Yaba nanaid daggega

Menú baid daggega

Índice daggega

Jehovági sunmagmalad

dule

Bibliagine ¿nue igi soglenai?

 CAPÍTULO 17

¿Be wisi igi Babse gorlege?

¿Be wisi igi Babse gorlege?
  • ¿Ibiga anmar Babse goledi?

  • ¿Ibu anmar imaggoe Bab anmar iddogega?

  • Ese goler Bab, ¿igi anmar bendagge?

“Jehová bela ibmar obinyisadid ese goled anmar abemaid”

1, 2. ¿Ibiga nuedi Babse goledi, geb ibiga anmar wisgubie Bibliagi we ibmargi igi sunmagnai?

NIBNEG nabbanegbo be dagdele, nabbaneg bur eba bibbigwad. Jehovádina bela ibmar obinyissoggua neggweburmar ega dii gwagen dee bormo yagi gusayobid (Salmo 115:15; Isaías 40:15). Degi inigwale Bibliagi soglenaid: “Bab Jehová, dule ese nabbiragwadgi gordimalad bendaggega egi waliggaa gudidaed”, geb sognabalid, “dule e sabee gudimaladga ibmar abemalad ugdaed” (Salmo 145:18, 19). Be binsaena, Salmogi ibmar soglesadgi. Jehová dule dummad mai inigwale geb yeer gangubar inigwale anmargi bambamasulid, geb anmar “ese nabbiragwadgi go[lele]” anmar bendagbalid. ¡Emidi anmar bendaglesdo, nabir anmar Babse goled!

2 Auggi Jehová anmar iddoged anmar abegele, e sogedba anmar ese goler gebed. Anmar wissulile igi Babse gorleye Bibliagi soglenai, ¿igi anmar ese golosunna? Mer anmar Jehovági banguega we ibmar wisgued abeleged.

¿IBIGA ANMAR JEHOVÁSE GOLEDI?

3. ¿Ibigala anmar Jehováse goled abelege?

3 Jehová abeged anmar ese goled. Bibliagi soglenaid:  “Mer [...] surbinsa iddomar. Agga bur [...] Bab Dummadse gormar. Bela na be[mar] ibmar abediid Bab Dummadse egise, degi, dog nuedye ega [...] sogmarbar. Deyobi, Bab Dummad e ulubgi bogidig iddoged bemarga uggoed. We ulubgi bogidig iddoleged dummarbasoggu, dulemar nue aggu iddoged. We ulubgi bogidig iddoleged, bemar Cristo Jesúsgi bensulidba, be[mar] gwagegi, degi, be[mar] binsaedgi be[mar] niggunonimaloed” (Filipenses 4:6, 7). Jehová anmarga sogmasoggu anse gorye sun anmarde ese golosursi.

4. ¿Ibiga soglesale dule bali bali Babse golele, Bab ai nuedga guoye?

4 Ibigala anmar Jehováse gorbibali, ar anmar bali bali Jehováse golele bur anmar Jehová ai nuedga guoed. Ai nuegana unnila ibmar abealirbii nabo sunmagsurmalad. Na gadi binarmarsoggua na ga sogmaloed igi binsadii, ibuba buggib binsadii, igi iddodii, we ibmarbali na bela belad ai nuedga gumaloed. Anmar, Jehová ai nuedga gumogagala deyob samogar gebed. We librogi be durdasad, Jehová dule igi daedye Bibliagi soglenai geb ibu ibmar imagbaloye soglenabali. Degsoggua Bab  Dummad begardina nue maid. Degsoggu nabir be ega soged igi be binsadii, ulubgi igi be iddodii. Wegiile Bab ai nuedga be gudoed (Santiago 4:8).

IBU ANMAR IMAGGER GEBE

5. ¿Igi anmar wisi Jehová bela dule ese goler iddosuli?

5 ¿Jehová bela dule ese goler iddomadibe? Jehová Israelginmalad eba igar sabisurmaladga sogsad: “Ar gandiggidgi bemar anse gornanaile, an bemar iddogosulid. Ar bemar dulemar ibe ablis eosmalad” (Isaías 1:15). Degsoggu Bab Dummad sogedba anmar ibmar imagsulile anmar iddogosulid. Anmar iddogegala e sogedba anmar ibmar imagger gebed.

