Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

45: Jordán diwar obakmamai

45: Jordán diwar obakmamai

¡BE DAKE! ¡Israel dulemar Jordán diwar obakmamai! Degite ¿ibig dii daklesursunna? Ar aa ibagan gindi dii yaisur widasoggua, wemar obaked iduale diwar enamakar mainad. ¡Ar emidi, ber neg dinna! ¡Geb Israel dulemar neg dinnagwadgi obakmamai, igi dermar Ginnidgi obaksamala, ayobi! ¿Bia ber dii nachunna? Anmar dakoena.

Israel dorgan Jordán diwar obakmamaid

Israel dulemar Jordán diwar obaked ibagan mosgua, Jehová, Josúega sogsa we ibmar neggweburga be sogoye: ‘Sacerdotemar, Bab igar mesisad ulu nakwa sedmaloe geb wemar, anmar idumaloe. Wemar Jordán diwargi nag ododmalale, dii galedoe.’

Degsoggu sacerdotemar Bab igar mesisad ulu nakwa sesmala, geb emar idudmala. Jordán diwar owarmaksamargua, diwar binna binna iirmakmasuli geb wila saila mabali. Sacerdotemar diwarse aidedgua, geb e naga diigi warmakdegu, yog dii galegale. ¡Weyob ibmar gudi sulinad! Jehová diwar nakwale, dii bargasa. ¡Diwar dinguchunna!

Sacerdotemar, Bab igar mesisad ulu nakwa semamaidi, diwar dingusad abarse gwisgudapmala. ¿Be daksa bia wemala sobarnaidgi gwismala? ¡Wegi emar bukwadgi, bela bamalad Israel dulemar dina Jordán diwar obakdemarsunna, neg dinnagwadgi!

Belagwable obaksamargua, Jehová, Josúe gala soge, machergan 12 mergu yeer gangued nikmaladga be sogye: ‘Diwarse namala bia sacerdotemar Bab igar mesisad ulu ganiki gwismalache. Agine akwa 12 mergu sumalo geb urbemalo bela anmar gaboedgi. Degiile, bemar mimmigan yoogiche egicharmar sundibe, ibigala we akwamar we gine bukye, bemar mimmigan gala sogmalo, Bab Dummad igar mesisad ulu Jordán obakdegua, dii bar irmakmai guchuli. ¡Emar akwamar dakarmalale ebinsadamaloe igi diwar dingusa, weyob gudi sulinye!’ Josúe amba akwamar 12 mergu birgin birgin urbisbali, sacerdotemar diwar abargi gwichi gusmaladgi.

Josúe

Josúe napis sogde, sacerdotemar Bab igar mesisad ulu semamaid, Jordán diwar yagi gwismaladga: ‘Nagmala.’ Nakwismargua, gannar dii iirmakde.

Josué 3:1-17; 4:1-18.



Egislenaid

  • Israel dulemar Jordán diwar obakeg, ¿ibu ibmar gudi sulidi Jehová imasa?
  • Israel dulemar Jordán diwar obakeg, ¿ibu ibmar imaked abelesmala oyogega Bab bensurmarye?
  • ¿Ibig Jehová, Josúeg sogsa 12 mergu akwa dummagan diwar dingusad gine suoye?
  • Sacerdotemar Jordán diwar yag gwichi nakwismargua, ¿ibu ibmar gusa?

Bamalad egislenabalid

  • Absoge Josúe 3:1-17.

    We ibmar gusadgi, ¿ibu anmar imaker gebye anmar sega oyolege, Jehová anmar bendakega geb ibmar nuegan anmarga ukega? (Jos. 3:13, 15; Pro. 3:5; Sant. 2:22, 26.)

    Jordán diwar, ¿bule wirguena Israel dulemar egi obaksamargu Napa emarga Uklegoye Soglesache namalaga, geb igi we ibmar Jehová nug odummosa? (Jos. 3:15; 4:18; Sal. 66:5-7.)

  • Absoge Josúe 4:1-18.

    Gwaambe gakabo mergu akwa Jordángi sulesad geb Guilgalgi urbilesadi, ¿ibu ular weyob imaklesa? (Jos. 4:4-7.)