Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

29: Ibigala Moisés wakicha

29: Ibigala Moisés wakicha

BE DAKE Moisés Egipto gine wakinmai. Be dakbalina e baleginnanaidi. ¿Be wisi ibig Moisés oburgwebimala? Anmar dakoena ibigala.

Moisés, Egiptogi wakinmaid

Moisés dungusa Egipto rei Faraón neg yagi. Moisés yeer ibmar wisid gusa geb dule nug nikadga gusbali. Moisés wisina edi Egipto dule suli, na wisina e sergan maiganana, Israel dulemar.

Ibagwengi, 40 año nikadgi, Moisés binsaali e dulemar daknaoye, igi gudimar dibeye. Dakargua sabsur imakledimala. Dule Israel ginedi sarsolenai daksa, Egipto dulese. Moisés mia mia gwisgusa geb dule sate dakargu, Egipto dule sarsosmosunna, degine we dule burgwisa. Geb Moisés we dule odukgusa ukub yaba.

Oibosgua, Moisés gannar na e dulemar daknadbali. Binsasa nabir e dulemar bendasarye mer mailegedga gumalaga. Aukine daknoniki Israel dulemar warbo na ebo urwenanai, geb bur sabsur baid imaknaidga Moisés sogsa: ‘¿Ibig be gwenad be sarsonai?’

We dule abin sogsa: ‘¿Doa beg sogsa be anmar dummadga guoye geb anmarga igar nudakoye? ¿Be an oburgwemogode igi be Egipto dule oburgwisa?’

Emisgi Moisés dobguali. Emisgi wisi dulemala ewisgusa edi Egipto dule oburgwisadi. Faraón we ibmar wisgusmoga geb machergan barmisa Moisés oburgwemalaga. Degsoggu Moisés wakinne dakleali Egiptogi.

Moisés Egiptogi nosgua, dikasur nade, Madián yarse. Agine Jetro gwenadgan daknoniki, geb e sisgwa Zípora nugad nikgusa. Moisés sibadmar akwedgi arbaali geb Jetroga sibadmar edarbedae. Madián neggweburgi, 40 año gudigusa. Emisgindi 80 año nika. Degid gine ibagwengi, Moisés, Jetroga ovejamar edarbediidgi, ibmar geger dakleged gunoniki. We ibmar gusad akale, Moisés bar epennegwayob gudi guchuli. Anmar dakoena we ibmar geger dakleged ibua.

Éxodo 2:11-25; Hechos 7:22-29.



Egislenaid

  • ¿Bia Moisés dungusa, auki e sergansik, ibu wisina?
  • Moisés 40 año nikadgi, ¿ibu imasa?
  • Moisés dakargu Israel ginedi e gwenad sarsonai, ¿igi ega sogsa, geb we dule igi abin sogsa?
  • ¿Ibig Moisés, Egiptog wakicha?
  • ¿Bia Moisés wakicha, geb agine, doa daknoniki?
  • Egiptog wakichad sorba, 40 año nanasadgi, ¿ibu Moisés imasa?

Bamalad egislenabalid

  • Absoge Éxodo 2:11-25.

    Suiti Egipto ginmalad ibmar gine odurdaklesa inigwale, ¿igi Moisés na oyosa nue Jehová bali geb e neggwebur bali nai? (Éxo. 2:11, 12; Heb. 11:24.)

  • Absoge Hechos 7:22-29.

    Moisés na wargwengi Israel dulemar bendakbi gusadgi mer bar Egipto ginmalad maig gudi gumalaga, ¿ibu anmar egi durdake? (Hech. 7:23-25; 1Ped. 5:6, 10.)