Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

75: Masmala ebake Babiloniag gudii

75: Masmala ebake Babiloniag gudii

REI Nabucodonosor, Babilonias Israel dorgan bur nue odurdaklegarmalad sesa. Geb sorbali, egwasa sapingan bur yeer daklemaladi, geb yeer ibmar wismaladi. Sobaledgi, warbake aamala be dake. Wargwen nuga Daniel, geb baigan sapingan warbaagwaddi, Babilonia dorgan onugsasmala Sadrac, Mesac geb Abednego.

E neg yagine arbamalad gala Nabucodonosor we sapingan odurdakbie. Birgabaa gusale, geb egwabaloe sapingan bur yeer ibmar wisi gumaloedi, e bendakmala gala igar soggwen aburnair nudaked gine. Nabucodonosor abege we sapingan dutusur gumaladi, degsoggua, e gwenadgan mas igiidi gunne geb e dulemoga mas igiid gunmoga, mas aa giidi we sapingan gala ukmaloye igar mesisa.

Daniel, Sadrac, Mesac, geb Abednego e ibmar wisid soggwigwichid

Daniel be dakena. ¿Be wisi igi Aspenazga soggwichi? Aspenazdi Nabucodonosor e maigan e dummadi. Daniel we duleg soge, budar rei mesegi mas yeer gullemalad bukwadi gunye. Aukine, Aspenaz suritoge igi saer gebe. Soge: ‘Rei igar uksad bemar ibu ibmar gunnoe geb ibu gobmaloe. Ar bemar baigan sapingan yobi nued daklesurmalale, sun an oburgweleged.’

Aspenaz guardia onugsasa, Danielgi nakulegega geb e aimar warbaagwadgi nakulebaliga. Geb Daniel we guardiaga soge: ‘Be anmar wilup dako, 10 día wilup. Be anmarga ibmar gagangimaladbi gunneg uko, geb dii gobega. Degidgi, be anmar wilup dako bamalad sapingan rei mas gunmaladbo, geb be dakoe doa bur nued daklego dibe.’

Guardia soge, degir nabirye. Geb 10 día gusgua, Daniel geb e aimar warbaagwadi bur nued daklearmala bamalad sapinganba, degsoggu, ibmar gagangimaladbi nabir gundii imaklesmarsunna, rei mas ukmaid anar.

Birgabaa gusgua, bela sapingan selesmala rei Nabucodonosorse. Geb wemarga sunmasad sorbali, rei Nabucodonosor daknoniki, Daniel geb e aimar warbaagwadi bur yeer ibmar wismala. Agala e neg yagi sedii imasa e bendakmaladga. Geb rei ibmar egichalile, degine, neg aburnai soggalile Danielga geb Sadrac, degine, Mesac geb Abednegoga, dakleardamala sacerdotemarba geb reig binsaed dakmaladba bur bule ibmar wismala.

Daniel 1:1-21.



Egislenaid

  • Masmala warbake sobaledgi be dakedi, ¿doamala, geb ibig Babilonia gine gudimala?
  • ¿Nabucodonosor ibu igarmar iduakwa amisa we masmala gala, geb e maiganga ibu igar uksa?
  • ¿Ibu ibmar gunne gala geb gobe gala Daniel egicha, e aimar warbaagwad gala geb e gala?
  • Ibambe ibmar gagangimalad gundigusad sorbali, Daniel geb e aimar warbaagwadi, ¿igi daklemala baigan sapingan bogwa wilup daklearmargua?
  • ¿Ibig rei neg sega, Daniel geb e aimar warbaagwadi selesmala, geb ibu gine bur obine daklearmala sacerdotemar gine, geb rei gala binsaed dakmalad gine?

Bamalad egislenabalid

  • Absoge Daniel 1:1-21.

    ¿Ibu ibmar imaked gine anmar alamaker gebe, mer ibmar isgana bali binsaed galegega, geb anmar mag na itogele ibmar isgana soggwen binale, ibu anmar imaker gebe egi obinega? (Dan. 1:8; Gén. 39:7, 10; Gál. 6:9.)

    ¿Igi nusganamar sun abar dulemar ibmar ‘nueganyob’ daked sega wilup daklesmalale, masmala warbakegwad wilup daklesayob? (Dan. 1:8; Pro. 20:1; 2 Cor. 6:17-7:1.)

    Masmala warbakegwadgi Bibliag sunmaklenaid gine, ¿igi anmar odurdake universidadgi doged siki? (Dan. 1:20; Isa. 54:13; 1 Cor. 3:18-20.)

NABBI WISGUEGA

An garda Bibliag sunmagged

79: Daniel leónmar abargine

An garda Bibliag sunmagged

77: Bipisaar sindigar sigichurmala