Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

25: Egiptos megnadmala

25: Egiptos megnadmala

JOSÉ geg na boed bargagusa. Bela e maiganga soge, nomargwerye. Unnila e gwenadganbo gusgua, José bochunna. E gwenadgan sur itomala, ar wichurmalad ibig we dule boe. Geb José wemarga soggali: ‘An José. ¿An bab amba dula gudii?’

E gwenadgan suritomala, geg sunmake guarmala. Dobguarmala. Aukine José wemarga soge: ‘Wis dagmala.’ Es armargua emarga sogde bali: ‘An bemar gwenadi, an José, Egipto neggweburse bemar an uksa.’

José nuedgi emarga sunmaknai guali: ‘Mer nagi nasikmalo bemar an uksamaladba. Ar bur Bab Dummad sogedba an barmilealid Egiptose, dulemar bendakega. Faraón sogedba an dule dummadga gunonikid bela we neggweburgi. Degsoggu bemar gwae an babse namalo geb bela we ibmar ega sogmalo. Geb ega sogmarbalo wes megdaye.’

Degine José na gwenadgan bular gukinba gaded geb e gwenadgangi maadda nagusad, geb bela e gwenadgan wagar usad. Faraón itoargua José e gwenadgan gudimarye, Joséga soggali: ‘Carretamar sedmalo geb be bab sunamalo geb e neg yaginmalad wes dakmalaga. An emarga Egiptogi bur napa nued ukoed.’

Geb deyobi imasmala. Weg sobarnaidgi be dakena, José na e bab abindaknonikid geb bela e bab neg yaginmalad Egiptos nonimargua.

Jacob neg yaginmaladi ichesurmalanad. Bela Egiptos nadmargua, 70 mergumalad, Jacob geb e masmala degine e waganse bakale. Ukine amba e omeganmar eba nadmarmogad, geb sun e maiganga gudimarmogad, eba nadmarmogar gebed. Bela wemar Egiptogi gudii gudmalad. Bilenonimalad Israel dulemarye, ar Bab Dummad Jacob ib nug ogwasad, onuggunoniki Israel. Israel mimmigan Bab Dummadga bur neggwebur nuedga gunonikid bamalad neggweburba, igi sorbali anmar dakoe.

Génesis 45:1-28; 46:1-27.

José e gwenadganbo gunaid


Egislenaid

  • ¿Igi e gwenadgan ito nadmala, José ega sogsagu e doa dule gue?
  • Nuedgi, ¿ibu José sognai guali e gwenadgan gala?
  • ¿Igi Faraón soggali, José gwenadgan gudiye itoargu?
  • Egiptos megnadmargu, ¿bule Jacob neg yagine dulemar mergue?
  • ¿Igi Jacob neg yaginmaladi bilenonimala, geb ibig deyob bilesmala?

Bamalad egislenabalid

  • Absoge Génesis 45:1-28.

    José gusadgi, ¿igi anmarse oyolege, ibmar soggwen gebeunni Jehovág arbamaladga ibmar isganag guo daklegele, Jehová nabir imake ibmar nuedga bur gued? (Gén. 45:5-8; Isa. 8:10; Fili. 1:12-14.)

  • Absoge Génesis 46:1-27.

    ¿Igi Jehová, Jacob ogannosa Egiptos nadapgu? (Gén. 46:1-4, Bibliag urba soglenaid.)