Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

19: Jacob bukidar mimmigan nikgusa

19: Jacob bukidar mimmigan nikgusa
Jacob e mimmigan burakwa sii

JACOB masmala be dake, bukidar gusmala; 12 mergumala. Geb amba sisgan nikgusbali. ¿Be wisi igi abar we mimmigan nug nanaena? Anmar abar durdakoena.

Rubén, Simeón, Leví geb Judá, Lea mimmigana. Raquel dakargua edi mimmigan gwen nikgusuli, bukib itoali. Agala e mai Bilha nugadi Jacobga uksa, geb Bilha masmala warbo nikgunoniki, Dan, Neftalí bogwa. Degiidgi Lea e mai Zilpa nugadi, Jacobga uksamoga, geb Zilpa masmala warbo nikgusmoga, Gad, Aser bogwa. Sorba Lea gannar warbo masmala nikgunonibali, Isacar, Zabulón bogwa.

Degiidgine, Raquel nabir machi wargwen nikgunonimoga. Onugsasa José. Sorba anmar bur bule ibmar durdakoe José siki, ar wedi dule nug nikadga gunonisoggua. We masmala 11 merguedi gwalulesmala, Jacob, Labán walik gudigua, Raquel e bab.

Jacob amba sisgan nikgusbali, aukine Biblia unnila wargwenbi e nug obare. Adi nugana Dina.

Emisgi ibamar owarmasa, Jacob, Labángi bangue soggali geb gannar Canaánse naega. Degisoggua bela e neg ya ginmalache gocha. Amba na ovejamar geb molimar burakwa urbisbali geb dikasur nadmarsunna.

Jacob geb e gwenadgan burakwa Canaánse owarmasad sorba Raquel goe baid nikgunonibali. We ibmala gusa ibagwengi neg baichik nadapmargua. Raquel ibigwensur goe nikguchuli, geb goe baknai burgwenoniki. Aukine e goedi burgwichuli. Jacob onugsasa Benjamín.

Anmar mer iege Jacob mimmigan 12 mergued e nugmar, ar bela Israel neggwebur wemargi danikid. Israelgi 12 mergu neggweburmar nikana. Neggwebur 10 mergu onugsalesa Jacob mimmigan 10 mergued e nug bali, geb neggwebur gwabo dina, José mimmigan ebogwad nug bali. Bela we masmala gwalulesad sorbali, beeche amba Isaac gudigusa, geb yeer itosar gebed bukidar wagan nikgusadba. Aukine anmar dakoena igi gusa e wagwa wargwen, Dina nugadi.

Génesis 29:32-35; 30:1-26; 35:16-19; 37:35.



Egislenaid

  • ¿Igi nuggusmala warnergwa Jacob masmala nikgusadi, e ome gepegwad Leaye nugadbo?
  • ¿Igi nuggusmala warbo Jacob mimmigan nikgusadi Zilpabo, Lea e maig gusad?
  • ¿Igi nuggusmala warbo Jacob masmala nikgusadi Bilhabo, Raquel e maig gusad?
  • ¿Igi nuggusmala warbo Raquel mimmigan nikgusad, auki igi guchunna dummad yarbalid gwalulenagu?
  • Sobarnaid be dake. ¿Warbigwa Jacob masmala nikgusa, geb ibu neggwebur wemar gine noali?

Bamalad egislenabalid

  • Absoge Génesis 29:32-35; 30:1-26; geb 35:16-19.

    Jacob masmala ambe gakabo nikgusadgi, ¿igi anmarse oyolege, epenne hebreomar mimmiganga bia nug amisdamala?

  • Absoge Génesis 37:35.

    Biblia unnila Dina nugbi obare inigwale, ¿igi anmar wisi Jacob sisgan bamalad nikgusbali? (Gén. 37:34, 35.)