Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

21: José e iamarse istar daklesa

21: José e iamarse istar daklesa

¡BE DAKE, we machi nue bukib binsae dakleged, igi gudo dibe na wichulid! We machigwa, Joséd. Aka na e iamala, we dulemar Egiptose nadapmalad sega manigi uknanaid. Aa neggweburgi José emar maiga imaklegoed. ¿Ibigala e iamar, babbi mesamalad, we ibmar isgana imaknanai? Ar José gine nobmalad bali. We masmala e bab, Jacob, napira José binar daena. Agala, ega mor suid yeer dakleged imasa. E iamar ambe merguedi daksamargua Jacob napira José binale, egi nobguarmala geb istar José dakarmala. Aukine ibmar baid ulale amba istar José daksamar bali.

E iamar José uksamalad

José, irbo gabdasa. We irbo gabdasadgi, daksad e iamala e asapinni dullu gwisgunonidamala. E iamala bur bule istar José daksamala, José e gabdasad emarga sogsagu.

Ibagwengi, José iamala e babga sibadmar edarbedimala, geb Jacob, Joség sogde, be daknaoye be iamar bule nueganbii gudimardibeye. E iamala dakarmargua José daniki, abar soggarmala: ‘¡Anmar oburgwe!’ Aukine bur e ia saila ginedi, Rubénye nugad, adi soge: ‘¡Mer we ibmar imakmala!’ Degsoggu bur José egwachamala dia dinna siid yaba. Geb sigwismarsunna, igar amigega igi José imakmalodibeye.

Degid gine Ismael dorgana danimala. Judá, e gwenadganga soge: ‘Ismael dorganse anmar manigi ukdo.’ Geb deyob imasmala. ¡Mani sibu 20, José uksamarsunna! ¡Wedi gwen ibmar nued guchuli!

Degid gine Ismael dorgana danimala. Judá, e gwenadganga soge: ‘Ismael dorganse anmar manigi ukdo.’ Geb deyob imasmala. ¡Mani sibu 20, José uksamarsunna! ¡Wedi gwen ibmar nued guchuli!

¿Igi e babga emisgi sogmalosunna? Cabra oburgwismala geb José e mor yeer daklegedi we abegi dudi dudi imasmala. Geb we mola e babse sesmala, degine, sogdapmala: ‘Anmar we amisad. Be dakena, bule José mor surdibe.’

Jacob dakargua, inso aadi, Jacob ogormakali: ‘Ibmar dula sapurbalid ani José oburgwisar gebed.’ José e iamala abemala weyobi e bab binsaedi. Jacob nue wile itoged. Beeche, bane bane bodi guali. Aukine José burgwichuli. Anmar dakoena igi gude José neggweburse owarmasgua.

Génesis 37:1-35.



Egislenaid

  • ¿Ibig e iamala Joség nobgusmala, geb ibu imasmala?
  • ¿Igi José iamala, José imakbimalana, aukine igi Rubén sogsa?
  • ¿Ibu ibmar gusa Ismael dorgan ibmar ukmalad nonimargu?
  • ¿José iamala ibu imasmala, e bab binsaega José burgwisye?

Bamalad egislenabalid

  • Absoge Génesis 37:1-35.

    ¿Igi Cristob nanaid na oyosmalale José yobi damarmoga, gwenadgan bukwad yag ibmar isgana imaklealile barsogedgi? (Gén. 37:2; Lev. 5:1; 1 Cor. 1:11.)

    ¿Ibigala eiamar Joség aibichamala? (Gén. 37:11, 18; Pro. 27:4; Sant. 3:14-16.)

    ¿Igi Jacob guali ei machi burgwisgu, dule burgwisale belagwable deyob guardamala? (Gén. 37:35.)