Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

36: Becerroyob or sobaled

36: Becerroyob or sobaled

¡AKA be dake! ¿Ibu emisgi dulemar imaknanai? ¡Becerro e bab dummadga na imaknanai! ¿Ibigala we ibmar imaknanai?

Moisés yar birgi undar yoggusgua, neggwebur soggali: ‘Anmar wichulid igi Moisés gusdibe. Ibmar baid anmar sobsunna anmar bab dummadga guega geb weg bukwadgi anmar onogega.’

Moisés akwa bikin meted

‘Degir nabirdo,’ Aarón soge, Moisés e ia. ‘Bela olua yoyoid ungemalo, geb anga sedamalo.’ Neggwebur deyob imasgua, Aarón oluamar odalusa geb becerro yobi dakle sobsa. Geb neggwebur soge: ‘¡We anmar Bab Dummadi, Egiptog anmar onosadi!’ Geb iba dummad onosmala, degine becerro yobi or sobaled na e bab dummadga imakarmala.

Jehová we ibmar dakargua, nue istar itoali. Geb Moisésga soge: ‘Gwae aidege. Neggwebur ibmar isgana imaknai. An igar iesmala, degine, becerro yobi or sobaled asabinni sindigar signanai.’

Becerro e babga na imaknanaid

Degsoggu Moisés gwae aidearsunna. Geb itaka gusgua, weyob ibmar gunai daknoniki. ¡Dulemar onamakdemala geb dodonanabali becerroyob or sobaled ebirisa! Moisés nue sae itoge, degsoggu akwa matargwagwad gwabogwad egi Bab igar narmakar naidi bikin metesunna, geb ber goagwar gusa. Degidgi becerro sobaled gadebin imasa geb bela odalusa. Sorbali ubi ubi imasa bur gala imakeche.

Neggwebur ibmar isgana imasa. Aulale Moisés abar dulemarga soge espadamar onomarye. Moisés soge: ‘Becerro na e bab dummadga imasmaladi oburgwelemaloe.’ ¡Degisoggu 3.000 mergu dulemar oburgwilesmala! ¿We oyosur be binsae unnila anmar Jehovásebii goloye, geb ibmar baigan bab dummadga anmar imaked surye?

Éxodo 32:1-35.



Egislenaid

  • Sobaled gine, ¿ibu dulemar imaknanai, geb ibigala?
  • ¿Ibig Jehová nue istar itoge, geb Moisés ibu imasa dulemar ibmar imaknaid dakargu?
  • Moisés abar dulemarga, ¿ibu imakmaloye sogsa?
  • We ibmar gusad, ¿ibu gine anmar odurdake?

Bamalad egislenabalid

  • Absoge Éxodo 32:1-35.

    ¿Igi weg soglenaid anmarse oyoge Jehová igi dake, Bab igar sunsoged odurdakmalad, dulemar noar Bab igar odurdakmalad bogwa akaedi? (Éxo. 32:4-6, 10; 1 Cor. 10:7, 11.)

    ¿Ibig cristianomar nue daked abelege namaked igimalad itogoe, geb, baile igimaladgi dodomaloe? (Éxo. 32:18, 19; Efe. 5:15, 16; 1 Juan 2:15-17.)

    ¿Ibu Leví neggwebur imasa oyogega igar innikigwad binarmarye geb igi anmar amaryob imasmogale? (Éxo. 32:25-28; Sal. 18:25.)