Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

53: Jefté ibmar imakoye sogsad

53: Jefté ibmar imakoye sogsad
Jefté siskwa

¿IBAGWEN gine be sogsa ibmar soggwen imakoye geb sorba beeche beg gusa imakega? We machered sobarnaidgi gwichi be dakedi deyob gusa, agala wile itodaklege. We dule Jefté, Israelgi juezga mai, geb dule dobed satedi.

Jefté gudigusa Israel dulemar Jehová bar e Bab Dummadga sabuksurmalad ibagi. Gannar ibmar isgana sabukmaladgi. Degsoggu Jehová, Amón dorgan wemar oakaloged bargachuli. Degidgi Israel dulemar Jehováse gotemala: ‘Anmar beg yolesa. ¡Be anmar bendake!’

Jefté e sordaganmar

Dulemar nue wile itomala ibmar isgana imasmaladba. Gannar Jehová e Bab Dummadga imasmalad bali, na oyomala nue wile itomarye. Ar aaga gannar Jehová wemar bendakarsunna.

Neggwebur Jefté susa Amón dorgan dule isganamaladbo urwenaedga. Jefté bela bela abege Jehová e bendaked we urwedgi. Agala, we ibmar Jehová gala imakoye soge: ‘Be Amón dorgangi nakwedga an imakele, an nakwis danikile, gebe dule an negyab nodagoedi an abin dakega, an beg ukoe.’

Jehová itosa Jefté ega ibmar sogsadi, geb nakweg imasa. Jefté aibirnonigua, ¿be wisi doa dule inso noali Jefté abindakega? E sisgwa wargwennagwadi. ‘¡Sisgwaye!’, Jefté bochunna. ‘¡Nunmaked dummad be anga uknai! Ar an Jehová gala ibmar soggwen imakoye sogsa, emisgindi an Jehová gala ibmar imakoye sogsad geg bar imaksuli gue.’

Jefté sisgwa e bab ibmar saoye sogsad wisgunonigua, gebe wile itosmoga, e babgi banguoed bali geb e aimargi. Auki, Silógi Jehová tabernáculo siidgi, Jehovága arbadii sered guchunnoe. Degsoggu e babga soge: ‘Be Jehovága sogsasoggua we ibmar imakoye, be sogsadba be imaker gebe.’

Degsoggu Jefté sisgwa Silóse nachunna, degi Jehová gala arbadii guchunna tabernáculogi. Omegan Israel ginmalad birga irba ibbake ese atakapdamala geb degi na burakwa nued itobukwa gusdamala. Dulemar, Jefté sisgwa nue sabmala ar we yaagwade nued na e Bab Dummad Jehová gala arbaed.

Jueces 10:6-18; 11:1-40.



Egislenaid

  • ¿Doagi Jefté, geb ibu ibagangi gudigusa?
  • ¿Ibu Jefté, Jehová gala imakoye sogsa?
  • ¿Ibig Jefté wile itosa negse gannar owarmasgu, Amón dorgangi nakwisad sorba?
  • ¿Igi Jefté siskwa soge, e bab ibmar imakoye sogsad wisgunonigu?
  • ¿Ibig dulemar Jefté siskwa nue sabmala?

Bamalad egislenabalid

  • Absoge Jueces 10:6-18.

    Israel dorgan bali bali Jehovág bangusmalad gine, ¿ibu anmar nued daked abelege mer aamar yobi ibmar imakega? (Jue. 10:6, 15, 16; Rom. 15:4; Rev. 2:10.)

  • Absoge Jueces 11:1-11, 29-40.

    ¿Igi anmar wisi Jefté, Jehovág sogsagu e siskwa ukoye “ibmar gummakaledyob”, e siskwa ogummaked obarichuli? (Jue. 11:31; Lev 16:24; Deu. 18:10, 12.)

    ¿Igi Jefté na e siskwa uksa Jehovága, ibmar uklegedyob?

    Jefté, Jehovág ibmar sogsad bali imasa, ¿ibu anmar egi durdake? (Jue. 11:35, 39; Ecl. 5:4, 5; Mat. 16:24.)

    ¿Igi nabir nusgana Cristob nanaid Jefté siskwa yobi imasmarmogale, Jehovág arbaed e arbaedga imakega? (Jue. 11:36; Mat. 6:33; Fili. 3:8.)