Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

24: José e iamar wilubdaksa

24: José e iamar wilubdaksa

JOSÉ wisgubie e iamar 10 mergued bur amba dule isganamar dibeye, degine amba ibigwensur dulemar imakmarbar dibeye. Degsoggu amarga soge: ‘Bemar yam neg argamaladid. Bemar yam danimala amigega bia anmar neggweburgi ibgwensur dogledibe.’

Abin sogmala: ‘Suli, anmar aa dulemar suli, anmar dulemar emar yardaked suli. Bela anmar na gwenadganbii. Anmar 12 merguena. Aukine anmar gwenad wargwendi bar anmar walik gudi suli, geb bur bipigwaddi neggi besa anmar bab walik.’

José yam itosuliyob na imake. Imasa wemar gwenad Simeónye nugadi eskaryagi melleged, geb bamaladdi mas sedmalad, geb na negse namalad. Aukine emarga soge: ‘Bemar arbalile, anga bemar urba bipigwad sedamalo.’

E neg owarmasmargua Canaánse, bela e bab Jacobga sogsamala igi gusmala. Jacob nue wile itoge. Geb gotesunna: ‘José bar anmar walika gudi suli, geb emisgi Simeón bar anmar walik gudisurmoga. An imakosuli bemar ani Benjamín sedmalad, an machi bipigwad.’ Aukine ega mas galakudgua, Jacob Benjamín barmie dakleali Egiptose, napi mas amigega.

Emisgi José dakarbali e gwenadgan danibali. Yeer itoali e urba Benjamín dakargu. Aukine emardi wichurmala we dule nug nika gudiidi, José. José emisgindi ibmar soggwen imasa e iamar 10 mergued wilup dakega.

E maigan gumaladi bela wemar sagumar yaba mas oubomaladga imasa. Aukine imasbali e maigan arbak e mani sibu nog bur nuedi Benjamín sagu yaba odogedi. Degine bela nadmalad sorbali, geb bannaba gusmargua, José e maigan barmisa wemar baleginnega. Balegichamargu José e maigana wemarga soge: ‘¿Ibigala bemar anmar dummad e nog mani sibu sobaled atursasmala?’

Bela e gwendgan sogdemala: ‘Anmar ei nog atursachuli. Doa sagu yagi sii bemar dakarmar dibe, bemar we dule oburgwemalodo.’

Degsoggu José maigan bela emar saguyab amismala, geb Benjamín saguyab e nog sii dakleali, igi sobarnaidgi be dake. José maigan soggarmala: ‘Bamaladdi namalo, aukine Benjamíndi anmarba dago.’ E iamar 10 mergumaladi, ¿ibu emisgindi imakmarsunnoe?

Ber gannar José negse, Benjamínba armarmoga. José, e gwenadganga soge: ‘Bemar bela nabir negse namala, ar Benjamíndi an walik melledoe an maiga guega.’

Emisgi Judá sunmakali, geb soge: ‘An web machigwa sate owarmachundibe, an bab burgoe, ar bela bela na we machigwa sabgued. Degsoggu, bur be, an be an obege be maiga guega, machigwadi barmide.’

José emisgi mag dake e gwenadgan e daed gwagsamala. Bar dule isgana surmala geb bar ibigwensur dulemar imaksurmar bali. Anmar dakoena emisgi José ibu imasa.

Génesis 42:9-38; 43:1-34; 44:1-34.

José e iamar wilup daknaid


Egislenaid

  • ¿Ibig José sogsa e gwenadgan dulemar yam neg argamalad guye?
  • ¿Ibig Jacob e machi bur bipigwad, Benjamín nugadi, barmisa Egiptose?
  • ¿Igi nabir Benjamín sagus dognoniki José e nog mani sibu sobaled?
  • ¿Ibu Judá imake soggali Benjamín mer galegega?
  • José iamala, ¿bar igi dasurmala?

Bamalad egislenabalid

  • Absoge Génesis 42:9-38.

    Jehová e neggweburgi emar idugedgi arbamaladga, ¿ibig nuedi José ibmar sogsad Génesis 42:18 gine naid ebinsamalad? (Neh. 5:15; 2 Cor. 7:1, 2.)

  • Absoge Génesis 43:1-34.

    Rubén, machi saila gined inigwale, ¿igi nue mag daklege Judá e gwenadgan anar sunmasdae? (Gén. 43:3, 8, 9; 44:14, 18; 1 Cró. 5:2.)

    Anmar nue dakdele, ¿igi José e gwenadgan wilup daksa daklege geb ibigala? (Gén. 43:33, 34.)

  • Absoge Génesis 44:1-34.

    E gwenadgan mer e wisguedga, ¿ibu wisid yobi na imasa? (Gén. 44:5, 15; Lev.19:26.)

    ¿Igi José iamar na oyosmala bar dule nobe gala gusurmala, iduar José gine nobgusmalayob? (Gén. 44:13, 33, 34.)