Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

31: Moisés Aarónbo Faraónse nade

31: Moisés Aarónbo Faraónse nade

MOISÉS gannar Egiptose nonigua, e ia Aarónga sunmaknoniki ibmar dakledisulid gusachik. Degine Moisés, Aarón bogwa Israel dulemarse we ibmar dakledisulid oyosmargua, Israel dulemar bar benguchurmala wemar Jehová bali gudiye.

Degiidgi Moisés, Aarón bogwa, Faraón daknadmala. Geb Faraónga sogdapmala: ‘Jehová, Israel e Bab Dummadi soge: “An neggwebur be barmido iba baagwa wilup, yarmar ukubbii bipirmaknaidgi anse gornamalaga.”’ Aukine Faraón abin sogsa: ‘Aku an Jehová dake. Israel neggwebur an barmido suli.’

Faraón nue sae itoge, ar neggwebur arbaed iba gae soggalid Jehováse gornamalaga. Degsoggu, bur bule arbamalaga imasa. Geb Israel dulemar soggarmala: ‘Moisés nuggi anmarga arbaed ogannolesa’, geb Moisés bukib binsaarsunna. Aukine Jehová ega sogsa mer bai itogoye. Jehová sogsa: ‘Faraón an neggwebur barmidega an imakoe.’

Moisés Aarónbo Faraón asabin gwismalad

Moisés, Aarónbo gannar Faraón daknadmar bali. Emisgindi, ibmar dakledisulid soggwena imasmala. Aarón suar ganikidi napagi mete, geb we suar naibe dummadga binnisa. Aukine Faraón nergan suarmar na metemarmoga, geb naibega gudmarmoga. Aukine ¡be dake! Aarón e naibe, Faraón e nergan naibe domai. Deginigwale Faraón amba Israel dulemar barmibi guchulid.

Degsoggua iba owarmachunna Jehová, Faraón odurdaksoggali. ¿Be wisi ibu imasa? Imasa Egiptogi bonigan 10 ainied, neg beechegid naguedi.

Bonigan ainimaid irba Faraón, Moisés sega gocha dae, geb ega sogsa dae: ‘Bonigan be bargae, geb Israel neggwebur an barmidoed.’ Aukine boni galenonikile, binsaed ogwasdabali. Neggwebur barmichurdae. Aukine boni sogambegid sorba, Faraón, Israel neggweburga sogsa be namarsunye.

Be wisi warwargwengi bonigan 10 ainisadi, ¿bitimarsunna? anmar dakoena bitimarsunna.

Éxodo 4:27-31; 5:1-23; 6:1-13, 26-30; 7:1-13.



Egislenaid

  • Moisés, Aarónbo ibmar dakledisulid oyosmargu, Israel dulemar, ¿ibug bar benguchurmala?
  • ¿Igi Moisés, Aarónbo, Faraónga sogsa, geb Faraón igi wemar abin sogsa?
  • Sobaledgi be dake, Aarón suar ganikid napag metegu, ¿ibu gunoniki?
  • Jehová ¿igi Faraón odurdasa, geb Faraón ibu imasdae?
  • Boni sogambegid sorba, ¿igi ibmar gusa?

Bamalad egislenabalid

  • Absoge Éxodo 4:27-31 geb 5:1-23.

    ¿Ibu obarisa Faraón sogsagu: “Bipisaar aku an Jehová dake”? (Éxo. 5:2; 1 Sam. 2:12; Rom. 1:21.)

  • Absoge Éxodo 6:1-13, 26-30.

    Jehová sogsagu Abrahán, Isaac geb Jacob ee wisgumalag imachurye, ¿ibu obarisa? (Éxo. 3:13, 14; 6:3; Gén. 12:8.)

    Moisés amba gwen gued na itochuli inigwale, Jehová amba ega ibmar imakeg imasa. We ibmar gusadi, ¿igi ito anmar imake? (Éxo. 6:12, 30; Luc. 21:13-15.)

  • Absoge Éxodo 7:1-13.

    Moisés, Aarónbo dobsur Faraón asabin Jehová ibmar imakoedgi sunmasmala, ¿we ibu igar nued obesmala emi ibag Jehová gala arbamaladga? (Éxo. 7:2, 3, 6; Hech. 4:29-31.)

    ¿Igi Jehová, Egipto dorgan bab dummaganba bur dummaye na oyosa? (Éxo. 7:12; 1 Cró. 29:12.)