6. Bab anmar iddogegala, ¿ibu anmar imagger gebe geb igi mag daglegoe anmar egi bensuli?

6 Bab Dummad bengued abelesulid (Marcos 11:24 absogo). Apóstol Pablo narmasad: “Ar dule Bab Dummad benele, geg Bab Dummad yeer iddo imagged. Ar dule Bab Dummadse warmagbiele, nue bensulir gebed, Bab Dummad maiye. Degine, Bab Dummad dulemar e amidimalad e wisguega imagye” (Hebreos 11:6). Auggi mer anmar Bab benguegala, unnisulid unnila anmar binsaed Bab maye, anmar iddomaye, geb anmar bendagmaye. Dule nue Bab bensulile mag dagleged, e ibmar imagdiidba. Anmar gudiidba nue mag daglegoed anmar bibbisaar Bab bensurmoga (Santiago 2:26).

7. a) ¿Ibiga anmar Jehováse goddele dodoaggwa goledsuli? b) Anmar Babse goddele, ¿igi mag daglegoe anmar mag iddoge Bab bur anmarba dumma geb gwagegi ibmar naid anmar ega sogoe?

7 Babse anmar goddele anmar mag na iddogedid Bab anmarba bur dumma geb mer dodoaggwa anmar ese gorbalidid. Degsoggua Babse goddele anmar dodoaggwa ebo sunmaggosulid. Ar igi dule presidentebo sunmaggega nadele, binsa dodoaggwa ebo sunmaggosuli,  ar wisid we dule, dule dummadi. Degsoggua Jehová bur sunna, sun anmar dodoaggwa ese golosi (Salmo 138:6). Ar Jehová dule Dummadid (Génesis 17:1). Anmar Babse goddele anmar ibmar sogoedgi mag iddollegoed anmar mag iddoge Bab bur anmarba dumma. Weyob anmar ese golele anmar binsassuli yogasaar gannar gannar ega ibmar sogosulid, anmar gwagegi ibmar naidi anmar ega sogoed (Mateo 6:7, 8).

8. ¿Igi anmar Babse ibmar egidsadba daoe?

8 Bab Dummad anmar iddogega ese ibmar egismaidbali anmar dabalir gebed. Anmar Babse egissale “mas unniddibali anmarga be uda[ye]”, mas amigega anmar arbaer gebed (Mateo 6:11; 2 Tesalonicenses 3:10). Anmar Babga sogsale anmar bendagye mer ibmar isgana imaggega, anmar mer yogasaar ibmar imagger gebed (Colosenses 3:5). Bad anmar wisgussoggua igi anmar daoe Babse ibmar egissar emidi anmar wisgubaloena igi Babse gorlege.

BE WISGUBIE IGI BABSE GORLEGE

9. ¿Doasebii anmar goloe geb doa nuggine?

9 ¿Doasega anmar goloe? Jesús e sordaganga sogsad, Babse weyob gormaloye: “Anmar Bab nibneggi maid” (Mateo 6:9). Degsoggu unnila Jehovásebii anmar goloed. Auggine Bab abebalid mer anmar iegedi e Massi Jesucristo dule dummad gumoga. Igi capítulo 5 gine anmar durdasa, Jesús barmilearye Nabbanegse anmar ular burgwega, isguedgi geb burgwedgi anmar bendaggega (Juan 3:16; Romanos 5:12). Degsoggu Jesús anmar dummadid geb Juezbalid (Juan 5:22; Hebreos 6:20). Ar Bibliagi soglenaid, anmar, Jesús nuggi Babse goloye. Jesús sogsad: “Anbi unnila Bab Dummadse be sedoed. Ani an nabbiragwadid, degine, dula gudi gued  angi daniggid. Dule angi nasulile, geg Bab Dummadse warmagged” (Juan 14:6). Jehová anmar iddogega unnila anmar Jehovásebii goler gebed e Massi nuggi.

10. ¿Ibigala unnila siirbi Babse gorlesuli?

10 ¿Igi anmar sigoe Babse golega? Jehová sogsulid anmar ese golegala saggwa obinmaggwis guoye. Bibliagi soglenaid nabir anmar Babse gorye, sii, gwissi, yoggorgi sindigar siidibe (1 Crónicas 17:16; Nehemías 8:6; Daniel 6:10; Marcos 11:25). Degsoggu bur nue abeleged ese gorsiile, igi anmar gwage binsanai. Geb nabir anmar gwagegi binsasii ese gorbalid anmarga uggiar neg aggar gualir, anmar ibmar imagnairdibe. Sun dulemar anmar iddogosulid anmar Babse gorsiir auggi Jehovádina anmar iddomaoed (Nehemías 2:1-6).

