Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

71: Bab Dummad neg yeer dakle imakoe

71: Bab Dummad neg yeer dakle imakoe

JEHOVÁ weyob neg dakleged Isaíasse oyosar gebed. Isaías, Jehová gaya berbegedgi arbasa. Isaías gudigusa, Jonás gudigusad sorba.

Dulemar neg yeer daklegedgi bukamalad

¡Ibiyob neg yeer daklege!, ¿insoa? ¿Be ebinsae weyob neg dakleged we gardag be daksa balidi? Eye, neg yeer dakleged Jehová imasadi Adán gala geb Evaga, ¿insoa? Auki, ¿nabir bergwable Napaneg weyob dakle gusale?

Jehová, e gaya berbeged Isaíasye nugadga sogsa narmakye gannar neg yeer dakle imakoechik e neggweburga. Sogsa: ‘Lobomar, ovejamarbo urwed suli na burakwa gudigumaloe. Becerromar geb león mimmigan na burakwa mas mananai gumaloe, geb mimmigan e dakedga gumaloe. Amba goe bela, naibe nue boni nikad walika dodonai sogele, akar guosuli.’

Bukidar dulemar sun sogsale: ‘Wed sun guosi, gusgu Napaneggi neg beechegidi daniguad, berguosulid.’ Aukine be binsaena, ¿Bab Dummad neg igi daklegedi Adánga geb Evaga uksansunna?

Bab Dummad neg yeer daklegedgi Adán, Evabo ogwichisana. Ar Bab Dummad sogedba gudii guchurmarsoggua, na neg yeer dakleged oyokusmarsunna, degine, sered gudmala geb burgwismala. Bab Dummad soge, Adán Evabo ibmar oyokusmalad gannar ibmar degimaladi imakbaloye, dulemar egine sabed nikmaladga.

Gannar neg yeer dakle gunonikoedgi, ibmar soggwen neg oichogedi nikguosuli. Neg boogwadi nagunonikoe. Bergwable dulemar bonigan bar itogosurmala geb yeer itodii gumaloe, ar igi Bab Dummad gebeun abesana. Sorbali anmar durdakoe igi Bab Dummad nabir we ibmar imakoe.

Isaías 11:6-9; Revelación 21:3, 4.



Egislenaid

  • ¿Isaías doawa, ingu gudigusa, geb Jehová ibu ese oyosa?
  • Weyob neg dakleged, ¿ibu neg ebinsaeg be imake?
  • Jehová, Isaías gala ¿ibu narmakoye sogsa, gannar Neg Yeer Dakle imakoechik?
  • ¿Ibig Adán, Evabo, neg yeer dakleged oyokusmala?
  • Dulemar eg sabed nikmaladga, ¿bu ibmar imakoye Jehová soge?

Bamalad egislenabalid

  • Absoge Isaías 11:6-9.

    Bab Gaya Burba gine, ¿igi soglenai dulemar, ibmar durganbo neg boogwad nikuoed siki, neg nued danikoedgi? (Sal. 148:10, 13; Isa. 65:25; Eze. 34:25.)

    Isaíasgi soglesad yobi, emi ibag Jehová neggwebur yaggi, ¿igi dulemar gwagmamai? (Rom. 12:2; Efe. 4:23, 24.)

    ¿Doa nug odummolegedi, emi ibag geb yoo neg nued danikoedgi dulemar daed nugumai guoedba? (Isa. 48:17, 18; Gál. 5: 22, 23; Fili. 4:7.)

  • Absoge Revelación 21:3, 4.

    ¿Igi Bab Garda gine sognai, Bab Dummad Napaneggi dulemarba gudiguoye soglegedi, emar idumai guoed obare, sanar gudiguoed suli? (Lev. 26:11, 12; 2 Cró. 6:18; Isa. 66:1; Rev. 21:2, 3, 22-24.)

    ¿Igi itogedba anmar boedi geb igi itogedba anmar nunmaked obelolegoe? (Luc. 8:49-52; Rom. 8:21, 22; Rev. 21:4.)