Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

72: Bab Dummad Ezequías bendasa

72: Bab Dummad Ezequías bendasa

¿BE WISI ibig we dule Jehovás gorsii? ¿Ibig we gardamar Jehová aila asabin mese mese imasa? Nuga Ezequíasye. Israel reino gwabo neggwebur ganikid rei. Emisgi neg beechegid egi daniki. ¿Ibigala?

Rei Ezequías Babse gorsiid

We iduale Asiria dorgan, reino 10 mergu neggweburmar ganikid bat obelosmala. Jehová wemar bendachuli, ar e dulemar isganamalanad. Emisgindi Asiria dorgan reino gwabo neggweburmar ganikid bina sogdanimala.

Asiria e rei, gardamar rei Ezequías sega barmisa. We gardamar rei Ezequías, Bab Dummad aila asabinni mese mese imasa. We gardamar Jehovág dodoakwa sunmaknai, geb Ezequíasga sognai, be sikirmakye. Agala, Ezequías Bab Dummadga weyob soge: ‘Jehová, be anmar bendake Asiria e rei danikidgi. Adi bela neggweburmar wisgumaloed, be bii unnila wargwenna Bab Dummadga guye.’ ¿Jehová itogo be binsae?

Ezequías rei nuedi. Israel reino 10 mergu neggweburmar ganikidgi reimar isganamar megisad yobi dasuli, degine, amba e bab rei Acaz yobi dasurbali, rei isgana gusmogad. Ezequíasdi bela Jehová igarmar mamaidba nuekwa nanadii gusa. Agala Babse goled bergusgua, Jehová gaya berbeged Isaíasye nugadi, gaka barmisa ega soge gala, Jehová weyob sogye: ‘Asiria e rei Jerusaléngi dogosuli. E soldadomar wargwensaale egi walika guosuli. Neggweburgi flecha soggwensaale miosurmala.’

Sobarnaidgi be dakena. We soldadomar burgwar mellemamaidi, ¿be wisi doamala? Asiria dorgana. Jehová na anger barmisa, geb ibagwen abalakwa mutikidba, 185.000 mergu Asiria dorgan ese oburgwilesmala. Degsoggu, Asiria e rei na negse nachunna.

Asiria soldadomar burgwis omiledmalad

Reino gwabo neggweburmar ganikid bendaklesa, geb neggwebur neg boogwad wis nikgusa. Auki Ezequías burgwisad sorbali, e machi Manasés reig megnoniki. We rei Manasés, geb sorba e machi Amón, reig megismogadi, rei isganaganga gusmala. Agala neggwebur gine ibmar isgana imaklegedi merguchunna geb na sabsur imakmalad mergudbali. E maiganga gudimalache rei Amón oburgwilesgua, sorbali e machi Josías reig megnoniki, reino gwabo neggweburmar ganikidgi.

2 Reyes 18:1-36; 19:1-37; 21:1-25.



Egislenaid

  • Sobaledgi dule be dakedi, ¿doawa, geb ibigala neg beechegid egi daniki?
  • ¿Ibu gardamar Ezequías, Bab asabin mesisa, geb ibu Babse egicha?
  • ¿Ezequías rei igi daedi, geb Jehová igi ega gaka barmiali Isaías bali?
  • Sobaled be dake, Jehová anger ¿igi Asiria dorgan imasa?
  • Reino gwabo neggweburmar ganikid neg boogwad wis nikgusa inigwele, Ezequías burgwisad sorba, ¿igi neg gude?

Bamalad egislenabalid

  • Absoge 2 Reyes 18:1-36.

    Rabsaqué, Asiria neggwebur nuggi sunmakeg barmilealidi, ¿igi Israel dorgan gine alamaknai guali Babgi bengumalaga? (2 Rey. 18:19, 21; Éxo. 5:2; Sal. 64:3.)

    ¿Igi Jehovág sunmakmalad, Ezequías yobi damarmoga e istamarmalad abin imakalir? (2 Rey. 18:36; Sal. 39:1; Pro. 26:4; 2 Tim. 2:24.)

  • Absoge 2 Reyes 19:1-37.

    Neg beeche gualir, ¿igi Jehová neggwebur Ezequías yobi dae na oyomogoe? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

    ¿Igi irbaa rei Senaquerib galakgusa, geb emi ibagi doa Senaquerib sunnagwad gudiiye Biblia gine soglenai? (2 Rey. 19:32, 35, 37; Rev. 20:2, 3.)

  • Absoge 2 Reyes 21:1-6, 16.

    ¿Ibig nabir soglesale Manasés bur rei isgana gusmoye, Jerusalén gine mai gusmogua? (2 Cró. 33:4-6, 9.)