Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

67: Josafat, Jehová bensuli

67: Josafat, Jehová bensuli

¿BE WISI we machergan doamala geb ibu imaknadapmala? Urweche nadapmala, geb machergan idumamaiddi namaknadapmala. Sun be binsasale: ‘¿Ibigala urwe gala namaknadapmalad dina espadamar semasurmala geb lanzamar semasurmar bali?’ Anmar dakoena ibigala.

Israel dulemar urwenadabmalad

Josafat, Israel reino neggwebur gwabo ganikidgi reig mai unni, rei Acab, Jezabelbo reino neggwebur 10 mergu ganikidgi neg dakmamoga. Aukine Josafatdi rei nuedi, geb e bab Asa nugadi, amba dule nued gusmoga. Degsoggu birgaba reino neggweburmar gwabo ganikid nueganbi gudigusmala.

Emisgindi ibmar soggwen gunoniki, geb aulale dulemar dobgubukwa. Gaka berbemaladi Josafatga sognonimala: ‘Urwemalad bukib begi duurmakdanimala, Moab neggwebur ginmaladi, Amón neggwebur, geb Seír yar ginmaladi.’ Bukidar Israel dorgan Jerusalénse ambakgunonimala, Jehovás bendaked egisega. Jehováse goled neg siiche nadmarsunna, geb agine Josafat Babse gocha: ‘Jehová, bedi anmar Bab Dummadi, anmar wichuli igi anmar saer gebe. We bukib urwemalad duurmakdanimalad abinni anmardi geg gue. Be anmar bendake.’

Jehová itosa, geb imasa dule wargwen neggweburga sogedi: ‘We urwedi bemargad suli, Bab Dummad gadi. Bemardi urwosuli. Unnila bemardi dakoe, geb bemar dakoe igi Jehová bemar bendakoe.’

Degsoggu oibosgua wakdaryala Josafat neggweburga soggali: ‘¡Mer Jehová bengumalo!’ Geb urwemalad idu, namakmalad obukgusa, wemardi namaknadapmala Jehová nug odummogedgi. ¿Be wisi igi ibmar gusa urwega owarmakbinmargu? Jehová imasa e sordagan istarmaladi aka na abin abin urwemalaga. ¡Geb Israel dorgan owarmasmargua, bergwable e istarmalad burgwar melledidii!

Josafat, Jehová benguchulidba nue binsaed ibed na oyosa, ¿insoa? Anmar deyob imakmogale, binsaed ibed gumogoe.

1 Reyes 22:41-53; 2 Crónicas 20:1-30.


Egislenaid

  • ¿Doawa Josafat geb ingu gudigusa?
  • ¿Ibig Israel dorgan dobgusmala, geb bukidar ibu imasmala?
  • Josafat, Jehovás gochagu, ¿Jehová ibu imasa?
  • Urweleged iduale, ¿Jehová ibu ibmar imasa?
  • ¿Ibu anmar Josafat gine durdake?

Bamalad egislenabalid

  • Absoge 2 Crónicas 20:1-30.

    ¿Igi Josafat (Jehosafat) oyosa, Babga arbamalad ibu imakmalar nuedi e akalobimalar? (2 Cró. 20:12; Sal. 25:15; 62:1.)

    Jehová na neggweburbo sunmakeg gusgu igar amisdae, emi ibag ¿igi igar amisbali? (2 Cró. 20:14, 15; Mat. 24:45-47; Juan 15:15.)

    Bab onode sogele “Bab Dummad Bur Yeer Gangued Nikad e urwed iba”, ¿igi Josafat (Jehosafat) ibag ibmar gusad yobi anmarga neg gumogoe? (2 Cró. 20:15, 17; 32:8; Rev. 16:14, 16.)

    Leví mimmigan ibmar imasad yobi, ¿igi precursormar geb misioneromar, bela neg dirbimakar Bab igar onasoged gine arbananamoga? (2 Cró. 20:19, 21; Rom. 10:13-15; 2 Tim. 4:2.)