Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

54: Dule bur yeer ganguedi

54: Dule bur yeer ganguedi

¿BE WISI igi nuga dule bur yeer gangued nika gudigusadi? Nuga Sansón, we dule juezga megisa. Jehová, Sansónga gangued ukmai gusa. Ar amba Sansón gwaluleged iduale, Jehová Sansón e nanga weyobi sogsa: ‘Be goe machigwa nikguoe. We, Israel dulemar bendakoedi Filistea dulemargi nakwega.’

Sansón leónbo gaenaid

Filistea dulemar Canaángi bukmala, isganamala. Bukidar urwemalad nikmala, degsoggu sabsur Israel dulemar sadamala. Ibagwengi Sansón Filistea dorgan mamaichik nadapgua, león dummad egi uurmakdani dakali. Auki Sansón ibmar baid ebuchuli, unnila argan ginbi león oburgwisa. Geb amba Filistea dulemar isgana bukidar oburgwisbali.

Sorba Sansón ome abeali, Dalila nugad. Filistea neggweburgi dummaganga gudidimaladi Dalilaga soggarmala, warwargwengi e ga ukmaloye mani sibu 1.100 emarga sogsundibe ibigala Sansón yeer gangue. Daliladi bela we mani abege. Aukine, wedi Sansón aya sunsoged suli geb amba Bab Dummad e neggwebur aya sunsoged surbali. Degsoggu Dalila egisnai guali Sansónse, ibu ulale yeer gangued nikye.

Dalila Sansónbo maid

Degi napis, Dalila imasa Sansón eg sogedi e gangued siki. Sansón soge: ‘Bipisaar anga saila sikdisurmala. An gwalulesad akale Bab Dummad an susa nazareoga guega, we arbaed bamaladbo akala. Anga saila siksamar sundibe, an gangued nikad surgusale.’

Emisgi Dalila we ibmar itosgua, imachunna Sansón e nukugi gabedga. Degidgi imasa, machered wargwen dogega geb ei saila sikega. Sansón atakargua, bat gangued sate. Degidgi Filistea dorgan dogsamala geb Sansón gasmala. Ei ibya gwabo bela onosmala, geb e maiga imasmala.

Sansón neg earnaid

Ibagwengi Filistea dorgan e bab dummad Dagónse goleg iba dummad onobukmala, geb Sansón eskaryagi galesiid onosmala egi dodomalaga. We iba gued iduale Sansón saila gannar sugusbali. Sansón, machi bipi argangi e semaidga soge: ‘Buarmargi be an oakae.’ Degidgi Sansón Jehováse gochasunna ega gangued ukega, geb buarmargi akachunna. Geb degi binnasur gote: ‘An Filistea dorganbo burgoe.’ We iba gunaidgi, 3.000 mergu Filistea dorgan bukmala, geb Sansón buarmar barmetegua, neg ayarichunna geb bela dulemar isganamala burgwisa.

Jueces, capítulos 13-16 sega.



Egislenaid

  • ¿Igi nuga dule bur yeer gangu gudigusad, geb doa ega gangued uksa?
  • Sobaledgi oyolenai yobi, ¿igi ibagwen gine Sansón león imasa?
  • Sobaled be dake, ¿ibu ibmar Sansón, Dalila gala sognai, geb igi we ibmar imasa Filistea dorgan nabir Sansón gamalaga?
  • E burgwisad ibag, ¿Sansón igi imachunna 3.000 mergu e istarmalad Filistea dorgan burgwemarmoga gala?

Bamalad egislenabalid

  • Absoge Jueces 13:1-14.

    ¿Igi Manóah e omebo igar nued babganga oyoge, mimmigan akwed siki? (Jue. 13:8; Sal. 127:3; Efe. 6:4.)

  • Absoge Jueces 14:5-9 geb 15:9-16.

    ¿Igi Jehová burba nued ibmar imake anmarse oyolege, Sansón león oburgwisad gine, Sansón dub binid gine edichamargua itirisad gine, geb asno aku gar gine dulemar miligwen mergu oburgwisad gine?

    Emi ibag, ¿igi burba nued anmar bendake? (Jue. 14:6; 15:14; Zac. 4:6; Hech. 4:31.)

  • Absoge Jueces 16:18-31.

    ¿Igi aimar isgana nikgusad bali Sansónga neg beeche gunoniki, geb ibu anmar weg durdake? (Jue. 16:18, 19; 1 Cor. 15:33.)