Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

40: Moisés akwa sarsosa

40: Moisés akwa sarsosa

BIRGAMAR nanamai…¡10 año, 20 año, 30 año, 39 año! Geb Israel dulemar amba yarmar ukubbi bipirmaknaidgi gudimala. Bela we birgamargi Jehová na e neggwebur akwemai gusa. Maná wemarga ukmai gusa gunmalaga. Ibgine emar idumai guega mogir wala suid nasisdae, geb mutik emar idugegardi, soo wala suid. Amba e mormar nunguchurmar bali geb nag mamarichurmarbali.

Emisgindi Egiptogi nosmalad akale 40 año gude, gebe aa birgagi nii yolesad gine, gannar Cades sega Israel dulemar nonimar bali. Wegine bukgusmar bali 40 año saar, dulemar 12 mergu Canaán neggwebur argaega barmilesgua. Míriam, Moisés e buna, Cadesgi burgwisa. Geb idualed yobi, amba nue igar abured nikbali.

Dulemar dii amiarmargua, dii amichur gusmala. Geb Moisésga urwedgi soggarmala: ‘Bur anmar burgwichunnan nabir sunnana. ¿Ibigar be Egipto neggweburgi anmar onosa neg isganase anmar sedagega, geg ibmar gued neg sega? Wegine ibmar gullemalad sated, higomar sate, granadamar sate, geb uvamar ber sated. Dii gobedgar bela sated.’

Moisés akwa sarsonaid

Moisés, Aarón bogwa tabernáculose Bab Dummad sega gornadmargua, Jehová Moisésga sogsa: ‘Neggwebur be burakwa oambakgue. Degidgine, emar asabinni be sunmako we akwa siidga. We akwa gine ichesur dii aryodagoe neggweburga geb ibmar durganga.’

Degsoggu Moisés dulemar burakwa oambakgusa, geb sogsa: ‘¡Bemar, dulemar Bab Dummadgi bengudimaladi nue itomalo! ¿Aarón an bogwa we akwagi bemarga dii onosunnode?’ Degidgi, Moisés suargi irbo akwa sarsosa, geb we akwagi dii binnasur aryoali. Bela dulemar geb ibmar durgan dii nikgusmala.

Aukine Jehová, Moisés abin geb Aarón abin sae itoali. ¿Be wisi ibigar wemar abin sae itosa? Ar Aarón, Moisés bogwa sogsamalad emala dii akwagi aryoedga imakmaloye. Auki ar Jehová bur imasadid. Moisés, Aarón bogwa nuekwa we ibmar sogsasurmarsoggua, Jehová sogsa esega odurdaklemarsunnoye. Bab Dummad Jehová soge: ‘An imakosuli bemar an neggwebur Canaánse sededi.’

Sanar guchuli Israel dulemar Cadesgi nodmala. Dogdar undar guchuli Hor yarse owarmasmala. We yar birgi Aarón burgwenoniki. Aa unni 123 año nikad. Israel dulemar nue wile itobukmala, geb 30 día Aarón binar bodii gusmala. Eleazar, Aarón e machi, sacerdote e dummadga gunoniki, Israel neggweburga.

Números 20:1-13, 22-29; Deuteronomio 29:5.



Egislenaid

  • ¿Igi Jehová Israel dulemar akwisa yarmar ukubbi bipirmaknaid gine gudimargu?
  • Israel dulemar Cadesgi ambakgunonimargu, ¿igi soggarmala?
  • ¿Igi Jehová dulemarga dii uksa geb ibmar durganga?
  • Sobaledgi dule na dukin oyogwichid, ¿doawa, geb ibigala na oyogwichi?
  • ¿Ibig Jehová sae itosa Moisés abin geb Aarón abin, geb igi odurdaklesmala?
  • ¿Ibu ibmar gusa Hor yargi, geb doa Israel sacerdote dummadga gunoniki?

Bamalad egislenabalid

  • Absoge Números 20:1-13, 22-29 geb Deuteronomio 29:5.

    ¿Ibu ibmar anmar durdake Jehová, Israel dulemar yarmar ukubbii bipirmaknaidgi gudigu, akwemagusad gine? (Deu. 29:5; Mat. 6:31; Heb. 13:5; Sant. 1:17.)

    ¿Jehová igi daksa Moisés, Aarónbo Israel dulemar asabinni e nug odummochulidi? (Núm. 20:12; 1 Cor. 10:12; Rev. 4:11.)

    ¿Ibu anmar durdake Moisés, Jehová abin gualidgi, Jehová ega sogsagu e neggwebur Canaánse odogedga guosurye? (Núm. 12:3; 20:12, 27, 28; Deu. 32:4; Heb. 12:7-11.)