Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

115: Napaneg gannar yeer dakle guoe

115: Napaneg gannar yeer dakle guoe

BE DAKE sapi dummagana, dutu yeer daklemaladi geb yar dummagan. Yeer dakle nanasursi ¿nabiri? Be dake, moli machi bipi argangi mas manaid. Leónmar be dakbali geb molimar gunanaidi. ¿Wegi neg daklegedgi be gudisabie?

Bab Dummad abege be sadegu Napaneg gine gudisaedi, neg yeer dakleged gine, aa gindina emisgwa dulemar ibmar nunmaked itoged, bar itollegosuli. We ibmar guoye Biblia soge gannar neg yeer dakle guoedgi gudisamaloedga. ‘Bab Dummad emarbo gudiguoe. Bar nikguosuli burgwed, boed geb ibmar nunmaked. Ibmar iduar gusmalad bat nasmala.’

Jesús we ibmar nuegan guoed imakoe. ¿Be wisi sanawa guoe? Eye, bela Napaneg isgunaid nudasad sorbali geb bela dule isganagan obelosad sorba. Ebinsao, Jesús Napaneggi gudigusgua bela dule uelemalad onudasad, geb amba gannar abar dulemar burgwismalad odulosbalid. Weyob oyosa Bab Dummad e reino Reig gusar, we ibmarmar bela Napaneggi imakoedi.

Nue be itogena, ¡ibiyob nued guoe gannar neg yeer dakle guoedgi gudisaedi! Jesús abar e sordagan susa nibneggi eba neg semai gumarmogaga. Belagwable dulemar Napaneggi gudigumaloed ibmar abegedi, aamarga ukmai gumaloe geb imakmarbaloe bergwable dulemar yeer itodii gudigumaladi. Anmar dakoena ibu anmar imaker gebe Bab Dummad anmarga gannar neg yeer dakle imakoedgi sadegu gudigued gala.

Revelación 21:3, 4; 5:9, 10; 14:1-3.

Neg yeer dakleged


Egislenaid

  • Bibliag soglenai yobi, ¿igid Neg Yeer Dakleged gine anmar gudisaoe?
  • ¿Ibu ibmar guoye Bibliag soglenai, dulemar Neg Yeer Dakleged gine gudigumaloed gala?
  • ¿Sanawa Jesús imakoe we ibmar nuegan guedi?
  • Jesús Napaneggi gudigusgu, ¿ibu ibmar imasa, oyogega Bab Dummad e Reino Reig gusale we ibmarmar imakoe?
  • ¿Ibu imakmaloe Jesús geb ebo nibneggi neg semaloedi?

Bamalad egislenabalid

  • Absoge Revelación 5:9, 10.

    ¿Ibig anmar nue wisi Bab Dummad e Reino Birga Miligwenadgi neg idumaloedi geb wemar sacerdoteg gumarbalosoggua, mag anmar itomaloe geb wile anmar dakmaloe? (Efe. 4:20-24; 1 Ped. 1:7; 3:8; 5:6-10.)

  • Absoge Revelación 14:1-3.

    ¿Ibu obare 144,000 mergu dulemar e bebe gine Bab nuga geb Cordero nuga narmakar naidi? (1 Cor. 3:23; 2 Tim. 2:19; Rev. 3:12.)