11. Babse godder, ¿ibu ibmar anmar na nabir egise?

11 Babse godder, ¿ibu anmar egisoe? Bibliagi soglenaid: “Ar anmar weyob Bab Dummadgi bensulid: Ar anmar e sogedba ese ibmar egissidele, Bab Dummad anmar iddoged” (1 Juan 5:14). Degsoggu yogsaar nabir anmar Babse ibmar egised auggi, e sogedbalir gebsunnad. ¿Bab abedibe anmar buggib binsadiir ega sogedi? ¡Gwendina! Jehováse goledi, ai nuedbo sunmaggedyobid. Igi anmar neg iddodii nabir bela anmar ega soged (Salmo 62:8). Nuedid anmar Babse e gangued egisedi, ar weedi anmar bendaggoed ibmar nued imaggega (Lucas 11:13). Nabir anmar Babga sogbalid, anga wis binsaed ugye igar nuegan suega, geb neg beedse gualir mer bai iddobaliga (Santiago 1:5). Anmar e igargi yolesale, anmar nabir ega sogbalid, Jesús burgwisad nuggi wis anmarga ieye (Efesios 1:3, 7). Auggi Babse godder mer anmar unnila anmarginbii binsabalidid. Anmar binsabalidid anmar gwenadgan sunnagangi geb anmar gwenadgan Cristo sordagangi (Gusmalad 12:5; Colosenses 4:12).

12. ¿Ibu ibmar inso be egisdele, mag daglege bur Bab ibmargi be binsadae?

 12 Anmar Jehováse goddele, bur anmar binsagoloed Jehová ibmargin inso. Ar buggidar Jehová anmarga ibmar ugmasoggu sun e nug odummolesur guosi, sun nuedye ega soglesur gubalosi (1 Crónicas 29:10-13). Mateo 6:9, 13 (absogo) segadgine Jesús sogsad igi Babse gorlegoe. Aagine soglenaid egisoye mer Bab nug oisgulesan gadinye. Geb sorbali soglenabalid Bab Reino we nabbanegse ibmar imagdamoye nibneggineyobi. Jehová ibmargi sunmaglesad sorbali, geb Jesús sogsad na bemar ibmar abeged egismarmogoye. Anmar Bab ibmar inso egisdele mag daglegoed anmarginbii anmar binsasuli.

13. ¿Bule undar sugu Babse gorleye Bibliagi soglenai?

13 ¿Bule suiddi anmar Babse goloe? Bibliagi soglenasulid be walagwen babse gorsiile, emar abargindibe bule sugu be goloe. Sun be mas gusoggalir unnila isse Babse goled, sulirdi, be undar nabir walagwen Jehováse gorsi saed (1 Samuel 1:12, 15). Degi inigwale Jesús sogsad, melle dulemar begi binsaega be bur dule nuedye, melle undar Babse gorgwis guoye yamo dulemar be daggega (Lucas 20:46, 47). Wegiidi Jehová nued dagsulid, bur nued dagged anmar gwagegi ibmar naidi anmar ega soged. Degsoggua ibu anmar abege geb igi anmarga neg gunai aabar sunnad.

Bia gudii anmar Babse goddele, anmar iddogoed

14. Bibliagi soglenaidi, ‘Babse gordii nanamalo’, ¿ibu obare, geb ibu wisgusadba emidi be yeer iddogedi?

14 ¿Bule bali bali Babse gorlegoe? Bibliagi soglenaid: ‘Babse gordii nanamalo’, “Bab Dummadse gordigu [...] imagmar” geb “bali bali Bab Dummadse gordii be[mar] gumar” (Mateo 26:41; Romanos 12:12; 1 Tesalonicenses 5:17). We soglesulid anmar muddiggudoye Babse gorsiidbi. Bane bane Jehováse gordii gued obared. Nuedye  ega sogega anmar aggwemaidba, ese egisbaliga anmarga binsaed ugma saye, anmar bendagmai saye mer buggib binsadii guega geb anmar ogannobaliga. Emidi anmar yeer iddoged wisgusadba Jehová abege anmar ese bali bali gordi gued. Anmar, Bab Dummadbo sunmagged yeer iddomogale, bibbisaar anmar ese gorsuli guosulid.

15. ¿Ibiga anmar walagwen Babse godsad sorba geb, buraggwa godsadgindibe sogedi “amén”?

