Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

56: Saúl gebe reiga Israelgi megisad

56: Saúl gebe reiga Israelgi megisad
Samuel reiga Saúl imaknaid

SAMUEL be dake, we machered nonogi aceite eyonaid. Epennegi weyob imakdamala, oyogega we dule reig onugsalesye. Samuelga Jehová soge, Saúl e nonog aceite eyogoye. We aceite yogasaaled suli, yeer yapanne.

Saúldi binsae edina gwen reig gued sulinye. Wegi Samuelga soge: ‘Andi Benjamín neggwebur sordad, Israel neggwebur napi bipigwadi. Degid, ¿ibigala be anga sogsunna, an reig guoedye?’ Jehová nued Saúl dake, ar dummarba guedgi binsa sulid bali. Agala onugsasa reig megega.

Auki Saúl dule wileged suli, geb dule matugwachur bali. Saúl, gwenadgan mani ibgangi daniki, geb dule yeer dakleged gubali, degine, dule yaibagwad bali. ¡Dulemar bamaladi e gukinse unnila owarmakmala! Saúl amba yeer abarmakbali, geb dule yeer gangued gubali. Dulemar yeer itoge Jehová, Saúl onugsasgua reig megega. Bela binnasur gotemala: ‘¡Bitiki rei undar gudigusan gadinye!’

Israel neggwebur e istarmalad amba yeer gangu aunni bukmala. Saúl reig onugsalesad sorba, Amón dorgana Israelgi ainakwiali. Auki Saúl sorda bukib onmasmoga, geb Amón dorgan galakgusmala. Degsoggu, neggwebur yeer itosa, Saúl reig gumaidba.

Birgamar nanamai gusa, geb Saúl Israel dulemar idumai gusa e istarmaladgi obinedgi. Saúl machi wargwen nika, we machi dobed sulidi, Jonatánye nuga. Geb Jonatán amba Israel bendasmoga e istarmaladgi obinmalaga. Aunni amba Filistea dorgana bur Israel neggwebur e istarmalad sunsogmaladi. Ibagwengi, miliba miliba mergu Filistea dorgana duurmakali Israel neggweburgi.

Samuel, Saúlga soge e dageche e edarboye, geb sorbali Jehová gala ed ibdula oburgoye. Auki, Samuel yokude. Saúl dobe itoge, abakar Filistea dorgana urwed onodmalale, degsoggu Saúl bar edarbichuli, e wargwengi Jehová gala na ibmar oburgwichunna. Degi, napis Samuel nonigua, Saúlga sognoniki, be ibmar soglesadba imachurye. Ega soge: ‘Jehová, dule baid onugsaoe Israelgi reig megega.’

Sorba, gannar Saúl ega ibmar soglesadba imachurbali. Emisgi Samuel ega soge: ‘Jehová sogedba ibmar imakedi bur nuedi, bur ega oveja nuegan ukedba. Ar Jehová sogedba be ibmar imachursoggu, bar Israel reig be megosuli.’

Wegine ibmar nued anmar durdake. Anmar odurdake, Jehová sogedbarbii ibmar imakedi bur ibmar biriginedye. Amba anmar odurdakbali, dule wargwen nued daele nabir amba dule isganaga gumoye, ar igi Saúl gusa. ¡Bitiki anmardi deyob guchulin gadina! ¿insoa?

1 Samuel, capítulo 9-11 sega; 13:5-14; 14:47-52; 15:1-35; 2 Samuel 1:23.



Egislenaid

  • Sobaled gine, ¿ibu Samuel imaknai, geb ibigala?
  • ¿Ibig Jehová nued Saúl dake, geb wedi dule igi daedi?
  • Saúl e machi, ¿igi nuga, geb ibu imasa?
  • ¿Saúl ibig Samuel abitochuli Jehovág ibmar iblogega?
  • Saúl gusad gine, ¿ibu anmar durdake?

Bamalad egislenabalid

  • Absoge 1 Samuel 9:15-21 geb 10:17-27.

    Dulemar egi ichakwa sunmasgu, Saúl na dummarba imachuli. Weyob daedi, ¿mer ibu imaked gine Saúl bendasa? (1 Sam. 9:21; 10:21, 22, 27; Pro. 17:27.)

  • Absoge 1 Samuel 13:5-14.

    Guilgal gine, ¿Saúl ibu ibmar isgana imasa? (1 Sam. 10:8; 13:8, 9, 13.)

  • Absoge 1 Samuel 15:1-35.

    ¿Ibu ibmar gine Saúl dummad nosa, Amaleq rei, Agag nugad, ebo urwenagu? (1 Sam. 15:2, 3, 8, 9, 22.)

    ¿Igi Saúl na e daed nudakbi gusa, geb igi emar gine ibmar nasiknai guali? (1 Sam. 15:24.)

    Dule anmar unaalile, Bibliagi ¿ibu mer anmar imakoye anmarga soglenai? (1 Sam. 15:19-21; Sal. 141:5; Pro. 9:8, 9; 11:2.)