Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

41: Esnun naibeyob dakle sobale

41: Esnun naibeyob dakle sobale
Moisés naibe sobarnaid nagab gwichid

SUARGI naibe bipirmakarnaid, ¿sunsogedyob daklesursi? Aukine, sunsoged suli. Esnun sobaled. Ar naibe bamalad dina, napag mamaidi adi dula nanaed. We naibemar dulemargi warmasmala geb dulemar uelearmala. Jehová, Moisésga sogsa we naibe esnungi sobaled suargi be nasikoye, dulemar nabir dakega geb mer burgwemalaga. ¿Be wisi ibigala dulemar naibegi warmasmala?

Ar Israel dulemar Bab Dummadgi geb Moisésgi ichakwa sunmasmalad bali. Soggarmala: ‘¿Ibigala Egipto neggweburgi be anmar onosa we yarmar ukubbii bipirmaknaid gine anmar burgwega? Wegine mas gunned sate geb dii sate bali. Budar anmar maná gungusad.’

Aukine maná mas nuedi. Jehová ibmar dakledisulid imasgua we mas emarga uksa. Amba emarga dii uksa bali ibmar dakledisulid imasbargua. Aukine we dulemar dina Bab Dummad e akwemaid bai daksurmala. Ar agala Jehová naibe gichi nikamalad barmiali Israel dulemar odurdakega. Naibemala dulemargi warmasa geb bukidar dulemar burgwenonikid.

Isarel dulemar naibes males gunanaid

Napis degidgi dulemar Moisésga sognadmarsunna: ‘Anmar nosa, ar anmar Jehovági ichakwa sunmasmalad geb be gine anmar ichakwa sunmasmar balid. Emisgi, be Jehováse gole naibemar osulogega.’

Degidgi Moisés emar anar Bab Dummadse gocha. Geb Jehová, Moisésga sogdesunna be esnun soboye naibeyob dakle. Geb ega soge suargi be nasikoye, geb dulemar naibegi warmasmaladi, we naibe sobarnaichik atakmaloye. Moisés, Bab Dummad ega ibmar sogsadba imasa. Geb naibegi warmasmaladi esnun naibeyob sobarnaichik atadmala, geb gannar nugusmala.

We ibmar gusadgi anmar ibmar soggwen durdake. Belagwable anmar Israel dulemar naibegi warmasmaladyob gumarmoga. Be dakde sundibe bela dulemar seredguedbiid, uelemaladbiid geb burgwemaladbiid. Adán, Eva bogwa Jehovági aibachamalad bali deyobid, ar bergwable anmar aa mimmiganbiid. Aukine Jehovádi igar soggwen anmarga amisa nabir anmar sadegu gudiguega.

Napanegse Jehová na e Machi Jesucristo barmiali. Aukine bukidar dulemar binsasmala we dule isganaye, agala suargi bioksamala. Aukine Jehová, Jesús barmiali anmar bendakega. Anmar Jesús siki atakdemo sundibe, geb eba nanabar sundibe, nabir sadegu anmar gudigusale. Sorbali bur bule we igarsik anmar durdakoe.

Números 21:4-9; Juan 3:14, 15.



Egislenaid

  • Sobaledgi, ¿ibu ibmar suargi bipirmakarnai, geb ibig Jehová, Moisésga sogsa weg nasikoye?
  • ¿Igi dulemar na oyosmala nued daksurmala Jehová ega ibmar imasadi?
  • ¿Igi dulemar Moisés gala soggarmala, Jehová naibe gichi nikmalad barmiargua emar odurdake gala?
  • ¿Ibig Jehová, Moisésga sogsa esnun soboye naibeyob dakle?
  • We ibmar gusadi, ¿ibu ibmargi anmar odurdake?

Bamalad egislenabalid

  • Absoge Números 21:4-9.

    Jehová, Israel dulemarga ibmar uksagua, emar aka ichakwa sunmasadgi, ¿ibu mer anmar imakoye anmarse oyolenai? (Núm. 21:5, 6; Rom. 2:4.)

    Birgamar nasad sorba Israel dulemar ¿ibug esnun naibeyob dakle sobaledi ebusmala, geb ibu ibmar imasa rei Ezequías? (Núm. 21:9; 2 Rey. 18:1-4.)

  • Absoge Juan 3:14, 15.

    Esnun naibeyob dakle sobaled suargi nasiklesad, ¿igi iduakwa oyoge, igi Jesucristo oburgwelegoena? (Gál. 3:13; 1 Ped. 2:24.)