15 ¿Ibiga anmar Babse godsad sorba sogdaoe, “amén”? Amén soglegedi obared, “deyob guo”. Bibliagi soglenaid anmar Babse godsad sorbali “aménye” sogele nuedye (1 Crónicas 16:36; Salmo 41:13). Anmar wargwengi Babse godsad sorbali sogele “aménye”, anmar sogsiid inniggigwadba an sunmagsiiye. Bular anmar Babse godsad sorbali bela anmar aménye sogele, anmar sogbuggwad ibmar soglesad nued anmar iddosye, anmar eba namoye (1 Corintios 14:16).

ANMAR BABSE GOLER, ¿IGI ANMAR BENDAGGE?

16. ¿Igi anmar wisi anmar ese goler Jehová anmar iddomadae?

16 ¿Anmar Jehováse godsale, nabir anmar bendasardibe? ¡Gwendina! Millónba dulemar ese gordidiid Bab Dummad iddomaid geb bendas dabalid, ar Bibliagi soglenaid ‘dulemar ese goled iddogedye’ (Salmo 65:2). Jehová ibmar soggwenna imagsulid anmar bendaggega.

17. ¿Igi anmar wisi dule ese godsad bendaggega Jehová e ángelmar barmisdae geb e sordagandibe?

17 Dule Jehováse bendagged egisele Jehová e ángelmar barmiardaed bendaggega, sulirdi, dulemar ega arbadimalad barmiardaed (Hebreos 1:13, 14). Buggidar dulemar Babse godsadamalad Biblia durdagbiedba, godsad  sorba Jehová sordagan ese dani daggardamalad. Weyob ibmar guedba mag dagleged ángelmala Reino igargi sunmaglenaid idudimala (Apocalipsis 14:6). Anmar nue ibmar sadde gusiidgi Jehováse goddele, Jehová sun gwenad wargwen barmidaged anmar bendaggega, degsoggu mag dagleged, anmar, Jehovás golele anmar iddomadaed (Proverbios 12:25; Santiago 2:16).

Anmar, Jehováse ibmar egidsale sun e sordagan barmidaged anmar bendaggega

18. ¿Igi Jehová anmar bendagdae e ganguedba geb e gaya burbagi?

18 Jehová e ganguedbali dulemar bendagbalid geb  Biblia ebubalid dulemar bendaggega. Neg undar gunaidgi anmar ese goddele, Jehová anmarga e gangued uggoed anmar ogannogega geb anmarga binsaed nued ugbaloed (2 Corintios 4:7). Anmar Bab Dummadse goddele, binsaed nued amigega, Jehová imagged Bibliagi anmar binsaed nuegan amigega. Sun anmar Biblia absosiile, garda bamalad absosiirdibe, anmar dagdagoed nabir wegi ibmar sognaid anmar bendasale. Deginbali sun anmar ebinsadabaloed Bibliagi ibmar soggwengi igi sunmagnai. Sun anmar igar iddoged neggi siidgine we ibmargi sunmagledabaloed, sulirdina, gwenagan idudimogadi nued anmargi binsaedba anmarga binsaed dagdagoed (Gálatas 6:1).

19. Jehová abgayala anmar bendagsuliyob daglegele, ¿ibu mer anmar iegedi?

19 Inbaggwa dagledaed anmar ese godsar Jehová abgayala anmar bendagsuliyob, auggine soglesulid anmar bendaggosurye. Anmar ieged abelesulid, Jehovádina wisid igi anmar bendaggoe, geb sanawa anmar bendagbaloe, Jehovádina wisbalid, ibu anmar abege, geb igi yeer iddo anmar imasbalile. Sunna anmar ibmar egisna egisna gued, ibmar amina amina guodibe geb we bin  wagag ogornaiyob anmar guodibe (Lucas 11:5-10). Degi anmar imaggele mag daglegoed anmar nue we ibmar abege, geb anmar bibbisaar Jehová bensurbali. Sun anmar aggu iddogoed igi Jehová anmar bendagmai. Sun anmarga neg beedse gualir Jehová abgayala anmarga neg nudaggosulid, auggi anmar ogannogoed mer anmar galagguega (Filipenses 4:13 absogo).

20. ¿Ibigala anmar bane bane Babse goledi?

20 Jehová bela ibmar naid obinyisadid, geb iddomabalid doamar e sogedba ese gordidii, degsoggu sun nuedye ega soglegosursi (Salmo 145:18 absogo). Aagala Jehováse goled ieged abelesulid. Anmar Jehováse bane bane gordaele e ai nuedga anmar guoed, ar dulemar ese goler Iddogedid.