Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

114: Bela ibmar isgana berguoed

114: Bela ibmar isgana berguoed

¿WEGINE ibu be dake? Dulemar urwemaladi moli sipugangi danimalad. Aukine be dakena bia nodanimala. ¡Mogir imbab binnasur molimar abarmakdanimala, nibneggi danimala! ¿Molimar nibneggi nika?

Jesús reiga gusad

Suli, wemala moli sunsoged surmala. Ar molimar geg mogir birgi abarmakmalad, ¿nabiri? Aukine molimar nibneggi gudiiye Biblia sognai. ¿Be wisi ibigala?

Epenne molimar yeer urwedgi ebulesa. Degsoggu Biblia sunmaknai dulemar nibneggi moli gine aidedanikidgi, Bab Dummad dulemar Napaneg ginmaladbo urwenaye oyoge gala. ¿Bia urwelegoe? Armagedón gine, geb bela Napaneggi ibmar isgana nikadi obelogoe.

Jesús Armagedóngi urwed Idugoedi. Ebinsao Jehová, Jesús susa E gobierno reig guega. Aag Jesús or gurgin sii. Espada ganikid gine oyoge, bela dulemar Bab Dummad istarmalad oburgoye. ¿Geg anmar ito guedi Bab Dummad bela dule isganamar obelogoye soggua?

Sunmaked 10 gannar be amie. ¿Aag ibu be dake? Dii Dummad wisadi, dule isganamar ogilosadi. ¿Doa Dii Dummad owisa? Bab Dummad Jehová. Emisgi Sunmaked 15 gannar be dake. ¿Weg ibu ibmar gunai? Jehová, Sodoma neggwebur geb Gommorra neggwebur soo gine obelonai.

Emisgi Sunmaked 33 gannar be egabali. Be dake igi gunanai Egipto ginmalad e molimala geb emar carro urwedga ebusmaladi. ¿Doa imasa dii emar birgine aryoged gala? Jehová. We ibmar imasa e neggwebur bendakega. Sunmaked 76 gannar emisgi be amibali. Aag be dakoed igi Jehová e neggweburse bakale isgusmalad bali obelolegeg imasa.

Aag geg anmar ito guedsuli Jehová na anger bukib barmidagoye soglegedi, Napaneggi neg isgusgunaid obelogega. ¿Igi sorbardi guoe? Anmar dakoena, we garda be egae.

Revelación 16:16; 19:11-16.



Egislenaid

  • ¿Ibig Biblia gine sunmaknai moli nibneg gine gudiiye?
  • ¿Igi nuga Bab Dummad dulemar isgana Napaneg ginmaladbo urwoed iba, geb ibig urwelegoe?
  • Sobaledgi be dake, ¿doa we urwed idugoedi, ibig or gurgin sii, geb ibu obare espada ganikidi?
  • Sunmaked 10, 15 geb 33 ebinsachundibe, ¿ibig anmar geg ito gued suli Bab Dummad dule isganamar obelogoye soglegedi?
  • ¿Igi oyolege sunmaked 36 geb 76 gine, Bab Dummad amba obelobaloe dule isganamar amba ese gorye sogmala inigwale?

Bamalad egislenabalid

  • Absoge Revelación 19:11-16.

    ¿Igi nue Biblia gine oyolenasunna moli sipu birgi siidi, Jesucristo? (Rev. 1:5; 3:14; 19:11; Isa. 11:4.)

    ¿Igi Jesús mor abebii daklegedi oyosunna, e istarmalad gine nakoe? (Rev. 14:18-20; 19:13.)

    ¿Doamar sun dogsimarmogale moli sipu gine Jesúsba nadapmalad bali? (Rev. 12:7; 19:14; Mat. 25:31, 32.)