Yaba nanaid daggega

Menú baid daggega

Índice daggega

Jehovági sunmagmalad

dule

Bibliagine ¿nue igi soglenai?

¿Bab abegena weyob neg guedi?

¿Bab abegena weyob neg guedi?

BE TELEVISIÓN daggalir, periódico absoalir geb radio iddoalirdibe, ¿igi neg gunai be iddoardae? Iddolleardaed addursamalad yaisuli, urwedi, geb emar oburgwemaladi. Emisgi be binsamogana igi beg neg gunamoga. Sun be wile iddodiiled boni niggadba, be gwenad wargwen burgwisadbardibe. Ebbenne Job deyob iddodii gusmogad, sogsad: “Nunmaggedba an galiddodiid” (Job 10:15).

Sun be egisdagoed:

  • ¿Bab Dummad abegena anmarga weyob neg guedi?

  • ¿Doa an bendaggoe anga neg beedse gualir?

  • ¿Ibagwengi nabbaneggi urwed surgunoniggodibe?

Bibliagi nabir be we ibmar durdagged.

 BIBLIAGINE SOGLENAID NEG NUGUOYE.

‘Bab dulemarga bela ibyanis eligoed. Dulemar bar burgosurmalad. Boed obelobaloed, buggib iddoged obergubaloed. Nunmagged bar iddogosurmarbalid.’ (Apocalipsis 21:4)

“Dule[mar] muya muyamalad, goe sabburyob issomagge gumaloed.” (Isaías 35:6)

“Dulemar aggu addagmalad magar addagdemaloed.” (Isaías 35:5)

 “Burgwar mamaid [...] gannar durgunonimaloed.” (Juan 5:28, 29, TNM)

“Dule gwensag sogosulid: ‘An uweleye’.” (Isaías 33:24)

“Bela nabbamargi, ibmar gwag gullemalad buggidar niggu[oed].” (Salmo 72:16)

 BIBLIA DURDAGGED IBMAR NUEDID

Mer doga doga sogo página 4 geb página 5 gine ibmar soglenaid geg guye. Ar Bab Dummad sogsad neg nuguoye, geb Bibliagi soglenamogad igi neg nugononiggoe.

Anba Bibliagi soglenabalid, igi anmar nabir emi ibagi yeer iddodii gusale. Emisgi be binsamogana igi beg neg gunamoga. Sun be maniba oaggudiiled, boni niggadbardibe, be ibe gwenad burgwisadbardibe. Biblia nabir be bendagged bega deyob neg gualir. Geb Bibliagine anba sognabalid:

  • ¿Ibigala anmar wiledii?

  • ¿Igi anmar dogdar buggib binsadii gussulile?

  • ¿Ibu anmar imaggoe neg yaggi yeer iddodii guega?

  • ¿Igi anmar burgwisar gusdae?

  • ¿Ibagwengi anmar gwenagan burgwismalad gannar anmar daggodibe?

  • ¿Ibigala anmar bensuli Bab Dummad ibmar imaggoedgi?

 Be we libro absosiidba mag dagleged be wisgubie, nue igi Bibliagi ibmar soglenai. We libro be bendaggoed be durdaggega. Nue daggo párrafo absomaid irbali urba egislenanaid. Millónba dulemar nued dagdaed Jehovági sunmagmalad weyob emar odurdaggedi, be nued dagsamogangadina. Anmar abeged Bab Dummad be bendaggedi be durdaggega nue Bibliagine igi ibmar soglenai.