Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

57: Bab Dummad David onugsasa

57: Bab Dummad David onugsasa
David oveja bendasad

¿BE DAKSA ibu ibmar gusa? We machigwa oveja mimmi bendasa. Oso, oveja mimmi gunneg sesana. Aukine, we machigwa balimaksa, geb un oveja mimmi gulleged naga gunai, bendasa. ¡Geb oso gwichi guargua, machigwa abin imasa, geb oburgwisa! Ibagwengi leónmar, oveja sesa gusmoga, geb we machigwa, oveja bendasbali. Machigwa we ibmar imakeg dobed sater gebed, ¿insoa? ¿Be wisi, we machigwa doawa?

We machigwa nuga David. Belén neggweburgi gudigusa. E dador nuga Obed, geb Obed e nandi nuga Rut, geb Obed e babdi nuga Booz. ¿Be we dulemar ebinsae? Degine, David e bab dina nuga Jesé. David, e babga ovejamar akwedgi arbae. Jehová, Saúl reiga onugsasad sorbali, 10 año gine David gwalulenoniki.

Undar ibamar nanasadgi Jehová, Samuelga soge: ‘Aceite yeer yapanned be sue, geb Belén neggweburse be nao, Jesé neg yase. E machi wargwen an susa, reig megega.’ Samuel, Jesé e machi saila gined Eliabye nugad dakargua, binsasa: ‘Weer gebed.’ Aukine Jehová ega sogsa: ‘Mer e dunguedgi be atako, geb mer e dakleged be dakbalo. An we dule suchuli reig megega.’

Degsoggu, Jesé na e machi Abinadabse gocha, geb Samuelse senoniki. Auki Samuel soge: ‘Suli, Jehová we dule amba suchurbali.’ Sorba Jesé, e machi Sama nugadi senonibali. Samuel soge: ‘Suli, Jehová we dule amba suchurbali.’ Jesé e masmala wargugle Samuelse senoniki, aukine Jehová wargwensaale suchuli. Geb Samuel egisdesunna: ‘¿Wegi bela be masmala mergue?’

Jesé soge: ‘Bipigwadbi napi. Adi ovejamar akwedi, neg magaba.’ David senonimargua, Samuel daksa we machigwa yeer daklege. Geb Jehová ega soge: ‘Wee aadi. Aceite egi be eyoge.’ Geb Samuel deyobi imasa. Sorbali, David reig megnonikoe Israelgi.

1 Samuel 17:34, 35; 16:1-13.



Egislenaid

  • Machigwa sobaledgi naidi, ¿igi nuga, geb igi anmar wisi we dobsur dae?
  • ¿Ibu neggwebur gine David gudiina, geb e baba igi nuga, e dada igi nugmoga?
  • ¿Ibig Jehová, Samuelga soge Belénse naoye, Jesé negyase?
  • Jesé, gugle mergu e masmala Samuelse oyosgu, ¿igi Jehová sogsa?
  • ¿Igi Jehová, Samuelga sogsa, David senonimargua?

Bamalad egislenabalid

  • Absoge 1 Samuel 17:34, 35.

    Weyob ibmar gusmalad gine, ¿igi David na oyoge dobsur dae, geb Jehová gine bensuli? (1 Sam. 17:37.)

  • Absoge 1 Samuel 16:1-14.

    Jehová soged 1 Samuel 16:7 gine naid, ¿igi anmar bendake anmar mer dulemar soggwenbi nued dake guega, geb mer dulemar e dakleged gine unnila atakega? (Hech. 10:34, 35; 1 Tim. 2:4.)

    Igi Saúl gusad gine oyolege, Jehová e burba nued duleg obachale, burba isgana muchup sun duleg uboye, ibmar isgana imakebier gued obare? (1 Sam. 16:14; Mat. 12:43-45; Gál. 5:16.)