Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

39: Aarón suar achute

39: Aarón suar achute

BE SUARGI dutumar geb nurmar gorenanaid be dake. We suar Aarón gadi. ¡We dutumala geb nurmar goresnanaidi ibagwen mutik ainisnanaed! Anmar dakoena ibigala deyob gusa.

Moisés, Aarónga suar uknaid

Israel dulemar suiti yarmar ukubbi bipirmaknaidgi gaamakdii gusmala. Moisés dummadga gued abar abesurmala, abesurmar bali Aarón, Israel sacerdote e dummadga guedi. Coré deyob binsaedi geb Datan, Abiram geb 250 mergu e neggweburgi dummaganga gudimaladi, amba deyob binsamarmoga. Bela we dulemar nonimala geb Moisésga soggarmala: ‘¿Ibigala be na bur dumma anmarba imake?’

Moisés, Coré gala geb Coré sordaganga soge: ‘Bemar bane wakdarad bali ibmar wawadik yapanned urbed sunamalo geb agi ibmar wawadik yapaned urbemalo. Degidgi Jehová tabernáculos bemar dago. Anmar dakoed Jehová doa dule suo dibe.’

Oibosgua Coré geb e sordagan 250 mergu tabernáculose nonimala. Bukidar bamamalad nonimarmoga wemar bendakmalaga. Jehová nue sae itoge. Moisés soge: ‘We dule isganamar e dordo negmargi bela bangumalo. Mer e ibmar ei ebumalo.’ Dulemar itosmala; Coré, Datan geb Abiram e dordo negmargi bangusmala.

Degidgi Moisés soggarbali: ‘We ibmargi be dakmaloe Jehová doa dule suoe. Napa argadoe geb bela dule isganamar napa yaba argwanmaloe.’

Moisés sunmaked bergusgua, napa yog argaar nade. Coré, Datán geb Abiram e dordo negmar geb e ibmarmar, geb dulemar eba gudimaladi napa yaba argwachamala, geb napa gannar atusa. Dulemar napayab argwachamalad binnasur gole itoarmargua, binnasur na ese gotemala: ‘¡Abarmakmala! ¡Napayab mer anmar argwanega!’

Coré geb e sordagan 250mergu amba tabernáculo walika gwismala. Agala Jehová soo barmiali, geb bela we dulemar gummasmala. Degidgi Jehová, Eleazarga soge, Aarón e machi, ibmar wawadik yapanned urbed dule burgwismalad gadi suye, geb ibmar dataragwadga imakoye, ibmar ogummaked e ailaga. Israel dulemar we ibmar dakarmalale ebinsamaloe Aarón geb e masmalabii unnila Jehová igargi emar idumaladga arbamaloe.

Aukine Jehová dina nue abege mag ito gumalad Aarón, emasmala bogwa sulesmarye sacerdotemarga gumalaga. Agala Moisésga soge: ‘Israel dulemar e neggwebur e dummagana na suar sedamalo. Ar Leví e neggwebur gaddina, Aarón suar sedagoedi. Emisgi suarmar mesmaloe, tabernáculogi, an igar mesisad ulu asabinni. Doa dule sacerdotega guega an suoe, e suar achuddoe.’

Oibosgu Moisés dakali, ¡Aarón e suargi dutu achunnai geb nurmar gorenanai! ¿Be daksa emisgi ibigala Jehová imasa Aarón e suargi dutu achunnega?

Números 16:1-49; 17:1-11; 26:10.



Egislenaid

  • ¿Doamar abesuli Moisés, Aarónbo emar idumaladi, geb igi Moisésga sogmala?
  • ¿Ibu imakoye Moisés, Coré gala geb e sordagan 250 mergumalad gala sogsa?
  • ¿Ibu Moisés neggweburga sogsa, geb sunmaked bergusgu, ibu ibmar yog guale?
  • ¿Igi gusmala Coré geb e sordagan 250 mergumalad?
  • Eleazar, Aarón machi, ¿igi ibmar wawadik yapanned urbed dule burgwismalad gadi imasa geb ibigala?
  • ¿Ibig Jehová, Aarón suar achunneg imasa? (Sobaled be dake.)

Bamalad egislenabalid

  • Absoge Números 16:1-49.

    ¿Ibu Coré e sordaganmar imasmala, geb ibig we ibmar imasmalad bali, Jehovág aibichamala? (Núm. 16:9, 10, 18; Lev. 10:1, 2; Pro. 11:2.)

    ¿Igi Coré geb “onmaked idumalad” 250 mergumaladi noar binsaarmala? (Núm. 16:1-3; Pro. 15:33; Isa. 49:7.)

  • Absoge Números 17:1-11 geb 26:10.

    Aarón suargi dutu ainisadi, ¿ibu oyosa geb ibig Jehová sogsa sabogoye Bab igar mesisad ulu yaba? (Núm. 17:5, 8, 10.)

    ¿Ibu nued anmar nabir durdake Aarón suargi ibmar gusadgi? (Núm. 17:10; Hech. 20:28; Fili. 2:14; Heb. 13:17.)