Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

38: Eambe gakabo neg argaapmala

38: Eambe gakabo neg argaapmala
Dulemar neg argaapmalad ibmar gullemalad gani gwismalad

MACHERGAN ibmar gullemalad gwaad gwismalad. ¡Ibmar gullemalad be dake! Uva san dag bipi be dake. Dulemar warbo abeleged suargi sedega. Higomar geb granadamar be dakbalina. ¿Bia we ibmar yeer gullemalad dakarmala? Canaán yargi searmala. Be ebinsaena Abrahán, Isaac geb Jacob, Canaángi gudigusmala. Aukine ukud dummad nagusad bali, Jacob e gwenadgan burakwagwa, Egiptose neg ogwasmala. Emidi, 216 año guchaale, Moisés gannar Israel dulemar Canaánse semabali. Emisgindi Cadesgi gudimala, yarmar ukubbi bipirmaknaidgi.

Canaán ginmalad dulemar isgana. Agala Moisés dulemar 12 mergu barmisa neg argamalaga geb wemarga sogsa: ‘Nue dakmalo bule e dulemar mergu dibe, geb bule gangumarbar dibe. Geb nue dakmarbalo bule napa nued dibe ibmar digega. Geb mer ibmar gulleged sedaged iemalo.’

Neg argaapmalad gannar Cades sega nonimargua, Moisésga sognonimala: ‘Innikigwa, negadar nuedi.’ Geb nue napiraye oyogega, ese ibmar gulleged oyosmala. Aukine neg argaapmalad 10 mergu dina sogmala: ‘E dulemala burwisurmala geb yeer gangumar balid. Anmar emar ib neg suye sogele, anmar bela emarse oburgwelemaloe.’

Israel dulemar dobguarmala we ibmar itoarmargu. Soggarmala: ‘Egiptogi anmar burgwisan bur nuedina, wegi anmar gudiid gindibe, yarmar ukubbi bipirmaknaidgi. Urwenai anmar burgwesunnoe, anmar omegandi, geb anmar mimmigandi bela galemaloe. ¡Moisés anar, dummad wargwen anmar amisunna, geb gannar anmar Egiptose nae!’

Auki neg argaapmalad ebogwaddi, Jehová bensurmala, geb neggwebur basur oitoge imake soggarmala. Wemar nuga Josúe geb Caleb. Wemar soge: ‘Mer dobgumalo. Jehová anmar bali nai. We napa suega ibgwensur anmarga guoe.’ Aukine neggweburdi itosuli. Aka Josúe, Caleb bogwa oburgwebi guarmala.

We ibmar ulale Jehová istar itoali geb Moisésga soge: ‘Dule 20 año nikdibe, geb aaba obindibe, wargwensaale Canaán yargi dogosuli. Egiptogi geb yarmar ukubbii bipirmaknaidgi ibmar dakledisulid an imasad aisar daksamala inigwale, amba angi benmalad. Degsoggu 40 año we yarmar ukubbi bipirmaknaidgi gaamakdii gudigudmarsunno, bela dulemar an bengusmalad burgwemalache. Unnila Josúe, Caleb bogwa Canaán neggweburse dogmaloed.’

Números 13:1-33; 14:1-38.



Egislenaid

  • ¿Bule uva dag dungu be dake we sobaledgi? ¿Bia we uva dakarmala?
  • ¿Ibig Moisés eambe gakabo Canaánse neg argamalad barmisa?
  • Neg argamalad eambe mergumalad, ¿igi sognonimala Moiséche gannar nonimargu?
  • Neg argamalad ebogwad dina, ¿igi na oyosmala Jehová bensurmala, geb igi nugmala?
  • ¿Ibig Jehová istar itoali, geb igi Moisésga soge?

Bamalad egislenabalid

  • Absoge Números 13:1-33.

    ¿Doamar neg argamalag sulesmala, geb ibu ibmar nued imake wilupmala? (Núm. 13:2, 3, 18-20.)

    ¿Ibig Josúe, Calebbo bamalad yobi binsachurmala, geb ibug anmar odurdake? (Núm. 13:28-30; Mat. 17:20; 2 Cor. 5:7.)

  • Absoge Números 14:1-38.

    ¿Igi Biblia anmarse oyoge Jehová, dulemar eg arbaeg onugsasdaedgi ichawa sunmaked nued surye? (Núm. 14:2, 3, 27; Mat. 25:40, 45; 1 Cor. 10:10.)

    ¿Igi Números 14:24 gine oyolenai, Jehová warwargwengi dulemar eg arbamaladgi binsamai? (1 Rey. 19:18; Pro. 15:3.)