Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

49: Dad galesa

49: Dad galesa

JOSÚE be dake. Soggwichi: ‘¡Dada, mer aibano!’ Geb Dad galesa. Ibagwen dummad nibneggi gales nagusa. ¡Jehová weyob ibmar imasa! Ar anmar dakoena ibigala Josúe abesuli Dad ginnedi.

Dada

Eatar mergu rei Canaán neggwebur ginmaladi Gabaón neggwebur bogwa uluarmargua, Gabaón dorgan dule wargwen barmisa Josúese bendaked egisega. Weyob sogsa: ‘¡Gwae be anmarse dage, anmar bendakega! Bela reimar yarmarbalid beg arbamalad oitonanai.’

Josúe geb e soldadomar yognarmala. Mutikidba iirmadmala geb nadapi oibosmala. Gabaón owarmasmargua, rei eatar mergumalad sordagana dobguarmala geb wakitemala. Degidgi Jehová imasa nibneggi akwanyob dii gwamakaled batedi, geb Josué soldadomar oburgwisadba bur bukidara burgwismala akwanyob dii gwamakaled wisadgi.

Josúe

Ar Josúe dake bat Dad argwaned owarmasa. Neg sipusur naoe, geb bukidar soldadomar rei eatar mergumalad gadi wakitemaloe. Agala Josúe, Jehováse gochasunna geb weyob sogsa: ‘¡Dada, mer aibano!’ Geb Dad ganai gusadba Israel dulemar nabir urwed obelosmala, geb nakwismala.

Amba bukidar rei isganagan Canaán neggweburgi mamabali Bab Dummad neggwebur istar dakmalad. Josúe birga nergwasaar galesa 31 mergu reimar we neggwebur ginmalad ogalakguega. We ibmar imasad sorbali, Josúe neggweburmar amba napa satemaladga Canaán neggwebur susadi mamarisa.

Birgamar bukib nanasa, degidgi Josúe burgwenonisunna 110 año nikadgi. Josúe geb e aimarmar dula gudimargu bela dulemar Jehová sogedba ibsadi gusmala. Geb wemar burgwisgua, dulemar ibmar isgana imakarmala geb agala neg beeche emarga guali. Emisgindi nue Bab Dummad e bendaked abemarsunna.

Josué 10:6-15; 12:7-24; 14:1-5; Jueces 2:8-13.



Egislenaid

  • Sobaled gine, ¿igi Josúe soggwichi geb ibigala?
  • ¿Igi Jehová, Josúe bendasa geb igi Josué sordagan bendasbali?
  • ¿Josúe warbigwa reimar e istarmalad ogalakgusa geb bule suiti galesa?
  • ¿Ibigala Josúe, Canaán neggwebur mamarisa?
  • ¿Igi birga nikadgi Josúe burgwisa, geb aa sorba, dulemar igi gudmala?

Bamalad egislenabalid

  • Absoge Josúe 10:6-15.

    Jehová, Israel ular Dad galegedga imasadi geb Nii galegedga imasbalidi, ¿ibu anmarga imakoedgi bensur anmar imake? (Jos. 10:8, 10, 12, 13; Sal. 18:3; Pro. 18:10.)

  • Absoge Josúe 12:7-24.

    Canaán reimar 31 merguedi, ¿doa nue ogalakgusa, geb aa ibmar wisgued ibig anmarga ibnuedi? (Jos. 12:7; 24:11-13; Deu. 31:8; Luc. 21:9, 25-28.)

  • Absoge Josúe 14:1-5.

    ¿Igi napa mamarisa Israel neggweburmar gala, geb igi we anmarse oyoge igi napa mimilegoe Neg Yeer Daklegedgi? (Jos. 14:2; Isa. 65:21; Eze. 47:21-23; 1 Cor. 14:33.)

  • Absoge Jueces 2:8-13.

    Josúe, Israel neggwebur gine arbasa yobi, ¿doamar emi iba gine arbamarmoga Bab igargi aibichamalad bargaed gine? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Rev. 1:1; 2:1, 2.)