Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

37: Babse goled nega

37: Babse goled nega

¿BE WISI we ibu nega? We Jehováse goled nega. We neg bilege tabernáculo. Egiptog nosad sorbali, Israel neggwebur birgagwengi we neg sobsa. ¿Be wisi doa soggali we neg soboye?

Tabernáculo

Jehová sogsa we neg soboye. Moisés Sinaí yar birgi gudigua, Jehová ega sogsa igi soblegoe. Ega sogsa nabir ibigwensur unge unge gue soboye. Degiile nabir neg baichik ibgwensur selegoe, geb agine gannar sobe gala. Degsoggu, Israel dulemar baichik nae soggarmale na eba we neg sesdamala.

We neg yabali be dakdele napi solaba cuarto bipi siidgi, yabali ulugwa sii. We ulugwa nuga Bab igar mesisad ulu. Warbo or sobar bukwa angermar querubínye bilemaladyob dakle; wargwen, duku soggwensik sindigar sii geb baid dina, baid dukusik sindigar sii. Bab Dummad gannar Igar Sogambegidi narmasbali akwa matargwagwad gwabowadgi, ar gepegwad dina Moisés ber ogoamasad. We akwamar matargwagwadi sabolesa Bab igar mesisad ulu yaba. We ulu yabali maná amba nog gwagwen sabolesbali. ¿Be ebinsae maná ibua?

Jehová, Aarón onugsasa, Moisés ia, Israel sacerdote e dummadga guega. Degsoggu Aarón neggwebur iduarsunna Jehováse goledgi. Emasmala amba sacerdotemarmoga.

Emisgi be we neg yaba bur cuarto dummasaar siid dake. Cuarto bipigwad ilabogwa wilup dungued. ¿Be daksa ulu bipigi waa ainaksiidi? We ailagi sacerdotemala ibmar wawadik yapanned inciensoye nugad ogummakmalad. Be dakbali gwallu dochikwa dummad sakwa wargugle nikad, aagi gwallu gwagugle gabukwa. Sogbaagwadgi ibmar we cuarto yaba siidi adi mese, we mese birgi gusgu 12 mergu madu magudae.

We negmagabardi, bormo dummad sibalid, dii enamakar. Sacerdotemar we dii ebumala nag enukega geb argan enukega. Aa walika aila dummad sobar sibalid. Aa gindi ibmar durgan iblolemaidi ogummakleged Jehovága ukega. We nega, negmar abargi sii, geb Israel dulemardi bela we neg ebiris na e urmor neggi mamamoga.

Éxodo 25:8-40; 26:1-37; 27:1-8; 28:1; 30:1-10, 17-21; 34:1, 2; Hebreos 9:1-5.



Egislenaid

  • ¿We negsii be dakedi igi nuga, geb ibig ebulege?
  • ¿Ibig Jehová, Moisés gala sogsa we neg ibigwensur unge unge gue be soboye?
  • Napi solab cuarto bipigwad yab ulu siidi, ¿ibu ulugwa, geb yabali ibumar bukwa?
  • ¿Jehová doa dule onugsasa Israel sacerdote dummadga guega, geb ibu e arbaedi?
  • Cuarto bur dummad yabali, ¿ibu ibmar sogbaa bukwa?
  • Tabernáculo negmagab, ¿ibu ibmar sogbogwa sibali geb ibu imake gala?

Bamalad egislenabalid

  • Absoge Éxodo 25:8-40; 26:1-37; 27:1-8, geb 28:1.

    “Bab igar mesisad ulu” birgi querubinmar sobar bukwadi, ¿ibu obarmala? (Éxo. 25:20, 22; Núm. 7:89; 2 Rey. 19:15.)

  • Absoge Éxodo 30:1-10, 17-21; 34:1, 2, geb Hebreos 9:1-5.

    ¿Ibig Jehová gannar gannar sogsa sacerdotemar tabernáculos arbanadmalale nue na san akwed abelemarye, geb ibu imakedga we ibmar anmar imakmoga? (Éxo. 30:18-21; 40:30, 31; Heb. 10:22.)

    Hebreomar sega garda narmaklesgua, ¿igi apóstol Pablo oyosa aa iba unni tabernáculo ebuleged ibagan nasye, geb Moisés Igar mesisadi bar emar idumasulina? (Heb. 9:1, 9; 10:1.)