aaga emidi nabir abar dulemar Jehovága dule nuedga gumaloed geb Jehová wemarbo igar mesismosunnad (Hebreos 9:14; 10:16, 17). We igar mesilesadi imaggoed 144.000 mergu Cristo sordagan nabir nibnegse namalaga. Nibneggi wemar reyga gumaloed bela dulemar bendaggega (Génesis 22:18; Jeremías 31:31-33; 1 Pedro 2:9; Apocalipsis 5:9, 10; 14:1-3).

Cristo burgwisad iba onolealir, ¿doamar unnila nabir we madu gunmala geb vino gobmala? Bad anmar dagsad unnila dulemar igar gwabbid mesilesadgi dogsimaladbii nabir gunmaloye ar wemar nibnegse namaloedid. Bab gangued imaggoed, wemar mag iddogega emar sulesmaladi nibnegse naega (Romanos 8:16). Wemarbo igar megwismogad nabir Jesúsbo reyga arbamarmogaga (Lucas 22:29).

Dulemar nabbaneg yeer daglegedgi sadegu gudi gumaloeddina, ¿ibu imagmarmogoe? Jesús burgwisad ibasega nanamarmogad unni binsa daggega wemardi madu gunnosulid geb vino gobosurmarbalid. Jehovági sunmagmalad unnila irgwen Jesús burgwisad iba onomalad Nisán 14 gi dad argwadsad sorba. Neg dirbimaggar unnila wis isse dulemar nibnegse namaloye soged gudimar inigwale we iba bela Cristo sordagangardi nue onoleged abeleged. We ibagi Cristo sordagan ebinsadamalad bule Jehová geb Jesucristo emar sabgumai (Juan 3:16).

 

NABBI WISGUEGA

CRISTO BURGWISAD IBA EBINSALEGOED

Jesús burgwisad iba mer iemalo

Be nig gorlesimogad, be anmarbali Jesús burgwisad iba ebinsanamogaga. Aagine be durdaggoed igi nabir Jesús burgwisad be bendasmogale.