Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

46: Jericó muro

46: Jericó muro

¿IBIGALA Jericógi muro maid ayaride? Birgi bomba dummad argwachayob daklege. Aukine ar aa ibagan gindi bombamar satenad; ar gingimar sate balinad. ¡Jehová gannar ibmar dakledisulid imasbali! Anmar dakoena igi we gusa.

Jericó muro ayarmaid

Be itogena igi Jehová, Josúe gala soge: ‘Be soldadomar burakwa be nae, neggwebur ebirnamalo. Ibnergwa neggwebur ebirmalo; ibagwengi unnila irgwen ebirar. Bab igar mesisad ulugwa sedmalo. Egugle sacerdotemar Bab igar mesisad ulugwa semamaid iduar namalo, geb wemar gar ogormaloedid.

‘Iba gugle gindi irgugle mergu neggwebur ebirmalo. Degidgi suiti gar ogormalo, geb belagwable urwesoggaliyob binnasur gormalo. ¡Geb muralla maid ayaridoe!’

Josúe geb bela neggwebur ginmaladi Jehová ibmar sogsadba imasmala. Neggwebur ebiridmargua, bela boo nadapmalana. Unnilagwa gar goledbii itollege geb neggwebur ebirnanaid e nag goledbii itolle bali. E istarmalad, Jericógi bukmaladi, dobguarmalar gebed. ¿Be daksa dub ginnid ventanagi bannu bannu naidi? We ventana ¿doa gadi? Nabiri, Rahab, neg argamalad sogsad bali ibmar imasa. Bergwable e gwenadganmala burakwa we negyab bukmala, dakbukmala igi neg gudo dibeye.

Josúe

Degidgi napis, iba guglegi, irgugle neggwebur ebirisadgi, gar ogollede, binnasur urwemaladi gotemala geb muralla maidi ayaride. Josúe soge: ‘Dulemar oburgwemala, geb bela neggweburdi geb e ibmarmardi ogummakmalo. Unnilagwa mer ogummakmaloe: mani, olo, esnun, geb eskoro; we ibmarmardi tabernáculo gine sabolegoed.’

Dulemar warbo neg argamaladgar dina Josúe soge: ‘Rahab negse namalo, Rahab onomalo geb bela e gwenadgan onomarbalo.’ Neg argamalad ega ibmar sogsad yopiragwa, wemar bendaklesmala.

Josué 6:1-25.



Egislenaid

  • Sacerdotemar gala geb soldadomar gala, ¿ibu ibnergwa imakmaloye Jehová sogsa?
  • Ibgugle gine, ¿dulemar ibu imakmaloe?
  • Sobaledgi be dake, ¿igi Jericó muro maid gunai?
  • ¿Ibig dub ginnid ventana bali yaarmaknai?
  • ¿Igi neggwebur imakoye geb dulemar imakoye Josúe urwemaladga sogsa, geb mani dina, olo, esnun, eskoro, igi imaklegoena?
  • ¿Ibu imakmaloye neg argamalad warbogwad gala soglesa?

Bamalad egislenabalid

  • Absoge Josúe 6:1-25.

    Israel dulemar ibgugle gine Jericó ebirismaladi, ¿ibug emala emi neg dukumosad gine Jehovág sunmakmalad sunmaknanaid bogwa? (Jos. 6:15, 16; Isa. 60:22; Mat. 24:14; 1 Cor. 9:16.)

    Josúe 6:26 gine ibmar soglenaidi, ¿igi deyob gunoniki 500 añosaar nasad sorbali, geb Jehová ibmar guoye sogsa daed siki, igi we anmar odurdake? (1 Rey. 16:34; Isa. 55:11.)