Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

47: Dule Israelgi ibmar atursasa

47: Dule Israelgi ibmar atursasa
Acán ibmar atursasad odukunaid

¡BE DAKE we dule ibu ibmar e negyab dignai! Mor yeer dakleged, or gwagwaled, geb mani sibu dignai. Jericó neggweburgi we ibmar susa. Aukine ¿we ibmarmar igi imaklegoena? ¿Be ebinsae?

Bela we ibmar obelolesa wilupuna, auki or dina geb mani, adi bela Jehová e tabernáculogi sabolegoed. Degsoggu we dulemar Bab Dummad sogedba ibmar imachurmala. Bab Dummad ib ibmar atursasmala. We dule nuga Acán, geb dule bamalad we nagab gunanaiddi e gwenadgana, auki bergwable walik gunanasuli. Anmar dakoena ibu gunai.

Acán we ibmar atursasad sorbali, Josúe dulemar barmisa neggwebur Hai nugache, urwega. Auki galakgusmala. Abala burgwismala, bamaladdi wakichamala. Josúe nue bukib itoali. Soladukin Jehováse gotesunna geb sogde: ‘¿Ibigar be anmar bendachuli?’

Jehová abin sogde: ‘¡Gwisgue! Israel dulemar angi nosmala. Ibmar ogummaklemaloedina susmala; we ibmar ogummaklechulile, tabernáculo sega seledoenad. Mor yeer dakleged atursasmala geb sogsasurmala. Be we mor ogummaksurmar sundibe geb dule we mor atursasad obelosurmar balile an bar bemar bendakosuli.’ Jehová soge Josúega an beg sogoye doagi we dule isgana.

Degsoggu Josúe bela neggwebur burakwa urbisa, geb emar abargi Jehová we dule isgana onosa; dakargua Acán. Acán soge: ‘Ani an isgusa. Mor goagwen yeer dakle an dakali, or gwagwaled an dakarbali geb mani sibu an dakarbali. An nue we ibmar abeali, agala an susa. An negyab digar bukwa bemar amigoe.’

Bela we ibmar amismargua geb Josúese senonimargua, Josúe, Acánga soge: ‘¿Ibigar be neg beeche anmarga imasa? ¡Emisgi Jehová bega neg beechegid nasikoe!’ Degidgi bela dulemar Acángi geb e gwenadgangi akwa midmarsunna, wemar oburgweche. ¿We ibmar anmarse oyosur be binsae, ibmar dule baid gadile anmar mer suoye?

Sorbali gannar Israel Hai neggweburbo urwenadbali. Emisgindi Jehová na e neggwebur bendasa, geb Israel nakwisa.

Josué 7:1-26; 8:1-29



Egislenaid

  • Sobalegi dule ibmar nuegan Jericó gine susad dignaidi, ¿doawa, geb bendaknanaiddi doamala?
  • ¿Ibig Acán, e gwenadganbo ibmar imasadi nue ibmar isgana gusa?
  • Josúe egichagu ibig Israel dulemar Hai neggweburbo urwenagu galakgusye, ¿igi Jehová ega sogsa?
  • Acán e gwenadgan bogwa Josúe asabin selesmargu, ¿igi gusmala?
  • Acán gusadgi, ¿ibu anmar durdake?

Bamalad egislenabalid

  • Absoge Josúe 7:1-26.

    Josúe Babse gochad gine, ¿bule Babbo walika gue na oyosa? (Jos. 7:7-9; Sal. 119:145; 1 Juan 5:14.)

    Acán ibmar imasadi, ¿ibu anmar egi durdake, geb ibig anmar weyob daed abelesuli? (Jos. 7:11, 14, 15; Pro. 15:3; 1 Tim. 5:24; Heb. 4:13.)

  • Absoge Josúe 8:1-29.

    Dule wargwen ibmar isgana gwenadgan bukwad yagi imakdii anmar itoalile, ¿ibu anmar imakedi? (Jos. 7:13; Lev. 5:1; Pro. 28:13.)